فحص وايد مهم سامعين عنه ال NT measurement

[Noor_ilQ8]

السلام ، في فحص يسونا بلسونار الي ياخذون كميه السائل خلف راس البيبي و الكميه تنقاس بالملي متر، اذا كان 2.5 او اكثر احتمال البيبي يكون فبه خلل في الكروموزومات الي يسبب الداون سيندروم او اي سيندروم ثاني ، و ينعمل فحص للدم اسمه التريبل سكريننق تست او المسح الثلاثي للام و يتقارن مع السونار و وزن و عمر الام و النتيجه تطلع احتمالات و ليس تآكيد، يعني يقول احتمال 1 من 2500 يكون البيبي في خلل بالكروموزومات او 1 من 10 . في احد عمل هذا التحليل و ليش و منو الدكتوره الي اطلبت انه ينعمل، شكرا و اسفه علي الطواله

 

[((غلاي))]

الي اعرفه ان الداون يبين بالسونار الرباعي او الثلاثي من قياسات الرقبه
بس تحاليل دم مدري
احس الدكاتره ينهبونا على تحاليل مالها داعي
في وحده كل شهرين تحاليل لامراض اعوذ بالله مو موجوده هالتحاليل الا بره
ليش؟؟؟؟؟

ابي اعرف ليش في دكاتره صارم استغلاليين الهدرجه

توكلي على الله و لا تسوينه ماله داعي
لاتوسوسين وايد

 

[Noor_ilQ8]

غلاي مشكوره علي الرد، اي والله الدكاتره صايرين وايد تجارين، رحت لدكتورتين قالولي ماله داعي ما تحتاجين التحليل . ان شاء الله خير بالي الله كاتبه

 

[tbola]

اول مره اسمع في

 

[((غلاي))]

غلاي مشكوره علي الرد، اي والله الدكاتره صايرين وايد تجارين، رحت لدكتورتين قالولي ماله داعي ما تحتاجين التحليل . ان شاء الله خير بالي الله كاتبه

العفو

لا تسوينه و لا يلعبون فيج الدكاتره و يخرعونج
شكلج اول حمل لج صح؟؟؟؟؟؟

امهاتنا احملوا فينا و ولدونا و لا سوا تحاليل و لا بطيخ
بعدين ليش اتعبين نفسج و تفكرين باشياء سلبيه مالها داعي
ترى الدكاتره الي تكون عياداتهم اهما خاصه فيهم و مو الكل لا دكاتره معينين اهما الي يبون هالتحاليل على ظهورنا كله ربح و نصب و ياريت التحاليل رخيصه غاليه و بالميات

انا قبل الدكتوره تقولي لاتسوينهم بالمختبر سويهم بالمستوصف بس كنت اتكيسل و اسوي بالمختبر اغلى شي 20دينار و لا مره دفعت اكثر


الله يتمم عليج يارب:eh_s(17):

 

[om mido]

توني مسويه سونار كانت الدكتوره تقيس مساحه الراس وهالشغلات عشان الطفل المغولي
طبعا بالسونار ٧٠ بالاميه يعطيج النتيجه الصحيحه واذا تبين تتاكدين اكثر تقولج سوي تحليل دم
الدكتوره ما تغصبج عليه بس انها تعطيج معلومه اذا حابه تتاكدين

وهالتحليل يمكن الاجانب يهتم فيه اكثر لان اذا طلع فيه مشكله بالجنين فلهم القرار باجهاضه
اما احنا لا سمح الله طلع الجنين منغولي ماراح نجهضه فليش نسويه واهو ماراح يفرق معانا

 

[-_-Designer-_-]

انا بعد اول مره اسمع فيه بس انا رايي من راي غلاي

 

[MiSS B.K]

اااااااااب

 

[Noor_ilQ8]

مشكورين على المشاركه ، انا سويت التحليل و ان شاء الله يطلع بعد اسبوع ،

 

[ام الحلوااات]

طـــمــنـــيــنـــا عـــلـــى الـــنـــتــيــجــــــــه وان شــــــآء اللــــه تـــكـــــون ســــلـــيـــمـــه

 

[nab'9 7abeeby]

هلااا حبيبتي .. انا سويت السونار الرباعي عشان هالتحليل
وريلي سأل الدكتورة شنو ضمان نتيجة هالتحيل قالت ٧٠ ٪ ولو تبون تتأكدون اكثرر
سووا تحليل دم راحت يكون الضمان ٧٥٪ وقالت لي انا عادة اكتفي بالسونار الا اذا انتوا
حابين تتطمنون اكثر سووا تحليل دم ..