فصيلة دم بنتي شنو اهي ؟؟

[ام بنتها]

السلام عليكم شلونكم بنات انشالله بخير ؟:tek:

اليوم سويت حق بنوتي حبييبتي الله يحفظها تحليل فصيلة الدم عشان الحضانه
و طلعت نتيجة التحليل ان فصيلتها O+
انا فصيلة دمي A
وزوجي فصيلة دمه B-
يوم قتله قالي ان فصيلتها نادره قالي انها ما تاخذ من اي احد الا من فصيلتها و قليل الي عندهم خرعني صراح و دورت بقووقل ما بين شي بس طلع موضوع واحد كاتب ان الفصيله النادره اهي O-
ودي انكم تطمنوني عفيه ناطرتكم
ووضحلي اذا اهي من الي تاخذ او تعطي و شنو الي تاخذ منه ؟؟ يعني اي فئاات ؟؟
عفيه ناطرتكم موو ما تردوون
و انشالله اجابات طبيه اكيده

 

[pinky83]

حبيبتي سمالله عليها ليش بتعطونها دم يعني

 

[NoWay2know]

سؤال وبتأكد منه، فصيلة الاولاد مو زلام تطلع نفس الام او الاب؟


والاجابة على سؤالج دخلي جوجل وكتبي اسم الفصيلة ، او كتبي انواع فصائل الدم

 

[نووووونا]

هلا اختى اذا كانت oموجب عادى مو نادره

ال o سالب اهيااا ايللى نادره !!!!!!!

وان شاءالله ما كو الا العافيه ,,,,, حتى النادره كان اول الحين الطب تطور ,,,,,

 

[طير الحب]

انا فصيلتى او موجب ومو نادره وايد ناس اعرفهم او

ريلى اللى نادر او سالب

عادى لا تحاتين

 

[ام بنتها]

حمدلله حمدلله حمدلله صج طمنتوني
والله انشالله يحفظها لي من كل شر و يبلغني فيها و اشوفها عروس و اشوف عيالها و السامع يقوول آآآآآآآآآآمين
و اهي ما فيها شي حمدلله بس ريلي الله يهداه خرعني
حمدلله حمدلله الف حمدلله و انشالله ما كو الا العافيه يارب

 

[Q8stylle]

فصيلة الاولاد مو زلام تطلع نفس الام او الاب

 

[miss_avocado]

حبيبتي اهو لما قالج انها نادره و ماتاخذ من احد قصده ان فصيله oماتاخذ إلا من o واهي معطي عام (اسمها العلمي )
تعطي كل القصائل و ماتخذإلا من نفسها يعني إلي فصيلته A-B-AB بغض النظر عن عامل ريسوس يقدر ياخذ منها بس اهي لا لان المصل ماله فيه الجسم المضاد A-Bو مافيه اي مولد الصاق
اما بالنسبه لل+,- اللي اهو عامل ريسوس الشخص السلبي يقدر يستقبل دم موجب (فقط بالحالات القصوى) بس مره وحده بحياته من غير مايصير عنده مشاكل بس هالدم راح يسوي حساسيه من النوع الايجابي و اذا لاسمح الله نقل له دم ايجابي مره ثانيه الكريات الحمرا الللي بدمه راح تتحلل و طبعا هذا امر حيييل خطر


وبس
سوري اذا قرقت وااايد بس حاولت اوصلج الفكره بابسط صوره و اتمنى انج استفدتي واذا تبين شرح اطول انا حاضر و لاتخافين ترا المسأله حيييل عاديه و مافيها خطوره إلا بحالات الطوارى لاسمح الله و الله يخليلج بنتج و يعافيها يارب

بليز ادعيلي ان الله يحققلي اللي ببالي

 

[لؤلؤية]

O+

يسمونها الفصيلة (( الكريمة ))...وليست النادرة

والسبب انها تعطي (تتبرع) لكل الفصائل...لكنها ما تآآآخذ الا من نفس الفصيلة

انا فصيلتي O+ وولدي بعد...بس الغريبة انه بناتي كلهم مثل فصيلة ابوهم

 

[*دنــيـQ8 ــا الوله*]

انا فصيله دمي O+

 

[ضي الامل]

حبيبتي لا تتخرعين عادي بل عكس اصلا امي فصيلتها جذي عادي بالعكس تعطي الكل اهي

 

[ام بنتها]

مشكوريييين كلكم و الله يطمنكم انشاله لانكم صج طمنتوني
و مس افوكادو مشكووووووووووووووووووووره على شرحج و توضييحج وايد وايد وايد و عساا الله ينولج الي في بالج

بس سؤاال على عامل رسووس الايجابي عادي يستقبل اكثر من مرا
والسلبي اذا ماحصلوله عامل رسوس سلبي يعطونه ايجابي بس مرا وحده و اذا مرا ثانيه يصير خطر عالمريض ؟؟
جذي يعني ؟؟
و مشكوووووووووره وايد وايد وايد

 

[فيفي محمد]

انا فصيلتي مثل فصيلت بنتج بسم الله عليها
يعني الفصيله الكريمه نعطي كل حد وماناخذ الامن نفس فصيلتنا شفتي النحاسه هاهاي
والحمدلله مافيني الاالعافيه ليش مخترعه عادي هذي فصيله من الفصايل

 

[нάγoηά cнεмίsтяγ]

حبيبتي لا تحـاتين شي عـادي اللي قالج اياه لأنّ الدكـتور كان قصـده يوضح لج شنو هالفصيـله مو يخرعج
صح فصيلـه O+ تقدر تعطي كل الفصـايل بس إذا احتاجت دم ما تقدر تاخذ الا من نفس الفصيلـه O وهذا شي عادي مو مرضي و انشالله ما تحتاج بنيتـج انها تاخذ دم من أحد
هالفصيلـه زينـة اذا كانت موجب وبالعكس مو نادرة هاذي اكثر فصيلـه منتشره والنادره اهيـا السالب
آنا فصيلتي O+ و أبووي و اختي وأخوي بعد مافينا الا العافيـه

 

[dr_enshalla]

شرايج انه اكثر فصيلة منتشره اهيا O علما اعتقد 45%
واكيد ريلج BO وانتي AO فالبنت صارت OO بالتالي O
O+ ياخذ O+ او -
O- only from O- but can donate to anyone
AB+ يقدر ياخذ من الكل
A ياخذ من A او O
B ياخذ من B او O
+ يقدر ياخذ موجب او سالب ... السالب لازم بس سالب
بس الافضل انه كل واحد ياخذ من فصيلة مطابقة للدمه الا اذا ماكان متوفر يلجأوون لل O-
الريسوس ما تصير المشكله من اول مره بس مع التكرار يبدي الجسم يكون مضادات نوع معين اهيا اللي تدمر الخلايا الحمر وتسوي تكسر بالدم ... يعني خطورة الريسوس اقل من خطورة انه ABO يعني اذا فصيلة لي ثانية راح يصير على طول تفاعل

بس الريسوس خطر على الياهل اذا كان موجب و الام سالب

اللي اذكره من دراستي وهم توه تأكدت من سايت اكثر فصيلة دم نادرة هي AB-
بس مادري ليش الكل ماخذ فكره عن ال O انها نادره

وهذا لزيادة التأكيد The most common blood types are O Positive and A Positive, with an estimated 80 per cent of the Maltese population belonging to any one of them. AB Negative is the rarest blood type. هذا من موضوع عن الدم

 

[طالبه جامعيه]

عادي حبيبتي لا تخاافين

 

[ريمه الكويت]

لاعادي موخطره انا ب+ وزوجي بعدب+ وبنتي الكبيره او+ موخطره بس هالفصيله كريمه تعطي كل فصائل الدم بس اذا احتاجت دم لازم تاحذ من نفس فصيلتها بس