فصلت نفنوف تخرج بنتي واتسكر المحل

[شيماء المطيري]

بنتي بتتخرج من الروضة اطلبت الابلة تي شيرت علم الكويت وتنورة بيضه منفوشة وآنا أتمشى بالدبوس في الفحيحيل من سوء حظي لقيت محل لتفصيل ملابس الافراح للبنات :ggdw:


لقيت فيه وحدة مصرية منقبة وشرحتلها الموديل وفصلته ب 30 دينار بعد المكاسر صار 25

 

[شيماء المطيري]

بالموعد رحتلها الا مو معدلة الجيبون بعد يومين رديتلها لقيت مخيطين ورود كبيرة دار مدار التنورة البيضاء طلبت منها تعيده وبعد مناقشات وافقت وغيرت التنورة وبالموعد لقيت حاطين وردتين حمر على صوب ووردة طايرة على صوب ثاني هم اجبرتها تغيره كله وبعد يومين رحتلها لقيت الجيبون كلش مو مرتب قلت هذه آخر مرة ولا نادي لي صاحب المحل وبالوعد رحت لها لقيت المحل امسكر ومكتوب لافته للبيع-----------انصدمت



تذكرت اني سحبت كي نت من محل ثاني رحت له وألقى وحدة عراقية ما أدري بدون سألتها وينها قالت مريضة انزين رقم تلفونها قالت ممنوع وويت الفاتورة قلتلها الفاتورة مع المصرية تخيلوا وتقوم علي انتي ميتة على 25 دينار واحنا ما نادي المسؤل على نفنوف وروحي وردي بكرة وليش مفصلة اهنيه مدام مو عاجبج----منتهى قلة الادب

ثاني يوم استأذنت من دوامي ورحت المحل ولقيت المصرية وأخذت النفنوف عشان أصلحه على حسابي

 

[شيماء المطيري]

المصرية مرة شفتها لابسة نقاب واليوم الثاني لابسة ملفع وتقولي أخذيه لو مو مرتب كلها ساعة زمان وحفلة روضة منو داري عنها-----بقيت أزنطها على هالكلام

 

[العنووووود]

ياحليلج والله لو منج اطلع رقم صاحب المحل قصب عنهم وادق عليه واطلع عيوب الدنيا فيهم واقوله مايحترمون الزبون واخلاقهم مونضيفه للاسف انت بدل ماتكيب للمحل قاعد تخسر والبركه بهالموضفهم لاذمه ولاضمير واخلي اختي او رفيجتي بعد تكلمه وتقوله نفس الكلام وتقوليلا لوسحمت اخذ اجراء فيهم لان احنا بنات حمايل ومانتعامال بهالاسلوب وخليهم يتادبون يمااي اكرة شي عندي هالاسلوب الوصخ

 

[منو انت]

حلوه ميته على 25 دينار كان قلتي لها اذا فيج خير عطيني 25 وخليج احسن مني صج قله ذوق بعدين الثانيه اللي تقول حفله روضه كان قلتي لها انا اقرر يمشي الوضع او لا مو انتي يااااااااااربي الله يعينج انا من ورا الكيبورد وعصبت

 

[> Miss M6ereiah <]

والله لو مكانج ما اطلع الا الفلوس بيدي ان شاء الله لو مو 25 دينار لو 25 فلس مو جعاصة بس انا تعلمت انه هالاشكال ما ينفع معاهم الطيب ويحليلها تقولج حفلة روضة واخذيه مو مرتب ! اخ لو بمكانج جان كوفنتها قليلة الادب هذي

 

[شيماء المطيري]

ياحليلج والله لو منج اطلع رقم صاحب المحل قصب عنهم وادق عليه واطلع عيوب الدنيا فيهم واقوله مايحترمون الزبون واخلاقهم مونضيفه للاسف انت بدل ماتكيب للمحل قاعد تخسر والبركه بهالموضفهم لاذمه ولاضمير واخلي اختي او رفيجتي بعد تكلمه وتقوله نفس الكلام وتقوليلا لوسحمت اخذ اجراء فيهم لان احنا بنات حمايل ومانتعامال بهالاسلوب وخليهم يتادبون يمااي اكرة شي عندي هالاسلوب الوصخ

تعرفين لما تكونين الصبح دوام والعصر بزحمة السوق أحس كل شي فبني يعورني وآنا مريضة ديسك أحس ما فيني حيل للهواش مع أني سمعتها كلمتين بس ولا في البال---تحياتي عزيزتي

 

[شيماء المطيري]

حلوه ميته على 25 دينار كان قلتي لها اذا فيج خير عطيني 25 وخليج احسن مني صج قله ذوق بعدين الثانيه اللي تقول حفله روضه كان قلتي لها انا اقرر يمشي الوضع او لا مو انتي يااااااااااربي الله يعينج انا من ورا الكيبورد وعصبت

بطت جبدي لما قالت جذيه بس شتسوين مع قليلين الذوق مالهم علاج----تحياتي عزيزتي

 

[شيماء المطيري]

miss m6ereiah <, post: 24614059, member: 148970"]والله لو مكانج ما اطلع الا الفلوس بيدي ان شاء الله لو مو 25 دينار لو 25 فلس مو جعاصة بس انا تعلمت انه هالاشكال ما ينفع معاهم الطيب ويحليلها تقولج حفلة روضة واخذيه مو مرتب ! اخ لو بمكانج جان كوفنتها قليلة الادب هذي

صج جبتيها فعلا المفروض كوفنتها بس أخاف معاها الحزام الأسود وأتوهق--لوووول----تحياتي عزيزتي

 

[شيماء المطيري]

اب اب اب​

 

[DOo7a_ALajmi]

موصج لو انا منج اكلم صاحب المحل

المهم انج خذيتي النفنوف

 

[ام كوشه منكووشه]

حبيبتي الله يعوض عليج بالفلوس
هالاشكال يتمادون لانهم يدرون حتى صاحب المحل مايهمه الا اللى يجيه من ورا هالمحل

 

[توتو_الحلوة]

منتهى قلة الأدب المفروض تكون اللي بتشتغل بالمحل شوي فيها زوء شوي مو قليلة ادب
لو مكانك باخد رقم صاحب المحل وبحكيلوا انو الشغيلة عندك رح يطفشوا الزباين عشان ينتبه

 

[aṕriliå]

حلوووة ميتة على 25 اهي لو لها حق عندج لو ربع دينار جان اخذته بالغصب

 

[nora al]

اشتكي عند حماية المستهلك على التاجر

 

[(كويتيه عسل)]

صج مايستحون شنو تفصله على مزاجها وبالتالي تقولج كلها حفلة ساعة زمن

اخذي ريلج معاج خل يعطيهاعين الحمره ويقولها ترجعين فلوسج والنفنوف اللي خربته

 

[kookiz]

روحي اشتكي بحمايه المستهلك اذا عندج وصل

 

[(كويتيه عسل)]

مايسوى عليج لو شاريه تي شيرت عادي من الرياضي على دينارين وشاريه من محلات الكلف علم الكويت وموديته خياط هندي يخيطلج الاعلام على نص دينار وشاريه لبتج تنوره جاهزه من اي محل لطلعت بدلة بنتج تهبل


علشان جذي مااحب التفصال كل ساعه روحي وتعالي

كلا اشتري جاهز واذا شريت شي ويبيله تعديل المحل نفس يعدلونه او انا اوديه لخياط هندي

انا اذا دخلت محل يبيع ملابس جاهزه وشفت البياع مصري ماارتاحله

شلون بعد حريم مصريات قطيعه معروفين للنصب والاحتيال

 

[شيماء المطيري]

موصج لو انا منج اكلم صاحب المحل

المهم انج خذيتي النفنوف

:eh_s(16):خذيته ولمن رحت البيت وقسته على بنتي جدام وورا طويل والجوانب قصير ووديته خياط الفرع الهندي بدينارين عدله وركب له جيبون جديد وطلع حلو :ggdw:---تحياتي عزيزتي

 

[شيماء المطيري]

حبيبتي الله يعوض عليج بالفلوس
هالاشكال يتمادون لانهم يدرون حتى صاحب المحل مايهمه الا اللى يجيه من ورا هالمحل

:eh_s(2): صاجة أختي ما شفته الا مرة وحدة بالبروفة الاولى وقالي تصميمج حلو بنطبقه السنة الجاية بالعيد الوطني صك النفنوف عين واخترب----تحياتي عزيزتي