فزعتكن لوجه لله

[المحبه للرحمن]

سلام عليكم.. يابنات انا محتاجه فزعتكم انا بكر امى
وصدمونى اهل زوجى ان عرسي بعد شهر بضبط ومعاى عاروس ثانيه....
وموعارفه ابدى من وين وانتهى من وين.....
وخاصه دراريع وبدل الاستقبال لان انا نضامى سبورتى....
فاااابليزززززز وقفووووا معاى ولكم دعوى بضهر غيب....
تكفن فزعتكن ياخواتي

 

[لميس نفسي]

الله يتمم لج على خير


خلاص ابدي تجهيز

ابدي بالدراريع وروحي حجزي فستانج


وعن الاماكن الزينه انتي فري بالقسم في مواضع وايد جذي واخذي خبره منهم


عني انا رحت المعرض واخذت اربع دراريع فخمه


وخيطت من العربيد دراريع ناعمه


كل واحد وذوقه وموديله


والله يسهل امورج وبارك في زواجج .. .

 

[خالتها]

رد : فزعتكن لوجه لله

الله يوفقش انشاء الله
شوفي نصيحة مني.. الحين الحين تاخذين ورقة وقلم وتسجيلين الاشياء اللي تحتاجينها مو شرط بالتفاصيل رؤوس اقلام يعني:
- نفنوف العرس، الصالون، المصورة، المسكة
-نفنوفين لثاني يوم ولرد الاسبوع اذا في عندكم رد اسبوع
- بدل فخمة
- بدل للشقة
-دراريع كشخة ثلاث او اربع ( الدراريع العادية ترى مو شرط اذا انتي من النوع اللي مو متعوده عليها مثل ما فهمت منش)
- بجايم، ملابس داخلية ، قمصان
- صنادل ونعول وشنط
- طقم روب وفوط
-الساعات والاكسسوارات والشباصات
- عطور، بخور، مكياج
- عبي وشيال ونقابات اذا انتي متنقبة
هذا اللي اذكره الحين لان الورقة مو عندي عند امي
شوفي حبيبتي تشوفين انتي العدد اللي تحتاجينه من هذه القائمة لانه مافي عدد معين لاي شي
كل وحدة تعرف شنو وضعها اذا هي عند حمولة او ابروحها ( يعني اذا عند حمولة لازم الدراريع واذا لأ ترى مو شرط)
اتمنى اني افدتش بشي. ولا تحاتين ان شاء الله امورش كلها بتكون سهالات.
الله يوفقش ويسهل لش الجهاز ويكون احلا اجهاز.

 

[7noOna]

اول شي سوي لج نـوت سجلـي فيهآ كـل شي على بآلــج عشآن ترتبين افكآرج و تعرفيـن شنو تبين وماتضيعيـن


مايمديــج تخيطـيــن ،، روووحي كل محلآت الجآهز و اخذي ،، بس راح يكلفج اكثر من التفصآل


الدراريـع :: رووحي الفروانيه مجمع العربيد قوليله يخلصهم بآسبووع

و الحين مبطل كعرض الروضان بالمنقف روحي شووفيلج بدلتين او 3 من الحريم


و البـدل اخذي جآهز من المجمعآت رووووحي الافنيوز من الصبح لي الليل افتري على محلات البدل الكشخه و اخذيلج منهم و اخذي بعد الشوزات والجناط


و حجزي مصوره و مكياج


~ لا تحاتين انتي بس رتبي امورج و خلي الكسل على صووب و ان شاء الله يمديـج

 

[المحبه للرحمن]

لميس
خالتها
حنونه
الله يجزاااااااكن الف خير
وياااااااااارب الله يتقبل كل دعاااائكن

 

[المحبه للرحمن]

اختي احساس وطيبه
الله يجزاج خير
ارسلي الصوره على الخاااااااص وشنو لونها
لاني مااقدر ارسلج على الخاص لانه مشاركاتي قليله

 

[((قاهرتهم))]

رد : فزعتكن لوجه لله

الله يوفقج وتخقضين بهالوقت ترى انا نفسج جهزت بشهر ونص تجهيز كامل يعني يمديج

 

[المحبه للرحمن]

قاهرتهم
الله يجزاج خير
وانشاء الله يارب انه يمديني

 

[شقا دنيا]

الله يوفقج يارب وتطلعين احلا عروس بس اهم شي ركزي على الاشيا الرئيسيه مثل ليله العرس وخلصي كل الحجوزات اللي عندج مثل الصالون والبدله والمسكه وابدي بالتفصيل والعربيد وصدقيني بتخلصين بسرعه وبعد اهم نقطه ابدي من الحين الاهتمام وجهزي خلطاتج شوفي عندج بالمنتدى بركن الجمال فيه بنات حاطين خلطات حيل حلوه ابدي اهتمي موتلتهين بالتجهيز ومايجي وقت العرس الا صايرة فحمه من كثر الخورة 00لاتزعلين من كلامي بس هذا الصج لان وقتج ضيق وراح تلتهين بالتجهيز وموفقه يااارب

 

[أم*سلمان]

عسى الله يوفقج

واذا على البدله العرووس شوفي مواضيعي اللي بتوقيعي

وبتلقين طلبج


67069609

 

[اوبراا]

رد : فزعتكن لوجه لله

ربي يوفقج

 

[عآشقة زوجهآ]

ياااي الله يعينج ..

شوفي حبيبتي فري المشاغل والمعارض ترى دراريعهم حيل حلوه انا كل دراريعي منهم

وبلشي بالعطورات
خوذي من القرشي معمول القرشي15 دينار
والعود بعد ب25
كلهم خيال
خوذي من اجمل عطر اسمه <خلاب> يجنننن للعروس ب12 دينار
وعطر اول ليله خوذي العطر الفرنسي اسمه <قزاز> ماركة لوي رووعه وشوبارد وبيبي وخوذي عطر <بسك> من فيكتوريا سيكرت خياااال
وعطر <جيفاكو>

والاكسسوارت بعد الدراريع والبدل عشان تعرفين الالوان

والجنط والجواتي خوذي الذهبي والفضي والالوان الاساسيه

والبيجامات خوذي حراير وقطنيه وشكلي بين القصير والطويل

قمصان النوم ماراح تحتارين فيهم لكن خوذي ابيض طويل مع نعاله بقسم الملابس الداخليه

اشتري استشوار وفير سيراميك واكسسوارت شعر حتى حق البيجامات بس يكونون ناعمات


وانصحج تجيبين ضروف تحطين ظرف للعطور وتحددين المبلغ وهكذا

وانصحج ماتشترين بشكل عشوائي يعني تخصصين يومين تروحين للسوق بس حق العطورات ويومين بس للملابس الداخليه وهكذا

يارب اكون افدتج وأي استفسار انا حاضره راسليني ع الخاص

 

[ạ7ạśêś ~]

ووي انتي مثلي ../ عرسي بعد شهر

شوفي حبيبتي انتي مثلي فـ بقولج شنو سويت


اكو معرض في صاله روضان خذيت من عندهم كذا الدراريع وترى بـ شهر 3 جان فيه

رحت مجمع صالحيه خذيت لي نفنوف عرسي من هناك صج ان غالي

بس بصراحه ما عندي وققققققت اببببد اقاعد اروح من مكان لي ثاني

روحي هنآِك اكو ترى كذا نفنوف شي

بعدها رحت الافنيو وشررريت حق شقه وجم شوز و...إلخ

الحين الح ـِمدالله خلصت من الملابس.ًِ قصدي من شي المهم

الحي ـن بديت بِـال دي جي ./ المصورهـِ . ./ صالونهً

وباجي اذا صار عندي وقت باخذ لي جم شغله

يعني ترى اكو وقت تاخذين لا تخافين قلبي اخذي ـِآهم شي

والباجي بع ـد العرس حبيبتي

وعسىـ الله يوفقج ويسهل دربج قلبي

 

[جوري الغرام]

رد : فزعتكن لوجه لله

حبيبتي أنا كتبت موضوع عن احتياجات العروس من الألف الى الياء ان شاء الله يفيدج :rerrerek:​

وهذا الرابط http://www.q8yat.com/showthread.php?t=746144



وأتمنالج التوفيق بحياتج الزوجيه :yaaaaaarb:​

 

[BoxCouture]

رد : فزعتكن لوجه لله

ماشالله البنات ماقصروو

و الله يهداهم اهل زوجج حيل معطينج فجه صراحه !!

 

[قاهره عذالي]

رد : فزعتكن لوجه لله

حبيبتي اذا تبين ثوب عروس فخم وسعره حلو سواء بيع او اجار
راسليني

 

[ريومه2011]

ياااحيااتي الله يعينج ويوووفقج ان شاء الله بس لاترتبكين رتبي افكااارج وان شاء الله بيمديج

اووول شي جيبي ورقه وقلم وقسمي ميزانيتج مثلا..
1_ حجز نفنوووف اوول يوووم والصالوون والمسكه والمصوووره>>هذا بيوومين تخلصينهم اذا انتي شاااطره
بس خلي البرووود عنج
2_يووومين او ثلاثه للدراريع شوووفي المعااارض تلقين عندهم اشياء جااهزه وحلوووه
وحددي
مثلا... 5 دراريع فخمه وفيهم شغل
بدلتين فخمات لنزلتج
6 دراريع نااعمه وفيها شغل خفيف من العربيد رووحي نقي لج كذا وحده
3_يوووم للقمصاااان اخذيلج قميص مال اوول يووم و4 طوااال>>البنات يقولون لاتطثرين الطوال لانهم بيطيحوون بجبدج
و15 قميص قصااار وع الركبه طبعا شكلي بالالوان
القمصان بيوم تخلصينهم..

4_يووم للبجايم ولبس البيت
مثلا حددي خمسه طواال قطن وخمسه برمووودا وخمسه شورتات وخمسه ستااان
ودراريع بيت قطن قصيره وجنزين و4 بلااايز مو ساااده مثلا مفتوووحه من ورا والا اكسات من ورااا وحركات جذي

5_يوووم للعطووووور حددي شكثر تبين
انا خذيت من السعوووديه العطووور
شريت 15 عطر من المااجد>>لانه يعجبني اكثر شي
و3 فرنسيه>>البنات يقولون لاتكثرين
ولوشنات ومرشاات للفرش
وخذيت 2بخوور المااجد وواحد العربيه وواحد بخوور للبيت وبخوور من حرمه خذيته لشقتي
كل هذا بيوووم خلصته

6_يووم للعبي والملاافع والنقابات
7_يوووم للجناط والنعوول وشحاطات البيت المريحه
8_يووم للمكيااااج وللاكسسورات
9_ يوووم لاغراااض الصيدليه من شاامبو وشااور جل ومرطبات ومناديل ازالة المكياج وووالخ وبعد للاجهزه استشوار وسيراميك والة برااون

هذا اللي اتذكــــــــــــــــره
وربي ان مشيتي ع هالطريقه راااح تخلصين بعشر ايااااااام


اممممممممم ايه صوووح لاتنسين طوول ماانتي تجهزين استخدمي خلطاات لجسمج ووجهج
اذا جيتي بالليل تعباانه من السوووق تدهني ونااامي

راااح احااول اجمع لج الروااابط لمووووااااضيع البنات واحطهن بمووضووعج
عشان يسهل عليج

سسسوري قرقت واااااااااااااااجد هع:krkrkr:
الله يوووفقج يااااارب دعواااتج لي...............:yaaaaaarb:

 

[eng^^zozo]

رد : فزعتكن لوجه لله

ماشاء الله البنات ماقصرو ..


والله يوفقج ان شاء الله

 

[سمر^_^]

بعد شهر ؟؟

يالله سهالات ان شالله

للحين ماجهزت ومادري والله بس لعيونج

آآآآآآآآآآآب *_~

 

[ريومه2011]

هذا رااابط لخلطة العضووووه الحبوووبه انل انا ان شاء الله ناااويه استخدمها
http://www.q8yat.com/showthread.php?t=736530

وهذي الخلطه الصابوونيه للحبووووبه مزيوونه وشقره
http://www.q8yat.com/showthread.php?t=63228


وهذي خلطة شساااله المشهووووره لطشتها لج عالسررريع ههههههههه
خلطة تبييض رهيبه ( خلطة شسالفه المشهورة ) o..


المقادير:....
صابونه غار مبشورة ناعمة جدا(تنقعينها بكاس ماء ورد طول الليل
عشان تذوب )

علبة جلسرين السائل الشفاف من العطار
علبتين جليسوليد الأحمر كبار
فنجان قهوة زيت زيتون
فنجان قهوة زيت لوز المر
فنجان قهوة زيت خروع
ملعقتين كبار كركم من الخاص بالجسم تلاقونه عند العطار
علبة فكس صغيرة
تخلطينها مع بعض وتحطينها بعلبه ولاتخلينها تتعرض للشمس

بس عن تجررربه الخلطه حلوووه بس اذا تدهنتي فيها البسي بدلة الساونا

لمدة ساااعتين وبعدها تسبحــي وتفررركي بسنفرة كاااب وبالخلطه الصاابوونيه

اذا مشيتي ع هالنظااممايجي العرس الا انتي تلقين لق ان شاء الله

اوووف تعبت وانا ادووور اتمنى افدتج
دعوااااتج لي