فرجوا همي مالي غيركم؟؟؟؟؟؟؟؟؟؟

[الدلخه]

والله مادري وين ابتدى مشكلتي احس تكبر يوم بعد يوم انا وزوجي حياتنا صايره بارده علاقه سوالف وتحلطم وبعدين نوم....لازم قبل انام انتى فيج وفيج حتي لابجى ولدى انتى السبب لا تصدعت الطوفه انتي السبب..اى شي يضايقه يجي عندى ويتحلطم ويخلي انا السبب المهم تقبلت الامر وصار يسبني ويهز مشاعرى وعادى عايشه حياتي تعودت...طبعا كل سالفه لازم يقول بتزوج عليج ابي مسيار ويحلف جدامي انه راح يسويها الحين والابعدين...صارلنا الحين3سنوات السالفه الحين صارلته يومين مرتبك ينام علي المهدئات يفز من نومه استغربت موطبيعي حده. شفت تلفونه انصدمت:eh_s(10):لقيت وتس اب مع2من ربعة يسولف مع الاول يقوله ابي مفتاح الشقه اللي بصباح السالم ومتى راح تجي ومارد عليه رفيجه...الثاني يسولف معاه ابي اتزوج مسيار يقوله انت مطلق عندك مشاكل يقوله زوجي اعوذ بالله يقوله اصبر لين يطلعلك بيت حرام تشتت عيالك!!!!! والصبح دازله بدعت اليوم بالحركات ويرد عليه رفيجه اكيد جسمها خياااال الحين انا شوضعي اواجهه والا اروح لاهلي والا شسوى طبعا اهو طبيعي معاى جنه ماسوى شي وداني الدوام داق علي الظهر نتغدى بره لاعت جبدى منه لهدرجه وصلنا!!!!!!! ساعدوني خواتي الله يخليكم لي:yaaaaaarb:

 

[لمى الهاجري]

امممممم شوفي هالفترة ابيج تنشغلين عنه نهائيا يعني بالعامي ثقلي عليه خلي كل وقتج حق عيالج وهلج ورفجاتج خليه يفقدج وهو من نفسه بيشتاق لج والبنت حاولي تاخذين رقمها وتحلين الموضوع بدون مايدري

 

[بنوته ستايل]

لااااااا دربالج تسوين شي من وراه لاتاخذين رقم البنت ولا شي ولاتواجهييييينه..

حاولي تغيرين من روتين حياتج وغيري من لبسج وشكلج ولاتحسسينه انج دريتي عن شي..لان ولله ماراح تستفيدين شي راح يكون اكثر حرررص من قبل ويمسح محادثاته معا ربعه اول باول بس ماراح يتوب عن خرابيطه..

احجزي جم يوم بفندق بس انتي وياه وخلي عيالج عند اهلج ..
بالعربي اترسي عينه عشان مايطالع برا..

وبنفس الوقت اذا سويتي روحج ماتدرين تكونين محافظه ع كرامتج احسسسن من انج تواجهينه وتتهاوشون وتردين له صج راح تكرهين نفسج

 

[شادن33]

انا اشوف الريال اللي كله يتحلطم ويطلع الااخطاء السبعه فيج
هذا عنده نقص في شي ناقصه
والاغلب في حاله زوجج ناقصه عاطفه او اسلوب يحبه وانتي يمكن غافله عنه
مو عيبا فيج لاء يمكن انتي مو منتبه له عرفتي

إحنا مابنقولج ازعلي ولاروحي بيت اهلج لان انتي أدرى بمصلحتج
فعليج تعدلين من ريلج حبه حبه شوفي اللي ناقصه وكمليه
مااعتقد المواجهه مفيده بهالحالات بالعكس راح تزيد من تصرفاته للاسوء
اشتغلي على ريلج بسكات وذكاااااء وهدووووء

والله يسر امورج

 

[مولاي الفرج]

الله يعينج حبيبتي

بس ماجربتي تقولين له ليش بتتزوج انا شفيني شناقصني لان واهو معصب اكيد بيقول الصراحه

 

[! بــدويه وآآيــد !]

،


انا صراحه اطوف كل شي
الا سوالف زنى وشقق
هذا زنى زنى مو شويه ربج امرنا نرجمه ومانرحمه لما يموت

انتي ادرى بحياتج وفيه وباهلج وبوضعج لو واجهتي الله يعينج

حددي كل شي بالقلم والمسطره مثل مايقولون

ابوج لو درى بيلعن خيره والا يقولج ردي بيتج!
ابوه لو درى بيقول رجال شايل عيبه والا بيتفل بوجهه!

ولو واجهتي وزعلتي ورديتي له لازم تعرفين ان كل شي بيكون جدام عينج اشكره يعني اذا ماكنتي قد السالفه والمواجهه خلي لج كيان وكرامه جدامه عشان لاتصير حياتج صج جحيم !

 

[أستغفرالله]

حبيبتي الله يكوون بعونجالبنات ماقصروو كفوو ووفوو

 

[Um Tuki]

مع بدوية واااااااايد ... الا الزنااااااا !!!!

كلمي ابوج اول شوفي شنو رده .. و اذا كان معاج خليه يكلم أبوه .. و تالي يتصرفون مع هاللي ما يتسمى ريلج

 

[ام زهقانه]

بدامعه زين اخلي سوالف خراب برا
اهم شي لاتخربين بيتج

 

[رمش الغلاااا]

انا اقول لا تروحين بيت اهلج ولا تفكرين من الاساس اللي بيطلع اهوا مو انتي هذا بيتج مو بيته بيتج انتي وعيالج ولا تجيب طاري له باي شي دوسي على قلبج وانتي مو اول وحده زوجها يخونها ولا اخر وحده كل الرياييل جذي سوي روحج جنج ما شفتي شي وانا مع كلام شدون غيري من نفسج لا تحطين اهتمامج كلا حق اعيالج اهوا عديه واحد من عيالج ودلعيه سوي اكشن بحياتج طلعي معاه خليج انتي وياه بشقتج بروحكم ودي اليهال بيت احد من اهلج جذي بس لا تجيبين طاري احس ريلج اذا قلتيله بيبطها بوجهج ويقولج بطقاااق رضيتي ولا ما رضيتي عاجبج ةالوضح اهلا وسهلا مو عاجبج طلعي برا البيت لا لا تفكرين تتطلعين من بيتج للمرة 2 اقولها لج اهو اللي يطلع برا البيت حتى لو اوصلت تقفلين عليج بابج ونام برا
وتقبلي مروري والله بفك عوقج

 

[جذابه بنت ذيابه]

حبيبتي


يمكن شايف شي مو شرط مواجهه حريم !


شوفي يالغلا ..

اصبري عليه اسبوع اذا ما عقل و شفتي شي روحي لاهلج وكلميهم لان كل شي ينسكت عنه الا الرجال اللي يزني و متزوج! او شكاك او بخيل !!




انتي شوفي ايجابياته
هالفتًره خلج كل يوم كاشخه من عدسات وميك اب و سوي شعرج ستريت او تسريحه بسيطه كل يوم
وغيري من لبسج .. و اهتمي بنفسج و انسيه ،، صدقيني بيتغير معاج !!



غيري من ستايلج وقصي شعرج و اصبغيه ،،


تغيري عليه اثقلي لا تعاتبينه ،، خلج كل يوم مبتسمه حتى لو عاتب او تكلم ،،



وعسى ربي يهديه يارب

 

[Patcholli]

انا مع بدويه وايد ..
كلشي اطوفه الا الوصاخه والخيانه والزنا ..!!

 

[قوس قزح]

الله يعينج ويعمي زوجج عن غيرج وردة لعقله
البنات كفوا و وفوا
الله واعلم ان ريلج يبي شي انتي مقصرة فيه
الله يكون بعونج ويقوي قلبج

 

[مناير ...!]

استغرب الي تقول لبسي عدسات ودلعيه
واخذي رقم البنت وتفاهمي معاها !!

يعني العدسات اهي الي بتحل المشكله !!
ولا البنت اهي المشكله !!

حبيبتي البنت بدالها عشره
ويمكن ريلج اهو الي قاص عليها
فلي يحتاج اتفاهمين معاه ريلج مو البنت

 

[سارة ة]

كلااام منااير صح
شكوو اكشخ واتزين واقصص بشعري والمشكله ماحليتها !!!!
هل اللبس والمكياج بينفعني يعني؟
اواجهه واواجهه واواجهه موو لعب هذا زناااا واصور المحادثات واطرشها عل فوني واواجهه بالدليل
لاتروحين بيت اهلج قعدي بيتج وتفاهمي معاااااه

 

[((غلاي))]

الله يهديه يارب

 

[sh_mashael]

ي الله

الله يعيينج حبيبتي و قلبي معاج و ان شالله لقيتي حل

و البنت نهائيا لاتكلمينها انتي اشدراج شنو اهي يمكن قليلة ادب و اذا كلمتيها تعاند

الافضل مواجهة الزوج : Ss

 

[حبيبي مالكني]

الله يعينج
ليش اتفتشين بتلفون ريلج
اول ما تواجهينه بيقلب سالفه عليج
اخذي ريلج بالعياره
وسحبيه صوبج
خليه يرتاح معاج عشان لا يدور غيرج
انا ماقول انتي فيج عيب
بس اذا ما تبين تخسرين ريلج تغيري عشانه
صيري مثل مايحب
والله يهدي الجميع

 

[جـوود الحب]

ياحبيبتي الله يعينج

 

[ديانا سبنسر]

لاتطلعين من بيتج حلي مشكلتج بحكمة وهدوء والجئي لربج