فرنسيات .. ميزانيتح معاي واضحه .. أول تقرير من نوعه ( حصري عندي انا و بس )

[:: Diva ::]

السلام عليكم ​

باريس .. ​

حيث الرقي و الفخامه .. الذوق و الأنوار
هذا مو تقرير مصور ..​

هذا تقرير يحط لج تكلفة المرافق السياحيه الي أكيد راح تزورينها
ان شالله .. و بجذي يكون عندج فكره واضحه عن التكاليف ..​

​

في البدايه
قبل لا تسافرين ..
تحتاجين فيزا شنغن ​

​

تكلفج الفيزا مع التأمين الصحي في الدوليه 43 دينار
و تكلفج في مكتب القبس 46 دينار للشخص الواحد و تلفونهم : 22477788​

:eh_s(17)::eh_s(17)::eh_s(17):​

لما بتصرفين فلوسج يختلف الصرف يوم عن يوم​

لكن بصفه عامه اليورو تقريبا 400 فلس ​

احط لج رابط موقع يحول لج العملات و بجذي تعرفين جم تبين تصرفين
حولي من kw الى euro او العكس حسب حاجتج ​

http://www.xe.com/ucc/​

:eh_s(17)::eh_s(17)::eh_s(17):​

و أكيد قبل السفر لازم تجيكين على حالة الطقس عندهم ​

http://news.bbc.co.uk/weather/​

:eh_s(17)::eh_s(17)::eh_s(17):​

شوفي بالنت نبذه عن الفندق الي بتختارينه و راي الناس فيه و تقييمهم
من خلال هالموقع​

​

http://www.booking.com/​

:eh_s(17)::eh_s(17)::eh_s(17):​

بعد ما تجيكين خطوط الطيران و تحجزين لج التذكره
لج في هالموقع مواقع كل الخطوط و تقدرين تحجزين على اي طيران تبينه
شرط يكون لهم مكتب بالديره تستلمين شغلج منهم​

http://www.makasb.com/Airtour.php​

:eh_s(17)::eh_s(17)::eh_s(17):​

وصلتي فرنسا بالسلامه ؟
أكمل لج التقرير بالردود التاليه​

* خواتي الي تستفيد من الموضوع أتمنى انها تدعي لي تنتهي مشكلة الجواز على خير :eh_s(11):​

و الي حابه تنقل الموضوع ماعليها امر تذكر
المصدر او على الاقل الاسم
لان جد الموضوع متعب ​

:eh_s(17):

 

[أم@الحلوين]

يعطيج العافيه ع الموضوع الروعه
وناطره التكمله وااااو شوقتيني وااااااي تذكرتيني بفرنسا الله يعودها من أيام^_*
ويستاهل التقيييم ..

 

[أوكسجين]

واااي على فرنسا انا من سمعت فرنسا دشيت ولو اني مابي اسافر ههههه

يعطيج العافيه

متابعه

 

[غديران]

الله يعطيج العافية


على هالموضوع المميز


يسلمووووووو

 

[:: Diva ::]

مواعيد الزياره لبرج ايفل 9:30 الصبح يفضل انكم تكونون هناك من الساعه 8:30
و تنتهي الساعه 12 الا ربع

لكم خيارين للاستمتاع بالتجربه الخياليه
أما عن طريق المصعد = الى الدور الثاني فقط = 3 د.ك
= الى الدور العلوي = 4,750 د.ك

أو عن طريق السلالم الي توديج الى الدور الثاني بس و يكلفج = 1.700 د.ك

وهذا موقع تشترين منه التذاكر
http://www.tour-eiffel.com/



احلى ما في الموضوع انج ممكن تستمتعين بالسحر ببلاش
من خلال الجلوس مقابل البرج و مراقبة الاضاءه بأجواء شاعريه

ترقبوا المرفق التالي لاحقاً

​

 

[:: Diva ::]

paris Champs-Elysées
أرقى شارع في العالم
شانزيلزيه
الغني عن التعريف

نهاية الشانز المليء بالكافيهات الارقى في العالم
قوس النصر و النافوره و المسله

عيوبه

انه كله عرب !
و العرب في الخارج تخاف منهم أكثر من داخل الوطن العربي
فالافضل انك ما تحتك فيهم

+

الخليجين
مبسطين بكافيهات يخزون الرايح و الراد
و ممكن تلاقي ناس وايد تعرفهم هناك
طبعا التعرف و المواعد بين الخليجين في هالشارع
حدث ولا حرج
و لا اعمم


+

كثرة الشحاذين او الطراروه مثل ما نقول
فلا تردون على احد و كملوا طريجكم

طبعاً حضروا ميزانيه قويه للأكل في هالشارع
مثلا البيتزا بينو بتكلفكم 15 دينار

هذا الموقع يتكلم سبشل عن الشارع فقط كل ما تريده راح تجده
http://www.champselysees.org/champselysees/




اذا حبيتوا تدخلون سينما
انتبهوا لو مكتوب على بوستر الفلم ( vo ) يعني بالانجليزي
غير جذي الفلم مدبلج فرنسي

و سعر التذكره للشخص : 7 د.ك



يتبع​

 

[ذوق بوتيك]

واااااااي تهبل باريس
مشكوووووره عالتقرير الحلو

 

[وردة الكاميليا]

خووووووووش تقرير لا يوقف

 

[bent-36a]

رد : فرنسيات .. ميزانيتح معاي واضحه .. أول تقرير من نوعه ( حصري عندي انا و بس )

يعطيج العافيه انا نفسي اروح فرنسا امنيه حياتي اروح الشانزلزيه

 

[فاطمه اشكناني]

رد : فرنسيات .. ميزانيتح معاي واضحه .. أول تقرير من نوعه ( حصري عندي انا و بس )

حبيبتي انا وريلي بنروح المانيا 8 ليالي وباريس 5 ليالي وسكنا بباريس كونكورد حلو او زين ترا اول مره اروح دوله اروبيه
وابي الاوت ليت يسوا اروح واحنا مو زاك الزود بالانجليزي والفرنسي عادي
وابي نروح بالتاكسي ولا المترو اخاف نضيع ما نعرف ودزني جم يوم يبيلها واحنا حجزنا شهر 4 شلون الجو حر ولا برد يعني اودي شتوي ولا صيفي وابي المحلات اللي تسوا اروحلها ميزانيتنا 2000 حق الدولتين بس مصرف وصج الماكل والمشرب غالي حيل ولا مثل الكويت وابي اقدر اودي معاي اكل ولا في مركز سلطان

 

[أم@الحلوين]

يعطيج العافيه ديفااا

 

[:: Diva ::]

متحف اللوفر ( الهرم الزجاجي )

عطلته يوم الثلاثاء
الايام الباقيه يفتح من الساعه 9 الصبح الى الساعه 10 بالليل
سعر التذكره 3:500 دينار للشخص و ديري بالج زحمه بس ان شالله تدخلون بسرعه

اذا تحبين المتاحف اعتقد يوم واحد ما يكفي
خاصه انه 3 أدوار و سرداب من اقسامه الاسلامي , الاغريقي , الافريقي , اللوحات الفنيه

طبعاً للحرص
ترا وايد لوحات فيها عري


الجدير بالذكر يمنع التصوير أمام لوحات معينه أشهرها الموناليزا​

 

[^noonaa^]

ماشاءالله المووووضووع واايد حلوو
راح يفيد البنات وايد اللي بيسافرون فرنسا


يعطيج العافيه

 

[^noonaa^]

ماشاءالله المووووضووع واايد حلوو
راح يفيد البنات وايد اللي بيسافرون فرنسا


يعطيج العافيه

 

[krkosha]

واااااااو


حدج شوقتيني

متابعينج حبيبتي

 

[kuwait_queen82]

كنت امقرره اسافر لها وانا كنت في بريطانيا بس بريطانيا كرهتني باوربا كلها بس شكلي راح ارد و اخيس في بريطانيا 3 سنوات و بروح ازور باغيس
ممكن اعرف شنو نظره الفرنسين الى حق المتحجبات اهناك ؟

 

[taylee]

رد : فرنسيات .. ميزانيتح معاي واضحه .. أول تقرير من نوعه ( حصري عندي انا و بس )

وااااااو وناااسهـ خووش موضوعـ حبي تسلمينـ \\~

 

[:: Diva ::]

كنت بسحب نفسي من التقرير بما ان ماله متابعين
بس ردودكم شجعتني اخلصه و اشوف لكم استفساراتكم
و اتشرف بالتعرف عليكم

 

[maryam_q8]

حبيبتي انا محتارة بين فرنسا ولندن
ايهي اونس حق اليهال

 

[:: Diva ::]

هضبة مونمارت

هضبه عليها كنائس تعتبر تحف معماريه
و سكيك فيها رسامين و فنانين و كافيهات

اما تصعدونها بالدري و هذا متعب حيل او تدفعون دينارين و نص و تأجرون مصعد



الكنيسه الاشهر الي في هالهضبه هي ( نوتردام ) مالت الاحدب

كاتدرائية نوتردام (بالفرنسية: Notre Dame de Paris‏)، وبالعربية كاتدرائية سيدتنا (العذراء) وهي كاتدرائية أبرشية باريس تقع في الجانب الشرقي من إيل دولا سيتي (جزيرة المدينة) على نهر السين أي في قلب باريس التاريخي. يمثل المبنى تحفة الفن والعمارة القوطية الذي ساد القرن الثاني عشر حتى بداية القرن السادس عشر. ويعد من المعالم التاريخية في فرنسا ومثالا على الأسلوب القوطي الذي عرف باسم (ايل دوزانس). وجاء ذكرها كمكان رئيسي للأحداث في رواية (أحدب نوتردام) للكاتب فيكتور هوجو. ويعود تاريخ إنشاء المبنى إلى العصور الوسطى.
تقوم كاتدرائية نوتردام في مكان بناء أول كنيسة مسيحية في باريس، وهي "بازيليك القديس استيفان" والتي كانت بدورها مبنية على أنقاض معبد جوبيتير الغالو-روماني، النسخة الأولى من نوتردام كنت كنيسة بديعة بناها الملك شيلدبرت الأول ملك الفرنجة وذلك عام 528م، وأصبحت كاتدرائية مدينة باريس في القرن العاشر بشكلها القوطي.

​

و الكنيسه الثانيه ( بازيليك )

​