فرط الحركه والعنف في بنتي

[حورية آلكويت]

قوه بنات

عندي بنتي عمرها سنتين حررررررركه حيل وعنيفه تطق وتعض وتشمخ

وماتبي احد يقولها اي شي تصارخ وماتبي الحمام واذا الخدامه شالتها تعضها وتشمخها

تعبتني حيل حيل حيل حيل وربي اكتب وانا ابجي من كثر ماهي قشرا

اروح بيت اهلي مايتحملونها بيت رجلي كذلك ماكانت جذي فجأه صارت عدوانيه تطق وبنفس

الوقت تبوس اللي تطقه وتكسر وتلعب بأي شي وتخرب وسريعة الحركه

ومسكينه ذبحتها بالطق والتقرص

بتقولون غلط وربي ادري بس ما اتحمل اشوفها تطق الخدامه اخاف تحقد عليها وتذبحها

احلف بيني وبين نفسي اني ماراح اطقها واذا تعبتني طقيتها اكثر من قبل

احس انها خلاص نهبلت وصار في عقلها شي

ابي حل لا تقولون اقري عليها قريت وحطيت الرقيه والقران عندها

حايلتها وقعدت امدحها انها حلوه وتسمع كلام ماما وماكو اي فايده

احس فيها طااااااااقه عجيبه وتبي تطلعها

واخاف ادخلها حضانه لأن ماراح يتحملونها ويمكن يطقونها اهما بعد

امانه امانه يابنات ساعدوني واللي ماتعرف تدعيلها ان الله يهديها وتعقل علشانها اهيا تعذبت من الطق

وعذبتني بالقشاره وتأنيب الضمير لأني اطقها

سااااااااااااااااااااااااااااااااااعدوني بحل

 

[M!SS.LOBY]

الله يحفظها من كل مكروووه

الرقية الشرعية ضروري

لازم تحطينها بحضانة عشان يعلمونها ويأدبونها وراح تخاف لانهم ناس مو متعوده عليهم

بنتي كذلك كنت اعاني منها وربي من راحت الحضانه تسنعت وراح تجوفين الفرق خلال شهر

 

[تحرير @]

الله يصلحها ويهديها إحنا جذي اذا عصبنا كفرنا فيهم وإذا مروقين ضغطنا على انفسنا الله يصلحهم ويهديهم ويسخرهم لنا يارب

 

[أم معاذ الكندري]

الله يهديها لج يارب
بس أنا أتوقع بنتي تأكل وايد حلويات وسكريات حاولي بعد المغرب ماتعطينها سكريات أو حلويات ولا فواكه ولا مشروبات غازيه
ثانيا حاولي تحطينها في حظانه راح يخلونها اطلع الطاقه الي فيها
واهم شي أختي راقبي الخدامه ترا الطفل بهذي ألطريقه أتوقع بيوصل شي للأهل ترا ولايغرج الخدامه طيبه
لان الصراحه أنا عندنا وحده من أهلنا بنتها جذي والسبب ترا الخدم الخدامه زينه وشحليلها بس من ورانا تلعب لعب بالبنت

 

[حورية آلكويت]

مشكورين كل اللي ردوا علي وعسى الله يهدي عيالكم وبنتي بعد

بس ابي اعرف وين احسن حضانه حق عمر سنتين بالمنطقه الرابعه

وابي مكان يتحملون الاطفال الحركين والعناديين

 

[noha33]

البنات ما قصروا
بس الطق راح يزيد المشكله
وعقب ما راح يهمها الطق وراح تعاند عشان تنطق
ااويد كل الخوات لي اقترحوا موضوع الحضانة
وقطعي عنها كل الخرابيط لي فيها الوان ومنكهات صناعية

 

[انا لها شمس]

هذا عمر فرض الشخصيه عادي لاتحاتينها
احتويها اكثر بدال ماتدقرين وتطقين فيها

اخذيها العاب اشتريلها لعبه تحبها

اشتري لها تركيبات اهمممم شي للطفل التركيبات تنمي عقله
وفكره وتوسع ذكاءه وتحسسه انه ابدع
وشجعيها كل ما سوت شكل علميها


اشتري لها الوان ودفاتر وفي الوان تروح مع الغسيل لاتقولين بتحوس الدنيا
وبنفس الوقت علميها ماتكتب ع الطوف وايدها بس كتابها

واشتري لها كتب لعمرها تناسبها


انا والله مطبقه جذي مع بنتي والحمددلله يارب قادره اسيطر عليها