فرش امس واصله من ماليزيا ...رحلـــتــي بالــتفــصيــل.. .لأي استفسار؟؟!!

[ورديـــه]

الله شوقتيني صراحه


بس اشلون عرفتو الاماكن واساميهم !!

احس لو بروحلها بقعد بمكان واحد بس !! :s142:

ما اعرف اسويلي جدول واروح اكثر من مكان :؟؟

وشلون على الطيران الداخلي ؟ تحجزون من اهني ولا وانتو هناك ؟؟

 

[الجـ88ـوري]

رد : فرش امس واصله من ماليزيا ...رحلـــتــي بالــتفــصيــل.. .لأي استفسار؟؟!!

اهلين حبيبتي ورديــه

اول شي ماليزيا دوله اسلاميه وتلقين وايد اللي يتكلمون عربي يعني حتى اللي مايعرف انجلش ما يضيع *_^
وثانيا في تكاسي وانتي ماشيه يقولون لج تبين جوله مثلا في بينانج ياخذونج كل مكان ورخيصه بعد
يعني اللي يروح هناك مستحيل يضيع
وانا قبل لا اسافر ماليزيا بشهرين تقريبا ما كنت اعرف عنها شي كلشششششششششششش
بس ما قصرو البنات هني حيل عطوني معلومات ومع صور بعد يعني سويت جدولي بروحي ما احجت احد بالمره حتى انه في وايد من عايلتنا رايحين هناك ما سألتهم عن شي بالمره ولما رديت قلتلهم عن اماكن وااااااايد ماراحو لها

على الطيران الداخلي حجزنا من هناك قالولنا ارخص

 

[مملوحة_الوصايف]

رد : فرش امس واصله من ماليزيا ...رحلـــتــي بالــتفــصيــل.. .لأي استفسار؟؟!!

حبيبتي انا ابي اعرف عن السووق اكثر يعني انا اذا بشتري هدوووم او جناط او تكرمين جواتي واكسسوارات انا برووحلها سووووووووووووووووق بعرف جم يكفيني وانا بقعد فيها اسبووع وتقريبا يوميا بروح سوق كافي عليها 600 دينار ولا لازم يكون معاي اكثر ؟؟ وشلون الجو الحين عندهم او مشكووره مقدما

 

[0ام الحلا0]

ياليتج حاطه الصور بالتقرير احسن ظ

 

[دلوعه غناتي]

رد : فرش امس واصله من ماليزيا ...رحلـــتــي بالــتفــصيــل.. .لأي استفسار؟؟!!

الحمدلله على سلامتج


بس الله يخليج أبي من يون حجزتي سفرتج وكم كلفج كل شي؟

 

[الجـ88ـوري]

رد : فرش امس واصله من ماليزيا ...رحلـــتــي بالــتفــصيــل.. .لأي استفسار؟؟!!

شوفي حبيبتي
اهو عن سوقهم حلو شوووويه عليه يعني لو بتشترين كل شي حتى 2000 ماراح تكفي
بس اسعارهم بالمجمعات نفس اسعار الكويت تقريبا او اقل شوي
اما الاساواق الشعبيه مثل السوق (الهندي / الصيني / سوق الليل / والبسطات بشارع العرب ) رخيصه حييييل وعندهم شغلات حلوه راح تستانسين عليهم
و600 دينار تكفي بس ها ماتشترين شي غالي وااايد
انا حطيت 800 ماكفت وسحبت اعانتي ومن معاش زوجي *_^
بس انا شريت ماركات وشي غالي عشان جذي

والجــو عندهم كله مطر وشوي حار الظهر ويبرد ع العصر وبعد المطر يصير ابرد شوي
والحمدلله ما صادفتنا رطوبه بالمرررررره

 

[الجـ88ـوري]

رد : فرش امس واصله من ماليزيا ...رحلـــتــي بالــتفــصيــل.. .لأي استفسار؟؟!!

الله يسلمج دلــوعة عنــاتي

احنا حجزنا من سفريات مكه بالفحيحيل

كلفتنا كلها مع التذاكر والسكن تقريبا 2000 دينار

 

[مس الدولي]

حبيبتي عليكم بالعافيه بس عفيه بالضبط جم كلفتج السفره انتي وريلج من اول ما طرتوا ليما رديتوا بالسلامه وحلوه انروح لها شهر 12

 

[nawaraa]

السلام عليكم حبيباتي

صراحة بعد اراء البنات وما قصروا على الرد حولت السفرة بص السنه الى ماليزيا وهذا اول مره إذا الله كتب لي اروح لها
ابي استفسر عن شغله ،، انا من النوع إللي احب اقعد بالديرة اقل شئ مو تضحكون اسبوعين الى 40 يوم ( نفاس )
اشلون تقسمون قعدتكم بماليزيا يعني الاحظ ان الاغلبية مقسمين السفره على 4 ،2، 2 او 4 /3 /2

شنو الحكمة ؟؟؟؟

 

[loolwah_2010]

يعطيج العافيه حبيبتى صرااحه استفدت منج واااايد

ان شاءالله ناويه على راس السنه

 

[نـعـومـه]

رد : فرش امس واصله من ماليزيا ...رحلـــتــي بالــتفــصيــل.. .لأي استفسار؟؟!!

خووووووش رحله بس ماعندج خبر عن مدينة الملاهي ؟؟ وين احصل مدينه ملاهي

 

[رنيم القلب]

الحمدلله على سلامتج
حبيبتي السفره كلها جم كلفت عليكم مع المصاريف والتذاكر وكل شي
ومشكوووووووووووورة

 

[Čut!e Quèéи]

ماشاءالله سفره حلوه والله

الله يهنيكم ويحفظكم

 

[الجـ88ـوري]

رد : فرش امس واصله من ماليزيا ...رحلـــتــي بالــتفــصيــل.. .لأي استفسار؟؟!!

loolwah_2010 الله يعافيج ياقلبي




نعــومه حبيبتي عندج جنتنق فيها ملاهي داخليه وخارجيه وكبيرررره بعد
وعندج مجمع تايم سكوير فيه ملاهي


رنيم القلب الله يسلمج يا قلبي
والسفره كلفتنا تقريبا 2000 دينار لمده 9 ايام


Čut!e Quèéи مشكوره حبيبتي على المرور





كلمــتان خفيفتــان علــى اللسـان ثقيــلتان فــي الميــزان

ســبــحــان الله وبــحــمــده
ســبــحــان الله الــعــظــيــم

 

[توت عنكبوت]

هيضتيني

وذكرتيني باحلى سفرة

 

[الجـ88ـوري]

رد : فرش امس واصله من ماليزيا ...رحلـــتــي بالــتفــصيــل.. .لأي استفسار؟؟!!

اي والله توت عنكبوت
ماليـــــــزيـــــا تعتبر من احلى سفرات العمره ....
انشـــالله نعودها كلنا اللي يروح لها مره يتمنى كل سنه يكون فيها