فديتكم ابي افكاركم ؟؟؟؟؟؟؟؟

[Kel Al`3ala]

السلام عليكم خواتي
خواتي انشالله اول الشهر الياي بنودي دزة اخوي الغالي..بس....
محتارين بشنو نحط الدزه..؟؟ او شنو نحط مع المهر...؟؟
يليت تساعدوني بافكاااركم
او لوعندكم صور عن افكاركم همن جذي بتكونون ساعدتوني
بصراحه قلت حق الوالده الله يطول بعمرها مانبي نحط بصندوق الفكره قديمه ههههههه

 

[خالة الزين]

اب اب اب

 

[منت اختياري]

الله يوووفقه يااارب ويهنييه
ويخلييه لكم


صراحة انا بس الي اعرف فكرة الصندوق
الي يكون معاه بخور ودهن عوود
وقران

ويكوون مكتوب فييه اسم العروس والمعرس واية قرانية

هذا الي اعرفه بس


وان شاءالله البنات يفيدونج مايقصروون

 

[Gourges]

انا بعطيج افكار وتفاصيل ومابي منج غير الدعاء ...


مره شفت بالمنتدى وحده مودين مهر اخوهم بفكره حلوه وستااااااااايل وبنفس الوقت شي راقي ..

مو حاطين لها فلووس وجذي لا حاطين لها كرت بنك .. وحاطين فيه المبلغ وحاطينه بقوطي وداخله الرقم السري ...

اخذي هلفكره .. سووا حساب وحطوا فيه المهر .. وحطولها الكرت بقوطي .. وداخله الرقم السري ...

في جبال المهلب ... محلات تغليف الهدايا .. في محل فيهم يبيع صناديق مزينه .. بس تطلبينها رفيعه تكون ومزينه نفس بوكس يكون طويل وكبير ... ومن بره ياخذ اسامي المعاريس ويكتبهم على زجاج الصندوق .. اسم المعرس والعروس وداخل يحطلج قش .. وعاد انتي وطلبج .. تقدرين اذا ماتبين فكره كرت البنك تحطين الفلوس تحت وبعدين يحطلج فااصل .. وفوق حطي العطور والبخور وساعه حق العروس ..


المشتريات الي تحطونها حق العروس ...

بخووور سنع ..

عطوور عربيه ...

دهن عود فخم ..

ساعه كشخه << هاذي لازم اغلب الدزات فيها ساعه ...

وفي وحده بالمنتدى تبيع ثوب صلاة للعرايس اسمها دلولا او شي جذي اذا بغيتي اييبلج اسمها تبيع ثوب صلاة كامل ملفوف بجيس اورغنزا ..
عباره عن ثوب صلاة وسجاده وفوطه مطرزه وقران كلهم دزاين واحد وملفوفين بجيس اورغنزا وفيه فيونكات على حسب اللون الي تبينه .. ب25 دينار ..
حطوه داخل الدزه والله اليوم انا وامي نسولف اقولها ودي احد يتزوج ودي اسوي دزه وناسه بس علشان احط هلافكار

وفي بعد عبدالمحسن للعطور بسوق الديره ... عندهم اشياء للدزه .. صناديق مخصصه حق هلشي شي فخم وحلو ومرتب .. فوق يحطون لج العطور والطيب وتحت بالصندوق فيه ادراج حق المهر .. وغيره من الافكار الحلوه

والله يوفقكم ومابي منج غير الدعاء لان عرسي بعد جم يوم :$

 

[واحشنى موت]

اب اب



ماقصرووو البنات كنت برشحلج الصندووق بس يكوون مزين وعليه اسم المعاريس واخذولهاا ساعه ماركه ,,

 

[الشيخه شيخه]

سمعت ناس يحطون المهر بجنطه ماركه بعد

 

[So0oKaRa]

مثل ماقالت الاخت انا وايد اعجبتني سالفه المهر بكرت البنك شفتها بالمنتدى والله يهني صاحبتها
وحطو عطورات ودهن عود وبخور وملافع وبوك ماركه وسجاده الصلاه هم شي وايد حلو واخذيلها كتب عن الزواج او كتب ادعيه للزواج
ولو تبين وحده تعرف بهالسوالف وتحطهم لج بشكل حلو اقدر اساعدج واسعارها مناسبه