فحص الولاده

[Sol6ana]

السلام عليكم ورحمة الله وبركاته

للي سبق لها الولاده وجربت الفحص

بناااات انا خايفه من الفحص بدرجه لاتتصور ?

اشرحو لي مستوى عواره ?
يعني هووو يعووور يعور ولا عادي قولو لي تجاربكم مع الفحص وشكرا

?????????

لا اله الا الله
ماشاءالله
تبارك الرحمن
اللهم صل وسلم على سيدنا محمد عليه الصلاه والسلام

 

[مزآجيه!]

عادي ما يعوّر

بس انتي لاتشدين عشان ما تتعورين

حاولي ترخين لمصلحتج هالشي

 

[قرة عيونه]

سمعت ان يفرق من ايد لي ايد

في بعض الدكاتره ايدهم خفيفه ماتحسين فيها

انا بجر ماجربت الفحص

بس لا اخافين ترا مو شرط يفحصونج ع طول مايفحصون الا اذا مر اسبوعين بالتاسع او اكثر جذي دكتورتي قالت

او اذا جاج طلق وبيدخلونج ولاده لازم يجيكون ع الرحم جم سانتي يعني يمكن يفحصون مره بس وان شاء الله سهالات ماتوقع بيكون ذاك العوار اللي لا يطاق

 

[Sol6ana]

لا اله الا الله

 

[ام مريم ورحمة]

الحمد لله انا والدة اربع مرات والفحص مو ذاك العوار اللي يذبح لا والله محتمل وكلها نص دقيقة او اقل بس الدكتورة تشوف عنق الرحم مفتوح جم سانتي ولين اولا وبس وانتي عليج تاخذين نفس طويل واهي تفحص وماراح تحسين بشي

 

[Ranoon]

بصراحة انا يوم بشوف كم رحم فاتح فحصتني دكتورة وصراااااخ انا
عوااااار وصراخ يطلع مني !؟؟


أيدها تعور وووووع يا كره فحص الرحم


الله يستر عليج ويسهل ولادتج

 

[baa6aa]

اذا عطوج مسكن او كمام ماراح تحسين والعوار ثواني و يروح مو وايد لان مجرد تشوف شكثر مفتوحة وخلاص

 

[ام عبد العزيز م]

عادي حبيبتي اهم شي لازم ترخي نفسج اهي دقيقه بس عادي

 

[fofo90]

على حسب ايد الدكتورة واغلب البنات يقولون يعور للامانه انا ماعورني كلش
ولا حسيت بشي لاني كنت رايحه موصله مفتوحه ثمانيه سانتي الحمدالله
والله يسهل عليج

 

[RoDriGueziYa]

ولدت مرتين وجربته وايد وعند دكتورتين مختلفتين كلشششش عواره شي لا يذكر ما احس نفس كلام البنات لما يقولون عنه!!

وحتى لو عورج ثواني بسيطه وما يتقارن مع عوار الطلق،،، الله يسهل عليج

 

[# غنوجة بيبي #]

انا بعد بجر و خايفه


الله يسهل

 

[ام أسد]

انا ولدت قيصرية بس قبل ﻻ يتفقون الدكاترة على القيصرية كانوا يحاولون بالطبيعي طلق صناعي وشكثر فحصوني انا كنت مثلج خايفة وشايلة هم السالفة بس وقتها كلش ماحسيت حتى عوار مافي الوضع عادي ﻻتحاتين انتي بس اخذي مفس ورخي نفسج وماراح تحسين بشي

 

[lawyara]

بجر وهالموضوع مسويلي رعب
اشوه الردود اتطمن هنيي ♥♥

 

[مــتــنــحــة]

العوار معقول

مو بنفس الطريقه اللي بعض البنات تقولها

يعني ترا انا اعرف بنات والله العظيم يطق اصبعها شي

تصارخ صراخ كانها مطعونه او محترقه !!!

فيه بنات دلع وفيه بنات مايتحملون اي نسبة عوار مهما كانت خفيفه

انا اقولج احساسج بيكون انج مومرتاحه اكثر ماهو احساس بالالم

وانا افضل الفحص من اول التاسع لان الفحص يساعد على تحريض. الرحم عالولاده

ومرات اقولها سوي لي توسعه شوي بس الاغلبيه ترفض

الا دكتوره عاليه قبل سوت لي توسعه طبعا فيه عوار بس بعدها بيوم ولدت والرحم كان مفتوح

ولين وسهل انه بسرعه يفتح بالذات ان راس الجنين كان تحت وتقريبا نازل بالحوض

مادري مااقول انه صح

بس انا اتعب بالتاسع وابي اولد باي طريقه وفيه دكاتره تطاوعني ودكاتره لا :d

 

[ملح الكون]

هو مايعور هو يلوع جبدج ويوترج وخوفج بسبب لج الم ..
سمي بالله وتوكلي على الله واخذي لج نفس واصلن مايسون لج الا ب9 والله يهون عليج ويقومج بالسلامه ..

 

[Aloe Vera]

مايعور