فزعتكم يا معلمات الروضة ***************

[قطر الندى]

عندي درس عن ملوثات الهواء أبي تقولون لي شسوي من منبة وسير الحلقه
ردوا علي بسرعه بقدم الدرس يوم الثلاثاء

 

[زلابيا]

شفت هالمنبه حلو ويصلح للحلقه...

حطيلهم منبه السياره ويركبونها .. وسأليهم عنها ..

وبعدين سأليهم شنو يخرج من السياره؟؟ اذا ماعرفوا رسميلهم مثل الغيمه طالعه من الاكزوز .. لما يتوصلون ان دخان

وساليهم شنو صفاته هالدخان؟ شنو يسوي لنا ؟؟ ووين نشوف بعد الهواء الملوث (الزقاير-دخان المصانع )

 

[لوميه]

يبي قطن رشيه اسود
وسحبيه حيل لين يصير وياج مثل الدخان

يبي علبه كلينكس

جلديها بلون رمادي ...


حطي القطن داخل

وانتي مع اليهال سوي روحج تبين كلينكس

طلعي اشوي من القطن لي بره ... وناقشيهم المهم ان شكله يشبه الدخان ..

يتخيلون شنو ممكن يكون طالع منه
ممكن من بيت يحترق

من مصنع

من سياره ...

جهزي لج جم شغله مثل غرا... ورق ملون ...رولات الكلينكس ملوت المطبخ او الحمام >اعزكم الله<

سوي معاهم مشرروع مصنع .....ناقشيهم بالدخان شيسوي بالهوا
وبالانسان والنبات

وكملي الدرس ​

 

[أوركيد]

قدمته مره وكان منبهي عن غزالة بالغابة ضيعت طريجها ..

وصلت مكان وبدت تتعب وطاحت ..عرضي دخان اسود من قطن او مصورات ..

ناقشيهم .الهواء الملوث ضار بالحيوان والانسان والنبات ويأثر على البيئة ..

ومثلي معاهم جنكم بتنقذون الغزالة بس بسرعة..ولازم مع الكمامات ونبتعد عن المكان الملوث بسرعة ..

 

[ArEEj]

المنبه : صوت شخص يكح يكح بقوة على المسجله طبعا

خليهم يفكرون من هذا الشخص وأشفيه يكح ؟؟

وقولى لهم تبيون تعرفون قصه هذا الشخص
هذى عائله ذهبت الى البر وحطى خيمه
وكان بجانبهم مصانع اذا عندج مجسم سويه
او تقدرين تسوين درسج على البوربوينت
ثم تنشقوا دخان اسود ؟؟
وحطى صوت الكحه مره ثانيه
لما تنشقوا الهواء الملوث شوفوا شصار لهم
ما رايكم يصير نقترب من الاماكن الملوثه ؟
خلي يقولون لج ما هى الاماكن الملوثه ويجب ان بتعد عنها
المصانع- عوادم السيارات
وتكلمى عن الاماكن اللى فيها هواء نقى الحديقه البحر
ممكن تعرضينهم على شفافيات
وفى قصه حلوه بالسي دي عن الهواء الملوث تقدرين تستغلينها
خليهم يقلدون حركه تنفس الهواء ​

 

[قطر الندى]

شكرا لزلابيا ولوميه وأوركيد وأريج ويعطيكم العافية علي المنبهات الحلوه
وماقصرتوا :eh_s(9):

 

[rose2006]

ماشاء الله عليكم بالمنبهات جدا روعة
حبوبتكم من الامارات

 

[قايد الغزلان]

خووووووش منبهات ماشا الله عليكم

 

[معلمة رياض اطفال]

سويت مره شفافيه مركبه
لعادم السيارة
ودخانه
كانت فنتك
وكملت الدرس عادي
بس المنبة قوي حيل