فزعتكم لا تردوني

[محبوبه الكل]

السلام عليكم حبيباتي حبيت استشيركم بموضوع زوجه اخوي خبرتني بخبر ياليتها ماقالت لي من عقبها ماشفت النوم ابغى استشيركم ساعدوني لا تبخلون علي ......
اخوي اصغرمني يمكن عمره٣٢سنه عنده طفلين كاشفته زوجتة انه يتعاطى حشيش من سنة حاولت معاه ماقدرت عليه الحين تقول اخاف على نفسي وعلى عيالي ماتدري وش تسوي معاه تقول حتى الصرف مايصرف على مايبقى معاه شي علشان البلاوي الي ياخذها ماتقدر تروح لا هلها لأن اهلها لويدرون مايخلونها مع اخوي واهي تقول انها تحب اخوي وتبغى تساعده ولا تبغى عيالها يتشتتون... ابوي وامي تعبانين مادري اقول لهم اولا اخاف مايتحملون ساعدوني ما ادري وش اسوي

 

[ام ريماس خوخه]

رد : فزعتكم لا تردوني

الله يكون بعونكم يارب ويساعدكم ما ادري والله الله يهديه امين

 

[احساس شفه]

رد : فزعتكم لا تردوني

؛


مشكلــه الادمــآن مآله علاج غيــر المسشفيات المختصه


انتي حاولـــي بالتفاهم معـآه

وقوليـه ابوك وامك تعبآنين ولو درو بيتعبون زياده ..

واهم شـــــي الدعــــــآء

آدعيله




والله يكون بعونكـــم آختــي

 

[غيمه ظميانه]

لازم تكلم زوجها بالموضوع اذا هو حاب بتعالج

يتعالج بالسر محد يدري عنه بينه وبين زوجته ويوعدها انه يمشي سيدا


اما اذا هو رافض يتعالج ومو راد عليها هذا شي ثاني لازم ماتستكت له ولا راح يتمادي بيقول هاذي عاجبها الوضع وماتدري عني

والله يوفقهم يارب ويصلح زوجها

 

[nwir72]

لا حول ولا قوة الا بالله

 

[sweeta77]

اعتقد ان امو ارقام تتصل عليها ممكن يساعدونها بس مادري وين شايفتهم

 

[كتكوته ورديه]

ما دري بس خليه يساعد ه نفسه ويتعالج

 

[bent-36a]

رد : فزعتكم لا تردوني

الله يهدييييييييييييييه يااااااااااااااربي الله يكون بعونكم

لازم توقفونه عند حده لاحول ولا قوه الا بالله

 

[مدندنه]

مركز علاج الإدمان, 24822936.

 

[الهندية]

لا حول ولا قوة الا بالله

اختي ادعيله بالهدايه اذا اخوج ماله نيه يتركه ما راح تقدرون اتساعدونه لازم اتكون عنده ارادة علشان يتقبل مساعدتكم كلميه انت

وزوجته وفهموه انه اذا استمر راح ايدمر نفسه وبيته وعياله وممكن امك وابوك اذا درو ايروحون فيها لا سمح الله فاذا كان حاب ان

ايساعد نفسه راح يتقبل منكم الكلام لكن اذا كان الأدمان مسيطر علي مالكم الا انكم تدعوله بالهدايه وان الله يشفيه

 

[نفهمها صح]

رد : فزعتكم لا تردوني

الله يهديه ويساعدكم يارب

 

[حجيه هيونه]

لا حول ولا قوة الا بالله

اختي ادعيله بالهدايه اذا اخوج ماله نيه يتركه ما راح تقدرون اتساعدونه لازم اتكون عنده ارادة علشان يتقبل مساعدتكم كلميه انت

وزوجته وفهموه انه اذا استمر راح ايدمر نفسه وبيته وعياله وممكن امك وابوك اذا درو ايروحون فيها لا سمح الله فاذا كان حاب ان

ايساعد نفسه راح يتقبل منكم الكلام لكن اذا كان الأدمان مسيطر علي مالكم الا انكم تدعوله بالهدايه وان الله يشفيه

خوش كلام


واهم شي لاتنسون تلزمون الدعاء لين ربكم يفرجها


الله يهديه مايدري انه هالدرب ماوراه الا الضياع واهو وراه عيال

 

[زوجة عزيز]

رد : فزعتكم لا تردوني

اهم شي يكون اهو عنده اراده للعلاج حاولو معاه انه يعالج عشان اعياله وزوجته محتاجين له واذا مايبي يعالج حرام تظلم نفسها معاه الله يكون بعونها ويشفيه ان شاء الله