فسريلي وجزاج الله خير عبير ..

[شموخ الفرس]

السلام عليكم ورحمة الله وبركاته ،،
جمعة مباركة ..شلونج عبير ؟؟

حلمت حليمين من بداية الأسبوع كنت بكتبهم يوم الاثنين بس احترمت رغبتج لأن صج عاذرتج ومقدرة ضروفج ونطرتج لين اليوم ..

الحلم الأول: حلمت اني شفت كريم شعر طايح على الأرض(تحت الكرسي) وقعدت اطالعه مستغربه ..((مادري إذا الحلم له دلاله على شيء بس حسيته غريب)) ..

الحلم الثاني: حلمت اني طلعت مع خواتي الثنتين رحنا المول ودشينا محل ، عجبني بنطلون ابيض قلت حق اختي شرأيج فيه قالتلي واايد حلو قتلها بس احسه شوي واسع وقصته مب عاجبتني قالت خلاص بنخليهم يعدلونه وجات وحده قالت خلاص بنضيقه لها ونعدله وجابت اختي الثانية فستان اسود وبنفسجي دشت تجربه طلع حلوووو عليها .. وانا كنت ناطره المره تجيب البنطلون وتأخرت واايد قالتلي اختي اصبري شوي يبيله شغل ولما جابته دشيت اجربه بس كان متغير من فوق لونه ازرق ومن تحت ابيض قلت حق اختي هاي مب نفس اللي اخترته قالت ايه بس حلوو خذيه قتلها وواسع من خصري قالتلي مو مشكله خذيه ،، وخذيته وانا مو مقتنعه فيه ..​

عمري 19 مو متزوجه محافظة على صلاتي
اختي (اللي جربت الفستان) عمرها 24 متزوجه وحامل ومحافظة على صلاتها
اختي الثانية عمرها 21 متزوجه ومحافظة على صلاتها ..​

 

[مفسرة الاحلام]

ان صدقت الرؤيا الاولى قد تمرين بفتره تعتنين فيها بشعرك من ناحيه الكريمات والتغذيه والله اعلم بالصواب

الرؤيا الثانيه ان صدقت زواج لك من رجل قد لاتكوني مقتنعه فيه كثيرا لكن خواتك يشجعونك والله اعلم بالصواب فقط