فريج صويلح ايبااااااااا

[sadan]

السلام ياحبايبى

بصراحة انا ليه استانست ودى تستانسون معاى

امس رحت مع صديقتى مطعم فريج صويلح

ياحلاته اول شى شدنى الديكور مال أول

السكيك والدرايش شحليله

وعن الاكل يازينه

عاد احنا ما صدقنا دبينا دب

طلبنا قبوط ومموش مع ربيان طرى

مع هالاجارات والفلفل المعبوج وااااو بدعنا

تالى عاد الحلو والله يابلنا اللقمات والقهوة العربية

بس لو مسوى القعده بعد كويتية جان تمام يعنى بدال الطاولة والكراسى

بس حبيت اقولكم عنه

ترى اكله طيب جربوه

وحياكم

 

[زيـنـه]

مشكوره على عرض التجربه .. و بالعافيه .. و على نوع كلامه يبيله غدا مو عشا هالمطعم

 

[جكورة]

إيه والله صاجه فريج صويلح يهبل جربت عندهم الربياني عجيــــب

 

[lala2]

وين صاير هالمطعم

 

[sadan]

حبايبى

زينه لا خوش مطعم لا يفوتج

جكورة عليج بالعافية ايوالله يهبل

lala2 هذا حبيبتى يم ماركس سبنسر السالمية

 

[الغاليه نونو]

المطعم بالسالميه ويوصل هوم ديلفري هذا رقمه 5737030

وفي بعد مطعم ثاني اسمه مطعم محماس كله اكل كويتي بس تقولين شغل عيايز يهبل يهبــــــــل اكلهم وعنده خدمة توصيل بعد جربوه لايطوفكم

 

[ام^صالح]

انا بعد سمعت عنه من بنات الدوام

انشاء الله نروح له ونستمتع بالاكل ومشكوره حبوبه

الغاليه نونو وين صاير مطعم محماس؟؟؟

 

[شواطئ]

مشكوووووووووووره

الله يعطييج العافيه

 

[ام ناصر82]

اي والله حلو هالمطعم مجبوس اللحم عجيييب والقبوط ومرق اللحم بعد واجارهم مو طبيعي:eh_s(15): وحتى اسعاره زينه

 

[xxx]

مشكوووووورة ان شاءالله اجربه

والغالية نونو مشكورة على الرقم بجربه بالبيت​

 

[QUMAR]

أنا مجربته بس برمضان وايد حلو ولذيذ
والحلو الصور القديمه اللي معلقها مادري من وين طايح عليهم

 

[supermarket]

وفي بعد مطعم ثاني اسمه مطعم محماس كله اكل كويتي بس تقولين شغل عيايز يهبل يهبــــــــل اكلهم وعنده خدمة توصيل بعد جربوه لايطوفكم

فيه قعدة؟؟ ولا بس ديلفري

 

[supermarket]

جربت مطبق الزبيدي رحت له بالعيد

زززززززززززززحمة والاماكن شوية

 

[لوكريسيا]

انا رفيجتي مجربته و تمدحه تقول بعد اجارهم عجيب و معبوجهم حلوووو​

 

[الغاليه نونو]

فيه قعدة؟؟ ولا بس ديلفري

مافيه قعده يعني يدوب جم طاوله بس اكلهم يهبل جربي طلبي منه وادعيلي والله انا اخذ منه هوم ديلفري حتي بالعيد حق الغدا طلبنا منه اكلهم فظيع

 

[bambena]

الصراحه انا رحتله كلش ماعجبني والاكل طلبت مجبوس دياي زفر والمعبوج اهو نفسه اللي بقراش بالجمعيه الاخضر
الطاولات محكوره دواعيس قمته

شوربه الدياي كانت حاره تحرق اللي لين خلصنا اكل مابردت ولا تهنيت فيها ! وخاااااااثره جنها عصيده!

 

[شهدQ]

شهيتيني

بس شلون في كباين؟؟

واذا مافيه شلون ع العوائل ؟؟

 

[جاكليت]

مطعم محماس جم رقمه بليز ؟؟

 

[barbya_q8]

اي رحت له فريج صويلح مت ضحك على الاغاني مالت رويشد القديمة قلبي معك يا مشغل البال ملتاع لوووووووووووول واغاني اقدم بعد

 

[لوكريسيا]

barbya_q8 شنو طلبتي ... ؟؟