فجأة صرت أكره اسمي مادري شو السالفة..دشوا خلونا نتناقش شوي

[ريم بوظبي]

مرحبا بنات اشحالكم :eh_s(17):

الموضوع واضح من عنوانه
أنا من فترة قمت اكره اسمي وايد مادري ليش والله !
تعبت نفسيا
أحيانا أحس اني سخيفة وتافهة
وأحيانا أحس جد اسمي مب حلووو وأبا أغيره
ريم بوظبي نك نيم
أنا اسمي الحقيقي علياء !
دايما يقولون لي اسمج ملكي ورزة وجي
بس أحس ودي أغيره وكم مرة ييت برمس أمي بس خفت تزعل
لأن هي اللي مسمتني..أصلا هي مسميتنا كلنا
وكلنا بحرف العين بعد
اخواني بحرف العين
وخواتي عبير وعهود .. أحس أساميهم حلوة وأنا لاااااااااااا
بنات شو رايكم بالاسم أمانة ,, هل انا مكبرة الموضوع فعلا ؟؟
ولا صدق الاسم يفشل ؟؟!

وهالموضوع أبا أخليه بعد للمناقشة بموضوع الاسامي
هل تمنيتوا تغيرون أساميكم بيوم من الايام
وشو الاسماء اللي تحبونها .. ؟ ولو ودج تغيرين اسمج شو تتمنين يكون؟؟
وبث :eh_s(17):

 

[نهى الأحمد]

هلا حبيبتي


بالعكس

يازين اسم علياء


اسم راقي


معنى الاسم علياء : كل شيء مرتفع، كرأس الجبل، و- مكان مرتفع، و- صلب شديد قوي، و- رفيع القدر. ​

واذا حابة تتناقشين عن هذا الموضوع


اكو موضوع عنه في هذا الرابط :eh_s(17):

http://www.q8yat.com/t790656.html