فزعتكم يابنات الكويت ....!!!!

[أحب بابا]

السلام عليكم ورحمة الله وبركاته

شخباركم

امممم ادخل بالموضوع
أنا بجي لديرتكم الحبيبه الاسبوع الجاي
بس ابي منكم خدمه

ابي اعرف الاماكن الزينه للسياحه //
وابي الاسواق اللي اسعارها حلوه ومعقوله وخــاصه ابي محلاات الجلابيااات الحلووه بالتحديد وبالتفصيل وابي اشياء غريبه وملابس ماتكون عندنا بالسعوديه ماابي ماركات لانها عندنا كثيييير

ومتى يبدا هلا فبراير عندكم
ياليت تردون لي الليله واكون لكم من الشاكرين​

 

[فيردي]

هلا حبيبتي شرفتينا في ديرتج الثانية الكويت وشرفتونا يا حبايبنا شوفي يا بنت عمي هلا فبراير بادي من تاريخ 29-1 وراح ينتهي لغاية 28-2 الشهر الحالي واذا تبين تعرفين الفعاليات حق المهرجان هذا موقعهم
http://www.hala-feb.com/

وهذا موقع عجييب يعطييكم الاماكن اليديده الي بالكويت ومعااه صور حق المكان

وهم يعطييكم اوقات المعاارض والموضه الي طااالعه بالكويت موووقع

صج عجييب

ان شاء الله يعجبكم

http://www.q8update .com/index. php

اما احدث مول عندنا من بعد الافنيوز اسمه البيرق

اما اذا تبين بضايع مو ماركة مثل الجلابيات عندج سوق الديرة واذا تذكرت شئ راح ارجع ادزلج وان شاء الله تستمتعين معانا يا حياتي وكل شهر اتيييين ههههه

 

[عثمان حبي]

هلا فيج بديرتج اذا تبين دراعات مجمع الاوقاف واشياء قديمه سوق المباركيه كل شئ قديم فيه وان شاءلله تتمتعين وحياج الله

 

[tolay]

حياااج


تبين محل الجلابيات ؟؟؟ عندج بمنطقة الفروانيه سوق الحمرامول والعربيد بلازا ..... عندج مجمع الاوقاف بالديره

اماكن حلوه سياحية ؟؟ عندج منطقة السالمية زوري المركز العلمي وموقعه عالبحر حلووو تمشي ومطاعم وفيه اكواريوم وسينما اي ماك وقاعات استكشاف ومن برا سفن شراعيه يعني زوره وماتندمون

روحو سوق شرق موقعه نهاية السالميه حلو هالمجمع وحلو قعدته من برا وجنه فيه فعاليات

روحو مجمع المارينا مول بمنطقة السالمية ورحو الواجهه بحر وتمشي ومطاعم

روحو حديقة الشعب مكان ملاهي حلوو وفيه العاب كبار وصغار

روحو مجمع الافنيوز بمنطقة شويخ اكبر مجمع بالكويت

وااااايد اماكن بعد ان شاءالله تشوفونها صدفه

 

[أحب بابا]

فيردي
عثمان حبي
toly

الرابط الثاني مافتح معي,,

الله يعطيكم العافيه حبيباااتي
ماقصرتوا والله
ويازينكم ويازين ديرتكم
تسلموون يالغاليااات

 

[ضعيفه وعصله]

هلا حبيبتي اول شي حيـاج الله وراح تنور الكويت يـا عمـري

مممم أمـاكن

شوفي المجمعات الحلوه .. يعني اللي التمشي فيها حلو وفيها مطاعم وسينما
اغلب المجمعات بس احلاهم
الافنيوز و سوق شرق و الكوت
وايد حلوين

و في عندج سوق الديرة اهو نفسه سوق المباركية .. كل شي قديم فيه
حتى مواعين و دراريع وعبي و شغلات قديمه وحلوه

وبعد عندج المركز العلمي مثل ما قالو

وفي حديقة الشعب .. حلوه و المدينة الترفيهية هم حلوه ويسوون فيها فعاليات

و مطاعم عندج بالافنيوز مطاعم وااايد حلوه
و عندج مطعم ميس الغانم حلو سئلي عنه

و الواجهات البحرية وااايد حلوه حق تمشي ومطاعم

وحياج الله بديرتج الثانية

 

[^حيزبونه^]

هلا اختي


مجمع العربيد بمنطقة الفروانيه فيه جلابيات اسعارهم اقل من 200 ريال سعودي

وطبعا عنده جاهز وتفصال

وحياج الله

 

[أحب بابا]

هاااااااااي حبايبي

زرت الكويت ورجعت
ماشاء الله صغيره بس حلووه وان شاء الله لي زياره ثانيه لها مالحقت على كل المجمعات خخخ
رحت سوق شرق ماعجبني حليو
ورحت الافنيووز وواااااااااو خيال بصراحه وكبير تعشينا فيه ورحت السينما اللي فيه
رحت مجمع الاوقاف واخذت منهم دراريع بس مالقيت يعني ذيك الدراريع الغريبه يعني عادي وغاليين شوي
رحت مجمع البستان والفنار بالصدفه ومطعم جنغل مرره اعجبني المطعم واكلهم رهيييب

رحت المباركيه بس مانزلت حسيته زحمه وماعجبني من برا بس قهر ماكنت شايفه كلامكم انو حلو وفيه اشياء حلوه والا كان نزلت
طبعا رحنا الكورنيش
وشفت المركز العلمي اقول لزوجي مرره البنات يمدحونه يقول هذا مركز علمي وش تبين فيه شكله حق ابحاث خخخخ

بس كانت زيارتي قصيره واستمتعت فيها
يعطيكم العافيه ماقصرن الاخوات اللي ردن علي