فريبا أزور الكويت الحبيبة

[maskalrose]

أن شاء الله بكون في الكويت أول أسبوع من شهر مايو ..وبسكن في السالمية في شقق فندقية أسمها كورنيش قريب المارينا مول يمدحونها في موقع سياحي وشفنا صورها بعد ..وشكلها نظيفة وايد وهذا الاهم ..
أستفساري حبيايبي هل في المعارض والمناسبات ألي بتكون في هذيك الايام وهل في تنزيلات في الاسواق وقريت بعد أن فيلا مودا تنزيلاته في نفس الفترة ممكن حد يأكد لدي ..
وحابه أخذ شغلات لزوجة أخوي بتولد في الصيف وتبي أرواب وقمصان نوم مميزة وراقية وفخمة ...وين ألقاها أذا كانت ماركات أو تصميم ما يخالف أهم شئ الرقي والفخامة ..
أخير ..ما هو الشي المميز في الكويت والي لازم أي زائر يزوره .وحابة أخذ هدايا حلويات كويتية أي محل تنصحون فيه ...هذاو حنا مسوين جدول لزيارة معظم الاسواق والمولات وبرج الكويت وبعض الحدائق الي كتبنها عن المشرفة الفاضلة ..

السموحة منكم تعبتكم معاي ..​

 

[ArEEj]

حياج الله حبيبتي بديرتج الكويت
بالنسبة للشقق الفندقيه ما اعرفها
بس دامها قريبه من المارينا مول اكيد بتكون حلوة وراقيه
لانه المنطقه حلوة
بالنسبة للمعارض على طول بالكويت في معارض
وفي اماكن المعارض فيها دائمه
مثل بيت ديفا
بالنسبة لارواب ما عندى فكره ان شاء الله البنات يساعدونج
المميز بالكويت حسب اهتماماتج اذا كنت تقصدين تسوق عندج الافنيوز - المارينا - سوق شرق -

وحياج الله في الكويت

 

[فيونكا فوشيهـ]

انا مع الاخت وحبيت اضيف ان الكويت كل جم يوم تنزيلات
و هم المجمعات
الافنيوز << كبير و في كل شي و شامل حق محلات الكويت كلها وزياده
سوق شرق << لاحظت اهل الخليج حييل علييه خصوصا ان بعد ماتطلعين تقدرين تتمشين عالبحر
و هم عندج سوالف مجمعات اللي مافيها طقة زارا و مانغو و اهلهم
المهلب - الزهرة - ليلى جالاري - الحمرا مول و صوب الفروانيه بعد بس مااعرفهم بعد فيي واايد عدي و خربطي
و هم ستي سنتر حق اليهال العاب + ملابس سوالف بجامات بيت و اسعارهم رخييصه و بواميه + جمعية
و بععد تقدرين تروحين الاكوابارك ( العاب مائية )
و عندج المدينه الترفيهيه << اكبر
او الشعب << اصغر بس ان فيها صالة تزلج
و المركز العلمي حلوو و عالبحر اذا خلصتو تتمشون
و المطاعم اللي تشوفينه اوقفي عنده لأن كل مترين في 5 مطاعم
و شوفي التقارير المصوره و اختاري المكان اللي يناسبج

 

[ام الدرر]

أن شاء الله بكون في الكويت أول أسبوع من شهر مايو ..وبسكن في السالمية في شقق فندقية أسمها كورنيش قريب المارينا مول يمدحونها في موقع سياحي وشفنا صورها بعد ..وشكلها نظيفة وايد وهذا الاهم ..
أستفساري حبيايبي هل في المعارض والمناسبات ألي بتكون في هذيك الايام وهل في تنزيلات في الاسواق وقريت بعد أن فيلا مودا تنزيلاته في نفس الفترة ممكن حد يأكد لدي ..
وحابه أخذ شغلات لزوجة أخوي بتولد في الصيف وتبي أرواب وقمصان نوم مميزة وراقية وفخمة ...وين ألقاها أذا كانت ماركات أو تصميم ما يخالف أهم شئ الرقي والفخامة ..
أخير ..ما هو الشي المميز في الكويت والي لازم أي زائر يزوره .وحابة أخذ هدايا حلويات كويتية أي محل تنصحون فيه ...هذاو حنا مسوين جدول لزيارة معظم الاسواق والمولات وبرج الكويت وبعض الحدائق الي كتبنها عن المشرفة الفاضلة ..

السموحة منكم تعبتكم معاي ..​

حياج الله ياعمري بالكويت بالنسبة للتنزيلات اكيد بالصيف اغلب المحلات تسوي لان الناس تسافر والبعض يجي سياحه بتصير فرصة ............المعارض ماادري تقصدين الخاصة او معارض حكوميه اذا خاصة تقدرين تتواصلين مع الاخوات بمول كويتيات وتستفسرين والحكوميه مااعتقد فيه لانها بتكون بداية الصيف مادخل الموسم وللحين مدارس مافيه عطله.......وفيلا مودا ماله وقت معين فجاة مسجات بدون اعلان يسوون .......
اما شغلات للنفاس في مجمع المهلب ومجمع الايوب وهو خاص بقمصان النوم والاثنين بمنطقة حولي ........محلات الحلويات اعتقد لان لنا اهل بالسعوديه تحبون الحلوى والرهش والدرابيل ولهم اماكن وايد مثل الشمالي والوطن والحلواجي ونصيحه روحي لمحل رئيسي لاتروحين لافرع عشان تاخذين شي فرش مو بايت
اما ماماكن الزيارة اذا عندج اطفال فيه الاكوابارك والمدينه الترفيهيه والالعاب اللي بالمولات اما اذا كنتو كبار فالمطاعم والاسواق زيارتها متعة ...........وحياج الله مرة ثانية واي استفسار انا حاضرة لو تحبين دزي لي عالخاص لاني ماارجع للمواضيع احيانا

 

[سنابل]

حياج الله اختي و ان شاء الله توصلين بالسلامة انتي و من يكون معاج

بالنسبة للارواب و قمصان النوم

عندج أنور و الطاهر ، اثنينهم تلقينهم بسوق شرق ، و هم في المهلب
و في جم محل في مجمع الراية (شرق) ، و هم في جم محل في مجمع زهرة (السالمية)

بالنسبة للحلويات الكويتية

تلقينها بسوق المباركية ، و انا يعجبني شغل حلويات الوطن ، اللي اعرفه لهم محل في العمارة البيضا

الكورنيش مميز بشكل عام ، و الافنيوز اكبر و احدث مجمع في الكويت

و حياج الله بديرتج الثانية

 

[~La PearLa~]

حياج الله اختي و توصلين بالسلامه ان شاء الله

اول شي بالنسبه للمعارض تكون على مواسم ، بس في معارض علطول موجوده مثل ( بيت ديفا ) موجود جبال سوق شرق
واهو عباره عن بيت قديم و يمه بعد تقريبا 3 بيوت و كلهم يعرضون فيهم ملابس
و عندج بعد معرض (بيت ديمه) نفس الشي بيوت قديمه و عارضين فيها مكياج و ملابس ومكانه بشرق بس وره الكنيسه عاد ماعرف اوصف اماكن
وعندنا معرض قرطبه و معرض القادسيه بس مادري اذا شهر 5 موجودين
اذا حصلتي معارض روحيلهم ، لأن كلنا ملينا من الملابس المكرره الموجوده بالسوق و المعارض فيها تشكيلات اكبر بس كاسريهم بالاسعار ههه

المولات
افنيوز بمنطقة الشويخ - مارينا مول في السالميه - الفنار (صغير و مريح ) و ليلى جاليري(اكثر شي فيه بدل سهره واعراس) و زهره(قديم شوي بس شغل حلو و راقي) مركز مريم(صغير ومهجور هههه بس البضاعه حلوه وغاليه حبتين) كلهم بالسالميه
عندج في الفحيحيل مجمع الكوت (دشي مطعم ميجانا اللبناني أو قعدي بالكفيه اللي بره عند النافوره ياسلالالام )و يمه مجمع المنشر مش بطالين
اذا تحبين الماركات و الاماكن الراقيه والماركات روحي مجمع الرايه و الصالحيه وفيلا مودا ويقولووون انهم بيسوون عندنا (آوت لت) في مشرف بس مادري متى

الكويت كلها سوقه و مطاعم وين ماتروحين تلقين هالشيين هههه و بكل مكان تلقين الغالي و الرخيص
اي روحي الفروانيه قريبه من الافنيوز
الفروانيه فيها خامات و عبي و دراريع

مممم عندنا بعد البلوكات هذا مكان كبييير كله محلات خامات و كلف حق كل المناسبات

الاسواق الشعبيه متروووووسه
بس اختصري و روحي سوق السالميه (ستي سنتر) فيه ابو خمس دنانير و فيه بجامات و مكياج و ملافع و عبي والعاب و حلو حق كبار وصغار و فيه جمعيه حلوه بعد

جني قرقت حيل ؟ بس ان شاء الله اكون افدتج

​

 

[عبيطه^ماتستعبط]

حياج الله يا قلبي وبتوووورين والله
الله يسلمج المولات عندج الافنيوزاكبر مجمع بالكويت و من احلى المجمعات
المنشر (بالامانه مازرته بس واااااااااايد يمدحونه )
الكوت حلو
-
المجمعات الماركات
عندج فلامودا -الصالحيه احلى شي
-
عندج مجمع زهره هذا اشياء غاليه بس غريييبه وحلوه وفخمه
-
في حريم ايبييعون ببيوتهم ممكن اتلاقين عندهم اشياء غرييييييبه عجييييييييبه
-
معارض عندج بيت 32 و بيت ديفا هذيل شغالين 24 ساعه
وعلى حظيج بيسوون معرض بأرض المعارض اسمه الاوت ليت بييبون من ملابس اثاث من كل الماركات بأسعار بلااااااااش لمده اسبوع اذا مو غلطانه
-
الاماكن الترفيهيه : المركز العلمي - المدينة الترفيهيه - مرح لاند ووايد بعد

اي استفسار او خدمه انا موجوده امري انتي بس

 

[maskalrose]

ما شاء الله ..تبارك الرحمن ..

وش ذي الردود الحلوة ..تسلمون والله ..والحلوا ما يجي منه ألا كل حلو ..

الله يوفقكم والله ما قصرتو ..

 

[~La PearLa~]

تستاهلين ياقلبي بس عاد لي رجعتي علمينه شرايج بالكوييت
وحياج الله

 

[فرحه عمر]

اول شي يا هلا ومرحبا فيج بديرتج الثانيه الكويت
وثانيا هم بعد يا هلا ومرحبا فيج بين اهلج و ناسج
وثالث شي يالغاليه اللي تامرين فيه و بخاطرج حاظرين بس دزيلي عالخاص شنو بالضبط في بالج و جم يوم بتقعدين وشنو ميزانيتج و اضبطج بجدول او اماكن على كيييييييييييف كيفج

 

[نبتة حنان]

maskalrose

ممكن تعطيني الرابط تبع شقق الكورنيش الفندقيه

واذا عندك خلفيه عن الاسعار حاليا...

 

[ترف 111]

حيااااااااااااااااج حبوبه

 

[بريد لولو]

حياج الله يافلبى بيتج

الكويت محلاتها ينعدون على الاصابع ولاتوه

 

[Queena_85]

حيااااااااااااااااج حبوبه...
عااد قوليــلنا عن ييتج و مغاامرااتج اذا ييتي ...
وين رحتي .. وأكثر مكاان استانستي فيه ..و هكذاا
ولا تقطعيـــــــــــناا