فجآءه انتفحت ارقبتي >> تكفوون طمنوني ..؟

[بالحيـل ذباحـه]

السلام علييكم

شلونكم بناات .. انا بدخل ع الموضوع ع طوول ..~

فجآءه اول ماقمت من النوم لقيت ارقبتي منتفخه حيييل .. ورحت المستشفى وقالي الدكتور انه فيني غده درقيه متضخمه وقال لازم تسوين التحاليل .. وسويت بعدها ع طوول تحليل غده واخذوا مني عينه للغده >> والحمدالله الهرمونات طبيعيه ,, والغده اول ماتجي تكون لها علامات " انا نهائيا ما حسيت بشي لا حراره ولاترجيع بس انه رقبتي منتفخه وحتى فجاءه طلع النفخ من غييير اي مقدمات >> وسالت الدكتور من شنو ,, قال هذي بسبب الحاله النفسيه حتى قالي ماتحتاجين لاعمليه ولا علاج >> بس انا خايفه لان كل اللي فيهم غده يا انهم يسون عمليه ولا ياخذون علااج

بناات تكفون انا اخااف من شي اسمه عملييه >> تكفوون طمنوني العلااج لازم اخذه ولا لا .؟؟ والدكتور قالي لازم كل 6 شهوور تسوين تحليل وعينه​

 

[honey and gum]

حبيبة قلبي
انا اصلا اول ما شفت موضوعج قلت اكيد غدة
حبيبتي انا مثلج اطلعتلي مثل صعرورة مو على ارقبتي فوقها بشوي و اتعورني حييييييل يعني مجرد ما المسها ابجي
رحت طبيب عادي حكومي قالي هذي غدة درقية منتفخة لان بعض الدهن متجمع فيها
و لا سوالي عملية و لا شي
بس حبوب و مضاد حيوي و كاني مثل العافية و لا اطلعتلي مرة ثانية كلش
وتوكلي على الله و لا اتخافين
الله يوفقج

 

[بالحيـل ذباحـه]

انا ما احس بعوار لكن احس بصعوبه لما ابلع ريجي >> ولازم بطل الماي عندي ومعاي وين ماروح
وانا عالجت بمستشفى حكومي >> لكن الدكتور ما عطاني علاج ولاشي
كل اللي قاله تراجعين بعد كل 6 شهور عشان تسوين تحاليل ..~

ومشكووره حبيبتي ..~

 

[بالحيـل ذباحـه]

حبيبتي النفخ اللي برقبتج بعد ما اكلتي العلاج راح ولا لا ...؟؟!!
ولا بيظل موجود ع طوول >> والله اني خآيفه ..~

 

[honey and gum]

لا حبيبتي راح ولا كان في شي
بس ديري بالج اتحطين عليها اي شي
انا كنت احط عليها ماي بارد بس طلع موزين وايد لها
حبيبة قلبي المراجعة بعد جم يوم عشان ايعرف في تغير صار بالهرمونات او لا
بس انا وايد اعرفهم صار فيهم غدة درقية و لا صار فيهم شي بس اهوا الدكتور حاب يتاكد قبل لا يعطيج العلاج
ادعي ربج و صدقيني راح ترتاحين

 

[بالحيـل ذباحـه]

يآآحيآآتي مشكووره ..~
وآلله يشآفي كل مريض يآرب "

 

[honey and gum]

العفو يالغالية
الله يشافيج باقرب وقت بهذا الشهر الفضيل
تحياتي لج

 

[M!Ss English]

رد : فجآءه انتفحت ارقبتي >> تكفوون طمنوني ..؟

الله يشفيج يارب

 

[خزنـة التايـــر]

رد : فجآءه انتفحت ارقبتي >> تكفوون طمنوني ..؟

الأنتفاخ الي عندج بالغدة دليل على وجود التهاب في الجسم عمومآ .. هذا كلآم دكتوري يوم صار فيني نفسج
والله أعلم

تحيآتي :
خزنـة التايـــر

 

[sweet dashttya]

رد : فجآءه انتفحت ارقبتي >> تكفوون طمنوني ..؟

واي نفس ابوي فيه الغده

الله يشاافي الجميع

 

[ام العبايه]

رد : فجآءه انتفحت ارقبتي >> تكفوون طمنوني ..؟

اي حبيبتى انا بشهر 12 كان عندى خفقان بالقلب وتعرق زايد ورجفه بالايد ورحت الطوارى سوولى تحليل الياكو وطلع عندى نقص بالكاليسيوم وحولنى على الباطنيه قالى هذى اعراض غده درقيه وسوالى سونار واشعه النوويه وقالى عندج الغده مضخمه واهى سليمه ما فيها شي بس بناخذ عينه بمبارك الكبير واخذوا لقوها 3 سم و1ونص حميد مضخمه ومالى علاج غير الادرال يوم اخذه وعشره لا وقالى اصبري لين تتطور الحاله ....... بس راجعي كل اربع اشهور مدرى شناطر بلعومى يعورنى عند البلع وتنميل برجولى ان وقفت ما احس فيها كانها مو موجوده من الفخذ لين اصابعي هذا ان سويت مجهود وانا ناطره موعدى ............ وانتى شصار عليج

 

[بالحيـل ذباحـه]

رد : فجآءه انتفحت ارقبتي >> تكفوون طمنوني ..؟

يعطييكم العافييه ع المرور

ام العبايه >> حبيبتي انا ما احس بعوار ولا شي .. بس انه جسمي دايم يعرق واحس بحرر مو طبيعي حتى لو التكيف مشغل
لكن هرموناتي طبيعيه الحمدالله بس انه وزني حييل ينزل ,, يعني الدكتور قال الحمدالله ماتحتاجين لا علاج ولا عمليه
لكن النفخ مازال موجود ,, وقالي لازم اراجعهم كل 6 شهور للتحاليل والعينه >> عشان يتطمنون

والله يشافييج حبووبه ويشافي كل مريض ..~

 

[ام العبايه]

رد : فجآءه انتفحت ارقبتي >> تكفوون طمنوني ..؟

نفس حالتى مراجعه وتحاليل وبس................ يوم راجعته شهر 7 شفت واحد ارقبته منفوخه وايد لدرجه ما يلف يمين ويسار وهندى يقوده مع انه شاب سالت الدكتور قالى هذا حالته ضعف حالتج بس ماله داعى العمليه لان الغده سليمه .