فزعتكم كويتياات الموضوع مايتحمل التاجيل

[um_3l7lwen]

شلوونكم ي حلواااات
بدش بالموضوع دايركت انا حامل بالشهر الثالث ومن اول ماحللت لي اليوم زايده 8 كيلو جرام تحطمتت
متنت قبل لا اثقل اللي سوت رجيم واهي حامل الله يرزقها ويهون عليها تكتبه ابي رجيم اي شي ابي اضعفففف
انفجررررت قبل لا ادش الثلث الثاني من الحمل تكفووون ابي اي شي يضعف يصلح للحوامل رياضه معينه
والله يرزق اللي ترد علي كل شي تمناااه

 

[جوجو بلاس]

أمم انا حامل وبالشهر الثالث وشهيتي مفتتووووحه وزدت كم كيلو يوم صحيت ع نفسي سويت كنترول ورياضة معتدله والريجيم اخذته من النت كتبي ريجيم حوامل يطلعلك والحمدلله ثبتت وزني مازاد بعدها

 

[qoot]

حبيبتي مايصير تسوين رجيم وانتي حامل

يمكن انتي مكثره من الاكل الدسم خلي اكلج صحي فواكهه وخضروات وعصاير وحليب وابتعدي عن الاكل الدسم والوجبات

لاحقه على الرجيم بس ابتعدي عن الاكلات الدسمه ولاتسوين رياضه وانتي حامل موزين وحتى لو تبين تسوين مراح تضعفين لانه رياضة الحوامل خفيفه

 

[م.الحمد]

لازم تستشيرين دكتوره تغذيه
بتعطيج نظام معين لانج حامل

 

[um_3l7lwen]

مشكورين حبايبي ابي وحده مرت نفس حالتي وضعفت

 

[# غنوجة بيبي #]

ضالدكتور يعطيج نظام غذائي خاص للحوامل

موفقه

 

[حكآية قلب]

ديربالج ترا عاد يقولي الدكتور الاشهر ال7 و 8 اهم لللي تمتن حيل فيهم



لازم تاكلين اشياء خفيفه

يعني عيش ابيض و روب خالي الدسم و خيار
الاجبان اخذي خالية دسم
المطاعم ديربالج منهم

القهوووووة و الحلوووووو و الجاي ماذووووقه و الفطاير من احمل ما اكله


خلج سلطات عويشه بيضا دجاج مسلوق
خضروات و فواكة ماتضر


انحاشي ع الكاكاو


و الاحسن روحي لتغذيه لانه حيل زايد 8 كيلو وايد

 

[مرت الغلا]

عادي انا متنت ٢٢ كيلو وبس ولدت طيحت ١٠ والباجي رياضه واكل دايت ويرد جسمج وترا نص وزنج ماي ومشيمه وبيبي وتوسع عظام يعني مو كله دهون

 

[ماعاد بدري}~]

حياااتي انا نفسج زدت وااايد ، بس عاادي هذي هرمونات حمل وشي طبيعي يزيد وزنج بس حاولي تاكلين اكل صحي وفيه فاايده عشان الجنين وابتعدي عن الخرابيط ، والرجيم لاتفكرين فيه بعد الولاده على خيير سوي اللي تبينه ، بس حرام لاتأذين نفسج وتأذين جنينج ، الله يتمم لج على خير

 

[um_3l7lwen]

فديتكم ماقصرتووو حبايبي ???????

 

[فرزاشيهـ]

انا توني حامل و زدت ٤ ونص


الحل مثل ما قالوا البنات تخفيف و ابتعاد عن الدهون و خضره و فاكهه
ان شالله راح اجربها لان بحمالي ب بجري زدت ٢٤ كيلوً ف مابي اعيد اللي صار

 

[ياهم لدي رب]

روحي عياده وخليهم يسوون لج برنامج صحي ما يضرج وما يضر البيبي

 

[om attami]

حبيبتي امشي على نظام غذائي معين بمتابعة دكتور تغذيه ..

 

[mrs.abk]

أختي خلي وجباتج صحية وسوي دايت السعراات

سالفة الحامل ما تسوي ريجيم هذي عند الاجنبيات .. موب عندنا نحن اللي غدانا مجابيس وبرياني كل وجبة 1200 كالوري!!

فديتج أنا كنت مثلج وقصوا علي وأقنعوني إن الحامل ما تسوي ريجيم لين استويت فيل صغيرون وزني زاد 27 كيلو !!

عقب سنة من الولادة نزلت حوالي 17 كيلو .. وعلقن عندي 10 ما طاعن ينزلن

تووووبة أعيدها .. أكل الحمل بحرص عليه أكثر من أكل الحياة العادية .. الفيتامينات ملتزمة عليهم والسعرات لاااازم أحسبها لأن الهرمون أصلا يزيد الوزن وزيادة الهرمونات نتخلص منها أسهل لكن زيادة الشحم شو يفكنا منه

 

[حمووشه المطيري]

البنات ما قصروااا

مثل ما قالو لج حامل ورجيم ما يصير انتبهي باكلج واكلي صحي
انا الحمدلله من حملت زدت 10 كيلو لانه ما زاد وزني الا بثلث الثاني اول الشهور كنت مااشتهي شي وكنت قاطعه العيش نهائيا بعدها لا صرت اشتهيه

وزاد وزني والدايت اسويه بعد الولاده

 

[الفوز حلو]

8 كيلو وتوج ب3 اوفر والافضب لج تراااجعين اخصائيه تغذيه اذا موقادره تمسكين نفسج خاصه واحنا مقبلين ع الشتاء وهذا فصل المتن ههههههه
وقللي الاكل الدسم او اقطيعه مامنه فايده اشتري لج شوايه تهبل بالغانم يصير اكلج كله صحي وكثري سلطات خضره وفواكه وعصاير كاكاو اكلي الحجم الميني انا بالشهر 8 وزايده 8 وهم قاعد احاتي شلون بنزلهم الله يعينا