فرق بين الولد والبنت دشوا خبيرات

[بنتq8]

صباح الخير بدش على طول بالموضوع وادرى ما تقصرون اول مرة احمل بنوتة ويقولون الطلق من الولد لى البنت يختلف صج وشلون يعنى يطول يقولون البنت عسرة وقت الولادة من الخوف لحين ما مشيت واخر موعد لى 12\11 جنى بجر ميتة خوف وهذا رابع حمال لى

 

[برعم الخوخ]

رد : فرق بين الولد والبنت دشوا خبيرات

والله مادري بس الله يهون عليج

 

[زوجة الفنان]

رد : فرق بين الولد والبنت دشوا خبيرات

الله يسهل عليج وعلينا حبيبتي لاتحاتين

 

[للحين ناطره]

لا حبيبتي هذه كلها خزعبلات
التساهيل من الله
انا سامعه العكس ان ولاده البنت سهله ومريحه وسريعه

 

[كوستا]

ما اقتقد

التساهيل من رب العالمين

ومافي مقياس كل ولادة غير عن الثانية لا بنت ولا وولد

ذكرتيني باللي يقولون اذا بطنج عريض حامل ببنت واذا جدام ولد

وكله كلام فاااااااضي وماله اساس من الصحة بس حدي حريم

انا كاني بطني جدام وكل من شافه قال ولد بس فيني بنت

والولادة ما اشوف اختي تعسرت ولادتها بالبنت عادي

بالعكس تعسرت بالولد شكثر وتلعوزت بس البنت سهالة ولدتها

لا تحاتين وخلي امرج بايد الله وحده التساهيل من عنده

 

[مدمنة ككاو]

السهاله من رب العالمين وكل ولاده تختلف عن الثانيه

الفرق بالطلق انا يفرق عندي طلق البنت يصير بالبطن من السره ونازل لي الفخوذ

اما الولد يصير باسفل الظهر مثل الصيخ الحامي

هذا بالنسبه لي انا واتوقع كل وحده تختلف عن الثانيه والله يسهل عليج وعلى كل حامل

 

[حرم يوسف بيك]

رد : فرق بين الولد والبنت دشوا خبيرات

ماكو فرق عندي انا طلقي بالبنت والولد نفس الشي

 

[بنتq8]

مشكورين اللة يسهل عليكم وعلى ويعطى كل محرومة

 

[أم حمودي**MALL**]

جربت البنت والولد ماكو فرق ابدااااااااااااا
الولاده الاصعب اهي البجر

 

[Miss-_-Fl0wer]

لا موشرط حبيبتي اللي الله كتبه بيصير
والتساهيل من رب العالمين
*

 

[حنين الارض]

رد : فرق بين الولد والبنت دشوا خبيرات

انا سمعت العكس والله

بكل الاحوال التساهيل من رب العالمين ...

ابدأيي بالمشي لما تدخلين التاسع ... مع اكل الرطب وشرب الماء بكثره

والله يسهل عليكي وعلينا ...ويرزقك وايانا الذرية الصالحه

 

[الأميرة جوري]

رد : فرق بين الولد والبنت دشوا خبيرات

ماكو فرق..

 

[بنتq8]

كتبت الموضوع ولاول مرة احس خفقة قوية بالحوض ونزل على تكرمون بالبول شى بسيط طول شعرة صغيرة لونة بنى فاتح تهقون ولادة بالطريج

 

[meen_ana]

الله يسهل عليج يارب والله يقولون من وحدة لي وحدة يفرق والله كريم وسهالات من رب العالمين انا كان فيني بنت وطلقي تقريبا صار نص يوم

وحماتي ولد وتمت تطلق 5 ايام

 

[&شهرزاد&]

شووووووووفي حبووبه ماااااكوووفي لا بنت ولا ولد
ولا حتي البجرررر


سبحان الله كلها تسااهيل

 

[اميرة المحبة]

الله يقومج بالسلامة ياحياتي وتوكلي على رب العالمين

 

[@احلى الصبايا@]

رد : فرق بين الولد والبنت دشوا خبيرات

والله انا البنت اخف حيل من الولد لان البنت الطلق يجيج كل نص ساعه مره الولد مافي ماتاخذين نفس الا يجيج الثاني الولد طلقه حامي

 

[ام زاكي]

كتبت الموضوع ولاول مرة احس خفقة قوية بالحوض ونزل على تكرمون بالبول شى بسيط طول شعرة صغيرة لونة بنى فاتح تهقون ولادة بالطريج

حبيبتي هاذي ولاده انشالله
وربي يسهل عليج
وترا ولاده البنت هينه اكثر من الولد لانه الوحده تطلق وينفتح الرحم ولاتحس فيها الا اذا صار حوالي 5او 6سم
وصج طلقها طوووووويل بس مايعور ولاتحسين على بالج تعب الحمال
هذا الي اشوف انا كل البنات

 

[شووقة]

رد : فرق بين الولد والبنت دشوا خبيرات

لاتخافين ولاتحاتين السهالة من رب العالمين
انا ولدت في بناتي الثنتين والحمدلله كانت الولادات سهلة والطلق تقريبا مثل عوار الدورة
بس شوى اقوى

 

[كويتيه مذهله]

رد : فرق بين الولد والبنت دشوا خبيرات

لا والله كل ولاده عن الثانيه تختلف انا كان بجري بنت والله ولدتها ولا حسيت فيها وكان الطلق بظهري نف عوار الدوره وتحملينه الله يسهل عليج يارب