فجأة وبدون مقدمات قالك اريد اتزوج ...!!!

[eye shadow]

مرحبا بنات

هذي مشكله وحده عزيزه علي واريد مشورتكم علشان اساعدها


فجاة زوجها قال لها اريد اتزوج ..!!!

وش تسوي ؟..

يعني فجاة تكشفي ان زوجك الي عاشيه معاه سنيين على علاقه بوحده ثانيه وناوي يتزوج !!

ويقول ساعديني


يعني خيانه وزواج

هذا من غير تقصيره المادي عليها وعلى عيالها !!

يصرف على وحده ما تستاهل ..

شـ تسوي ..!!

 

[eye shadow]

اببببب

 

[قاهره عذالي]

تروح تزعل ببيت اهلها وتدخل اهلها
وتقوله فوق تقصيرك تزوج علي
الله يعينها بعونه

 

[حلا vip]

لاحول ولاقوة الا بالله الله يعينها انا اقول لاتحر نفسها ولاشي ولاحتى تتضايق ادري بتتضايق غصب بس لاتستسلم الحياه مو واقفه عليه والحمدلله عندها عيالها بالدنيا كلها ولاتتحسف على واحد مثل هذا ونصيحه والله العظيم لو طبقتها بإذن الله سبحانه راح ترتاح اقل شي تقوم بالثلث الاخير من الليل لوقبل الفجر نص ساعه وتصلي ركعتين وتدعي الله سبحانه ان الله يعينها ويردها لها ويسخره ويسعدها بإذن الله الله ماراح يخليها وتستغفر وتقرا قرآن ترى كل هذي اشياءبسيطه بس عوايدها معجزااات ولاتخلي الشيطان يلعب براسها وتتكاسل ولا تقول ماكو فايده خل تجرب وتشوف وتهتم بعيالها وبحياتها ومستقبلهم هذا اهم شي والله اهم من زواجه وخرابيطه وخل هذي مرته الجديدع تستانس فيه اللي ماتستحي والله يصبر رفيجتج والحياه ماتوقف عند رجال صح ولالا.

 

[حلا vip]

شنو تروح بيت اهلها لاااا نصيحه ولا ماراح يعبرها اذا هو اصلا مومعبرها ويبي يتزوج عليها وبعدين اذا زعلت وراحت ماراح تستفيد شي بالعكس زوجته اللي ناوي يتزوجها راح تكون هي الكسبانه ورفيجتج الخسرانه. هذا كلام العقل بس اذا تبين تمشي ورا قلبها وعواطفها اكيد بتروح بيت اهلها بس ماراح تستفيد شي

 

[تعبت اداري...~]

لاحول ولاقوة الا با الله
مايرد القضاء الا الدعاء.............

 

[قلبي عبدالله]

الله يسهل دربه

ولا سمح الله لو اني مكانها بيت اهلي مفتوح رباني صغيره يربيني كبيره

وقط عياله عليه اشوف يتحملهم لو لبقره اللي بيجيبها تتحملهم ,,,,,,,,,,,,,, قرصة ادن

 

[x.Lina.x]

امممممممممممممممم هذا مايحبها كلش في ناس جذي علاقتهم الزوجيه علاقة اداء واجب برود و معدومة المشاعر مافي رومانسيه و لا شوق ولا متعه جنسيه _ شلون ماعالجت كل هذا من الاول ؟ مافي رجال يطلب انثى ثانيه و يقولها بكل قوته وجراءه الا وان مو معبر الاولى .. لازم تكلمه شنو محتاج وشنو ناقصه وشنو شايف بالثانيه زود _ هاذي مو مشكلتها الزوجه الثانيه هاذي مشكلتها معا زوجها اساساااا ..

 

[حلا vip]

اكيد بيت اهلها مفتوح بس شنو الشي اللي يسوا اقط عيالي عليه مالت عليه واخليها تتوحد فيهم واقعد انا ببيت اهلي محرومه لا موصحيح اقعد ببيتي معززه مكرمه وعند عيالي هي الطالعه وغصبن عليه ذيك الساعه بيصرف علينا

 

[زوجة عزيز]

الله يصبرها على مابلاها ما اعتقد انها تقدر اترده لانه اهو ماحط لها اي اعتبار وهاي الشي بيدها اهي تقرر اشبتسوي احنا ما نقدر انقولها تطلقي اذا اهي ماتبي تتطلق وكل وحده وقدرتها على التحمل في ناس يصبرون على ان زوجها يتزوج وفي ناس مايقدرون اذا كانت تبيه لازم تشرط عليه انه مايقصر عليها ولا على اعيالها ويوفر كل طلباتهم واذا نفسها عايفته اتروح بيت اهلها ابرك لها

 

[eye shadow]

هلا خواتي

هي لو راحت بيت اهلها .. الزوجة الجديده راح تربح لان الجو راح يفضى لها
واذا خلت الاولاد معهم ,, الاولاد شـ ذنبهم يتعذبوا ويتبهدلوا مع الثانيه ..!!

يعني تطيح في الاولاد مساكين ,,!

اختي هي لو مقصره كانت ممكن تعذره ,, بس هي صديقتي واعرفها ما مقصره معاه
وفرضا فرضا مرة فترة تقصير او ابتعاد .. يعني الحل الزواج

يعني المره تعيش مع الزوج ويروح شبابها وصحتها تربي العيال وتهتم فيه هو .. واخر شي يجازيها بالزواج من وحده اصغر .. وهي متحمله العيشه معاه على الحلوه والمره ..
وهي تتحمل وو

وبعدها تكتشف انه يتدين ووو عشان يجمع للثانيه ويقصر فيها وفي اولاده ..!
يعني صراحه قمة القهر وقمة النذاله !!

صراحه الزواج ياخذ كل حياة المره ووقتها ومواهبها ووووو .. واخرتها كذيه !!

 

[الغاليه ام احمد]

الله يكون بعونج

 

[مسك الجود]

حلا في اي بي كلامج صح ميه بالميه

 

[بقــآيآ جـروح]

تصير آنذل منه وتآآخذ حقهآآ وحق عيآآلهآآ ترفع قضية نفقه وحضآنه وربي ليتشرشح
حتى خدآآمه فرض يحط لهآآ وشقه يدفع آجآآرهآآ
وتعيش احلى عيش مع اعيآلهآآ بلاحرقة قلب وآمرآض ومرة ابو
سنين تعب وركض عشان يتزوج ويقطني مع عياله ويقصر علينا بعد
الحياه نعيشها مره وحده يانعيشها بكرامه وعدل يابلا ​

 

[بقــآيآ جـروح]

اللي قول غصبآآ عليه يصرف شلون طقه تقوله عطني
يآآحبيبتي الحين حريم هم يصرفون وسآآكتين ومتحملين بعد يتزوج ويحط مهر يديد
وبيت ويقصر بحق الحرمه اللي ضيعت عمرها معه عشان بن متعرف عليهآآ
والريال مآآفكر يتزوج وحدده كلمهآآ الا هو حآآبهآآ واللي يحب مايعرف يعدل بيظلم مرته الثآآنيه
وعيآآلهآآ وبيفرق بينهم وبتنقلب حيآآتهم من سي لي اسوآ لو مآآيعرفهآآ ممكن نقول في آمل
يعدل بينهم وممكن مآآيرتآآح مع اليديه وممكن يتفقون بس هو مبيت النيه ومجمع الفلوس ​

 

[ورده الكرستال]

لاحول ولا قوه الا بالله


شفيهم الرجاجيل !!!!!!!!!!



عليها بدعاء واذا اهوا مصمم على الزواج



تطلب منه شروط تعجيزيه يمكن يطخ.​

 

[رحيل المرافيء]

انا استغرب يقولون ضيعت عمره معاه
ليش ضيعت عمرها كاهي تزوجت ويابت عيال
لو مو متزوجها بتقعد من غير زواج وهم بيضيع عمرها على ولاشي
على الاقل تزوجت وجربت الحياة الزوجية وورزقها بعيال يملون عليها حياتها ويشيلونها لاكبرت
ماشاء الله عليكم كله تلعبون دور الضحية وانكم مضحيات
ولاتقولين مو مقصرة شدراج عنها انتي نمتي معاهم بالفراش
كل وحدة بتطلع جدام صديقتها مو مقصرة
ماكو وحدة تقول لمرة ثانية انا مقصرة ولا فيني بلااا ابد

 

[جنون العشق]

مابي افكر مت مت قهر

 

[انا لحبيبي .]

مجتمعنا كتير قاسي ،، منشان الاولاد نرضى بالذل من الزوج والوحده تموت قهر وتضل

مع زوجها عشان الاولاد ، ويجيب ضرتها وتكون بين عيونها والفرق شاسع بين معاملته

مع مرته الاولى ومرته الثانيه ، والزوجه الاولى ترضى بهالشي برضه بس عشان الاولاد


لامتى مجتمعنا هييك رح يضل؟؟

بتعرفي انه في ناس ، بحكو للزوج روح تزوج وخود اولادك معك عشان ما يعرف يعمل شي ويضل محكور بين الاولاد؟ ومع الاولاد؟ لانها لو راحت بيت اهلها هو هاد يلي بدو ياه بس يكونو الاولاد معها عشان ما يصرف على الاولاد ،، ففي بنات بحكو روح اتزوج الله معك بس خلي اولادك معك ، وهي بتروح بيت اهلها لحالها

 

[x.Lina.x]

الله يهديه