فرانكفورت بالعيد ؟؟؟؟؟ ساعدوني بليز

[ام جنه]

السلام عليكم
حبيباتي انا انشاءلله راح اسافر المانيا تاريخ 2-9 لمدة اسبوعين وحجزت بس التذاكر لمطار فرانكفورت وحدي متوهقه شلون اخطط حق الرحله ووين اقعد باي منطقه ووين احسن مكان وانا اول مره اروحلها من جذي حيل متوهقه ومابقى شي وانا لي الحين حتى ما سويت الفيزا وانا ماحب اقعد بمكان واحد او منطقه وحده احب افتر بهالاسبوعين
اللي ابيه منكم بنات ساعدوني في تخطيط الرحله شلون بتكون وين المناطق اللي اروح لها مع الفنادق وان امكن المنتجعات والاسوقه اهم شي عندي السوق يكون حلو واسعاره مناسبه ابي كل شي ماعليكم امر بليز ساعدوني والله ببجي حدي متوهقه :bbbiu::eh_s(11)::eh_s(16):
انا كان تخطيطي انه نروح منتجع على حدود المانيا وهولندا وقلت منها ندخل هولندا وبلجيكا بس للاسف مالقيت حجز كلا فل من جذي التخطيط كلا اخترب
وبنات شرايكم بمنطقة كولون ؟؟؟
الله يفتح عليها دنيا واخره اللي تساعدني بكل شي ويعطيها اللي بقلبها ويوفقها يارب:yaaaaaarb::yaaaaaarb:
واسفه طولت عليكم وسولفت واايد
ناطرتكم
:eh_s(8)::eh_s(17):​

 

[sa7ab]

اختي انا نفسج بالعيد بكون بفرانكفورت
وبصراحه ماعندي اي فكره اول مره اروح
بس احنا مبدئيا بناجر سياره و بنروح زلمسي وعقب ميونخ واخر شي بنرجع فرانكفورت
بس بالضبط شنو الاماكن والسوقه مادري ويين ياليت تفيدونا
خصوصا الجو واللبس شلووون

 

[لمعة سراب]

انا مقيمه بفرانكفورت ويا اهلي

واحنا بمنطقه بادهبورغ bad hamburgحلووه والسوق قريب نروح مشي

وفيه كل ماركات الميكاج وقريبه من وسط المدينه هناك تلاقين مجمع gallaria كل الماركات وفي موماركات بس حلوين

وحيآآج منطقتنا حلوه وهاديه وامنه بعد

هذآ إذآ تبين بيت ، بس دآم اسبوعين سالت ابوي اذا في فندق هني عندنا قالي في فندق بمنطقتنا إسمه The westin grand hotel
http://www.westingrandfrankfurt.com/
واذآ يتي منطقتنآ ترى نحن في الخدمه إذآ تبين سآيق آو شي وهم عرب آو حتى يستقبلونكم ترى عادي

وحيااااج

 

[لمعة سراب]

والجو مرات مطر وبرررررررد

ومرات حر

 

[ام جنه]

مشكوره أختي سحاب على ردج
وإنشاءلله البنات إيفيدوونه أكثر وأكثر عشان نسوي لنا جدول
وحتى أنا حياتي بناجر لنا سياره وأيد أحسن واوفر
وخلج معاي بالموضوع عشان نستفيد مع بعض وأي شي أعرفه راح اكتبه عشان أنتي بعد تستفيدين
وسبحان الله قلت لما أدخل على الموضوع راح أسال على الجو قلبج على قلبي فديتج

 

[ام جنه]

حبيبت قلبي لمعة سراب مشكوره يأقلبي على ردج علي وراج آآذيج بالأسئله ميخالف تحمليني
أول شي المنطقه اللي قلتيلي عنها جم تبعد عن المطار وشنو المناطق القريبه اللي يمها
وأنا أحب افتر بكذا منطقه شنو تنصحيني أكثر شي أروحله وأنا ودي أدخل الدول القريبه بعد من المانيا
وإذا تعرفين منتجعات حلوه وأسعارها مناسبه ممكن تقوليلي عنها
وأنا انشاءلله بدخل وبسوف منطقتكم وإذا ييتلها لإزم إشوفج لا تقولين لا هههههه مااشي
والله والله والله مادري شنوو أقولج ما قصرتي حياتي فيج الخير من طيب أصلج يا قلبي
والحين بسالج على الجو يعني نييب معانا ملابس شتويه ولا شنوو ؟
وآخر شي منطقة كولون وأيد أمدحوها لي وجنه قالولي سوقها حلو وفيها أوت لت وقريبه يم هولند جنه تفرق ساعه أو ساعه ونص
هذي اللي اتدكره الحين من الأسئله
والله يعطيج العافيه قلبي ما قصرتي

 

[ام جنه]

اب اب
بنااااااات وينكم وينكم خبيرات المانيااا

 

[ام جنه]

سبحان الله وبحمده سبحان الله العظيم

 

[لمعة سراب]

حبيبت قلبي لمعة سراب مشكوره يأقلبي على ردج علي وراج آآذيج بالأسئله ميخالف تحمليني
أول شي المنطقه اللي قلتيلي عنها جم تبعد عن المطار وشنو المناطق القريبه اللي يمها
وأنا أحب افتر بكذا منطقه شنو تنصحيني أكثر شي أروحله وأنا ودي أدخل الدول القريبه بعد من المانيا
وإذا تعرفين منتجعات حلوه وأسعارها مناسبه ممكن تقوليلي عنها
وأنا انشاءلله بدخل وبسوف منطقتكم وإذا ييتلها لإزم إشوفج لا تقولين لا هههههه مااشي
والله والله والله مادري شنوو أقولج ما قصرتي حياتي فيج الخير من طيب أصلج يا قلبي
والحين بسالج على الجو يعني نييب معانا ملابس شتويه ولا شنوو ؟
وآخر شي منطقة كولون وأيد أمدحوها لي وجنه قالولي سوقها حلو وفيها أوت لت وقريبه يم هولند جنه تفرق ساعه أو ساعه ونص
هذي اللي اتدكره الحين من الأسئله
والله يعطيج العافيه قلبي ما قصرتي

موبعيده عن المطار يعني ربع ساعه او آقل انتي واصلة

وصج لما تنزلين من الطياره خلي التذكره معاج يبونهآ

بس شوفي دآم تحبين تفترين وجذي روحي ورآ فرآنكفورت ميونخ بالقطآر 3 سآعات

عجييييييييبه بس لآزم تسوين بحث عن آلآمآكن اللي فيهآ لان حنآ رحنآ هناك ومانعرف شي لوول بس متحف وجبال الالب

وعلى فكره كلهآ كويتيين :$

وشسمه منتجعات مآدري يالغاليه ماعرف

بسس آمي طآحت على صآلون كله تركيآآآآت إذآ تبين

إي وسوي بحث عن الفندق الي قلتلج عنه عجيب شكله ^_^

بس في مسبح سبآحه هني بالمنطقه بالبارك روووعه وهم يصلح حق اليهال خواتي الصغار كله يروحون هناك

فديتج ولا مره رحت المنطقه الي تقولين عنهآ مآعرف وآيد بالمآنيآ لآني مآحبها بس نييهآ عشآن آبوي هني

المهمـ شوفي الجو ييبو ملابس تدفيكم شوي لان مرآت يصير برد ومطر وهم ييبو ملابس صيفيه آكثثثثر

لآن آغلب آلآيآم النهآر يكون حآره وخصوصآآآآ بالحجآب وبالليل مطططططر وحلآته

 

[برميتا]

فرانكفورت خليها 3 أيام
- أول يومين تمرون الاماكن السياحية المشهورة (حديقة حيوان فرانكفورت-السوق والمولات).
-يوم تزورون منطقة قريبة مثل كولن.

شتاتغارت خليها 3 أيام
- أول يومين زيارة الأماكن السياحية فيها (قصر-معرض ومتحف البورش والمرسيدس+ التمشي)
-يوم تزورون منطقة قريبة (ستراسبورغ الفرنسية منطقة حلوة واحلى مافيها مول اللافاييت)

انسبروك (النمسا) يوم واحد
-منها تمشية ومنها محطة راحة عشان المسافة لا تصير طويلة

زيلامسي 3 أيام
-يوم لزيارة قمة كابرون الثلجية.
-يومين لزيارة الاماكن السياحية
(شلالات كريمل-متحف الشوارفسكي-منطقة سالفيديلن فيها زحلاقية ومطاعم ومقاهي-التجول في البحيرة-التجول في السنتر)
- ممكن تخصيص يوم لزيارة منطقة سالزبرغ

ميونيخ 4 ايام
اهم الاماكن السياحية
(متحف البي ام- استاد أرينا-قصر نوفينبورغ-المتحف الألماني-كنيسة القديس بطرس-ميدان مارين-الكثير من المولات والمحلات التجارية)

اخر يوم العودة إلى فرانكفورت استعداداً للمغادرة
(ولو إني كنت افضل محطة الوصول فرانكفورت ومحطة المغادرة ميونيخ توفيراً للوقت والجهد بما ان مدة السفر قصيرة)

وأي سؤال انا بالشوفة

 

[لمعة سراب]

اي ترى من المطار لي منطقتنآ عشرين دقيقه
وفي منتجع اسمه منتجع بادهبورغ

وبألسلاااامهـ إن شا الله

 

[ام جنه]

موبعيده عن المطار يعني ربع ساعه او آقل انتي واصلة

وصج لما تنزلين من الطياره خلي التذكره معاج يبونهآ

بس شوفي دآم تحبين تفترين وجذي روحي ورآ فرآنكفورت ميونخ بالقطآر 3 سآعات

عجييييييييبه بس لآزم تسوين بحث عن آلآمآكن اللي فيهآ لان حنآ رحنآ هناك ومانعرف شي لوول بس متحف وجبال الالب

وعلى فكره كلهآ كويتيين :$

وشسمه منتجعات مآدري يالغاليه ماعرف

بسس آمي طآحت على صآلون كله تركيآآآآت إذآ تبين

إي وسوي بحث عن الفندق الي قلتلج عنه عجيب شكله ^_^

بس في مسبح سبآحه هني بالمنطقه بالبارك روووعه وهم يصلح حق اليهال خواتي الصغار كله يروحون هناك

فديتج ولا مره رحت المنطقه الي تقولين عنهآ مآعرف وآيد بالمآنيآ لآني مآحبها بس نييهآ عشآن آبوي هني

المهمـ شوفي الجو ييبو ملابس تدفيكم شوي لان مرآت يصير برد ومطر وهم ييبو ملابس صيفيه آكثثثثر

لآن آغلب آلآيآم النهآر يكون حآره وخصوصآآآآ بالحجآب وبالليل مطططططر وحلآته

حبيبتي ما قصرتي
وجيكت على الفندق وووووووووووووايد حلووو عجبني انا قلت اخذ تريننقات احس شي ومنها حق المشي اريح والحين بجيك على المنتجع اللي قلتي عنه وانشالله تكون منطقتكم من ضمن مخططاتنا

 

[ام جنه]

فرانكفورت خليها 3 أيام
- أول يومين تمرون الاماكن السياحية المشهورة (حديقة حيوان فرانكفورت-السوق والمولات).
-يوم تزورون منطقة قريبة مثل كولن.

شتاتغارت خليها 3 أيام
- أول يومين زيارة الأماكن السياحية فيها (قصر-معرض ومتحف البورش والمرسيدس+ التمشي)
-يوم تزورون منطقة قريبة (ستراسبورغ الفرنسية منطقة حلوة واحلى مافيها مول اللافاييت)

انسبروك (النمسا) يوم واحد
-منها تمشية ومنها محطة راحة عشان المسافة لا تصير طويلة

زيلامسي 3 أيام
-يوم لزيارة قمة كابرون الثلجية.
-يومين لزيارة الاماكن السياحية
(شلالات كريمل-متحف الشوارفسكي-منطقة سالفيديلن فيها زحلاقية ومطاعم ومقاهي-التجول في البحيرة-التجول في السنتر)
- ممكن تخصيص يوم لزيارة منطقة سالزبرغ

ميونيخ 4 ايام
اهم الاماكن السياحية
(متحف البي ام- استاد أرينا-قصر نوفينبورغ-المتحف الألماني-كنيسة القديس بطرس-ميدان مارين-الكثير من المولات والمحلات التجارية)

اخر يوم العودة إلى فرانكفورت استعداداً للمغادرة
(ولو إني كنت افضل محطة الوصول فرانكفورت ومحطة المغادرة ميونيخ توفيراً للوقت والجهد بما ان مدة السفر قصيرة)

وأي سؤال انا بالشوفة

تخطيطج واايد حلوو ما قصرتي ياقلبي وصح كلاامج لو نرد من ميونخ اوفر للوقت بس انا حجزت التذاكر خلصت :eh_s(7)::eh_s(17):
بس بقولج شرايج لما نوصل فرانكفورت راح نوصل تقريبا على الساعه سبع ونص بالليل نرتاح فيها ليله وبعدها ناخذ قطار ونروح ميونخ نقعد فيها اربع ايام ومن ميونخ نروح زلامسي نقعد ثلاث ايام وبعدها نقعد اسبوع بدسلدروف بالمانيا حيل قريبه من هولندا وبلجيكا وكولن وتبعد عن المطار ساعتين
شرايج بهالتخطيط بس انا اللي محتاره منه المسافه بين زلامسي وفرانكفورت او دسلدروف اخاف يكون وايد واحنا راح ناجر سياره فا شرايج نروح ميونخ بقطار ولا بسياره حيل محتاره ماني عارفه شسوي :bbbiu:

 

[meshmeshaa]

انا عايشه بفرانكفورت الصراحه اللى عايش فيها مو مثل اللى ياي سياحه
بالنسبه لى فرانكفورت مافيها شيء يجذبنا احنا الكويتيين بالنسبه للسوق نفس اسعار الكويت
واغلى بعد
فرانكفورت حدها يومين يوم تشوفين شارع التسايل وهو شارع التسوق ويمه نهر الماين
ممكن تاخذون جوله بالباخره السياحيه
بالنسبه للمسافه بين زالمسي وفرانكفورت الطريج وايد متعب احنا خذينا 8 ساعات عشان ريحنا
بالطريج تغدينا ومرات ننزل نريح
والمسافه بالنفيجيشن تقريبا 6 ساعات ونص
بس ممكن اقولج اشياء مهمه تنتبهيلها
كل شيء يسكر بالمانيا يوم الاحد حتى الجمعيه ماكو بس الكافيهات والمطاعم يفتحون
اذا ريلج بياجر سياره لازم يكون عنده رخصه دوليه ولا ماراح يقدر ياجر سياره
فيزا لازم تكونين مطلعتها من السفاره الالمانيه
لا تنسين تاخذين من المحلات اوراق استرداد الضريبه للمطار واغراضج اللى شريتيهم
خليهم بجنطه وحده لانه ساعات يطلبون تفتحين الجناط يشوفون الاغراض اللى شريتيها
فعشان ما تتعبين خليهم بجنطه وحده اسهلج
زلمسي وايد حلوه تستاهل الواحد يقعد فيها 4 ايام وهناك اسكنى بفندق لانه بالفندق يعطونج
تذاكر دخول مجانيه لبعض الاماكن وحتى الباصات اللى توديج للاماكن السياحيه من الفندق تصير
ببلاش وهذى العروض وايد فادتنا
هناك اكو الزحلاقيه الصيفيه روعه وقمه الكابرون عجيب الجو هناك احنا الكبار قمنا نتزحلق ونلعب بالثلج
ميونيخ ونيسه وفيها تمشي وايد
اذا معاج يهال او انتى تحبين اللعب والوناسه ترى يورب بارك عجيبه استانسنا فيها ممكن تروحين لها يوم
واكو الليقو لاند يم ميونيخ هم حلوه
واذا بغيتوا تاجرون سياره اجروا سياره صغيره ترى البنزين هنى وايد غالى انا كل اسبوعين اترس بانزين 40 دينار
هذا وانا سيارتي ديزل مو بانزين
وبالنسبه للاوت لت احسن اوت لت شفته بين المانيا وهولندا صج مو مثل الاوت لت مال امريكا رخيص بس يعنى اكو اشياء
ممكن تلاقينها حلوه بس انتبهى انه هالوقت كل السوق مسوين تنزيلات على الصيفي و الحين اكثر البضاعه بالسوق شتويه
بالنسبه للجو الحين وايد حر حايشتنا موجه حر فملابسج تكون صيفيه بس جيبي معاج جاكيت ربيعي احتياط
هنى الجو بسرعه يقلب
اذا ريلج يدخن مو مسموحله اكثر من كرز واحد يدخل معاه بالمطار ولا يغرمونه
مممممممممممممممممممم وايد اشياء اذا تذكرت شيء بقولج

 

[q.u.e.e.n]

اب اب