فزعه يابنات الكويت

[احلامي بتتحقق]

:q8:

السلام عليكم

كيفكم ؟

يابنات الكويت بليز بليز ردو على استفساراتي

انا ان شاء الله الشهر الجاي جايه عندكم في الكويت

ولا اعرف عن سعر الدينا كم يساوي عندنا في السعوديه

وابغى منكم كمان الاسواق الرخيصه عندكم وفيها شغلات غريبه

والمنتزهات والشقق

والله يعطيكم العافيه:q8:​

​

 

[ام الحلوووين]

الكويت اغلا من السعوديه

بس انتي حددي جم يوم بتقعدين ووين بتسكنين

وابشري ماراح نقصر معاج

واي شي حاضرين

اذا بغيتي شي ع الخاص لاني ماارد على الموضوع اللي رديته عليه اضيع واضيع

 

[كاشتة بالحوش]

رد : فزعه يابنات الكويت

يا هلا ومرحبا حياج الله بديرتج الثانية الكويت
اختى الدينار الكويتي =13 ريال
وارخص البضايع تلقينها بالاسواق الشعبية
عندج سرداب سوق المباركية
والاسواق الشعبية اللي بالفروانية هذي الاسواق فيها ملابس جاهزة مثل دراعات للبيت بجامات بدلات (بلوزة وتنورة) عملى للدوامات مثلا او للزيارات العادية
شنط وجواتي تكرمون ملابس داخلية اسعارهم زينة
اما اذا تبين دراعات كشخة روحي خياطين العربيد بالفروانية تلقين كم قطعة تعجبج احسن شي فيهم يضبطون القياس ويسوون لج نسخة مطابقة للموديل المعروض بس اظن ما يخلص من تفصيل الدراريع قبل خمس ايام يعني لازم تمرين عليهم اول ما توصلين الديرة واسعار الدراريع بين 12 الى 30 دينار كاسريهم ينزلون لج من السعر
واذا رحتي للفروانية لا تنسين تمرين على مطعم قيصر عجيب غالى شوي غدا او عشا شخصين حوالي 16 دينار بس حلو يستاهل احلى شي ذقته عندهم المشويات وبرياني روبيان وسلطة سيزر بالدجاج وشريحة اللحم مع المعكرونيا بصلصة الفطر
وعندج المجمعات التجارية بالفروانية شارع حبيب المناور فيها بضايع حلوة واسعارها معقولة

واذا تبين ملابس مميزة وغريبة لازم تمرين على المعارض اللي يعلنون عنها سواء بموقع كويتيات او بالجرايد المحلية بس يبالغون بالاسعار

 

[احلامي بتتحقق]

مشكورات على الرد والله يجزكم خير ويوفقكم

انا ان شاء الله باجلس في الكويت اسبوع وراح اجي بسياره

لما ادخل حدود الكويت راح احصل خريطه الكويت مفصله تدلني على الشوارع والماكن او لا ؟

وابغى منكم مشاغل نسايئه حق قص وصبغة شعر حتى لو كان غالي عادي بس يكون شغلهم حلو

وشكرا

 

[احلامي بتتحقق]

مرحبا ببنات الكويت

45مشاهده ولا فيه الاردين
بليز بليز ردو عليِ

 

[cat walk]

اذا تبين صبغه حلوة روحي صالون سلفانا بالجابريه واااايد شاطرة بالصبغ وعندها خبرة صالونها بمنطقة الجابرية نفس الشارع اللي فيه بنك الوطني بجانب الخباز بس القص مو مجربه عندهم بس اتوقع حلو قصهم لانهم شطار

 

[احلامي بتتحقق]

اذا تبين صبغه حلوة روحي صالون سلفانا بالجابريه واااايد شاطرة بالصبغ وعندها خبرة صالونها بمنطقة الجابرية نفس الشارع اللي فيه بنك الوطني بجانب الخباز بس القص مو مجربه عندهم بس اتوقع حلو قصهم لانهم شطار

الله يعطيك العافيه مشكوره يالغاليه​