فضفضة عرايس ,. حلي مشكلتي و بـ احل مشكلتج ( حياكم )

[إيمــآن الكويت]

نوره الحذان بنت خالي سوت عندها موديل ناااااعم بس في حركه مخليته شوي فخم
شنووووو كانت روعه جنها اميره وكانت لون البدله مثل لون بدلت الليسا بكليبها

عيبها انها واااااايد وااايد تاخر وغير هذا تقولج تعالي اليوم بروفه
ولمه تيينها تقول ردي مافي بروفه تخيلي عادي اطنش
والله ما ابي اخرعج بس بنت خالي استلمت البدله قبل عرسها بيوم
وحالتها حاله


نوره صج صج شغلها روووووعه بس عيبها هالشي



وعلى طاري الاسنان هم انا مافيهم شي وصفه
بس زيادة الخير خيرين



والطاف سجلي عندها ترى زححححححححححححححمه عليها
نصيحه حجزي غرفه بفندق بس ليلة وحده طبعا وخلي تييلج
وعلى راحتج بالغرفه مكياج وشعر وتصوير احسن من الصالون
اريح واااايد اهدى


واذا ما لقيتي عند اللطاف عندج هنادي بو رحمه هم روووعه

 

[دآهية مطييير]

دااهيه أبي وحده تييلي الفندق تسويلي تسريحة فيديني عفيه
وياليت تكتبين لنا جدول تجهيزج وعنايتج انا متابعتج من زمااان

عرسي بشهر 9 متى أبلش تجهيز

اذا لقيتي وحده تسوي تسريحات لا تقصرين معاي انا والبنات :eh_s(15):

نصيحتي لج استغغغغلي هلا فبراير راح يكون خصومات عجيبه

وهم معرض العطور 27 / 3 تعرفين ان ارض المعارض عجيب ومغري

اقل شي لقطي لج منه المكياج حنان دشتي وغيرها

لمعات محددات وهيك

وهلا فبراير شوفي السيل وين واخذي اللي ماتروح موضته

مثل الجواتي بس مو بخبال يمكن ينزل شي جديد

و عندج البجايم والقمصان

والاكسسوارات

وخلصي دراريع البيت العاديه .. اخذي من البلوكات قطن خفيف وناعم مع الكلف

وسويهم دراريع ناعمه للبيت

يعني خلصي نص شغلج من الحين ترا والله اذا بسرعه بسرعه تتعبين

ومن الحين بلشي ليزر لا تقولين مبجر

وابدي خلطات لوجهج وجسمج وشعرج

واذا اسنانج فيهم شي بلشي عدليهم

ترا اهم شي بشرتج وابتسامتج .. الملابس تروح وتجي والسوق قريب

بس اهم شي نفسج

وبعد ؟!

ايه مري سرداب الشايع ترا حيل رخيص

ونصيحتي لج لا تاخذين اشياء لـ التسريحه اللي بغرفتج لا يقصون عليج ويقولون ترتبين ومدري شنو

اخذي اشياء معينه تحتاجينها حتى لا رتبتي اغراضج وبغيتي اهلج يودونها

مثل .. علبة الساعات .. وصففي كل ساعاتج فيها

و علبة الخواتم .. وحطي كل خواتمج فيها

واشتري علاقات للملابس بالكبت يكون لون واحد نفس شكل جناطج او صناديقج اللي بتحطين دزتج فيهم

واشتري جياس لـ الملابس يكون شكلهم ذرب وكلهم نفس اللون

واشتري ستاند للعطورات هذا مهم وحلو راح يكون منظر عطوراتج عليه

وبسسسسس

لاتشترين كبت اكسسوارات ومدري شنو

لان ماتدرين غرفتج شلون صايره وماتدرين التسريحه فيها مجال للي بتشترينه او لا

لاحقه علي الترتيب هذا كله بعدين .. الله يسلم ايكيا مو من بعده

واشتري طقم للحمام تكرمين اللي تحطين الشامبو واللوشنات وليفتج والصابونه فيه


هذي كلها اشياء تقدرين تخلصينها من الحين

الباجي خليه قبل العرس بـ 3 اشهر او شهرين لين تشوفين الموضه الجديده

والبضاعه الجديده




هذا حق الخواتم والساعات



وهذا حق العطورات




وهذا العلاقات




وهذا حق ترتيب الملابس الداخليه






بنات ترا في احححححححلى من اللي حطيت لكم هذا بس بوضح

وحاولي يكون شغلج اللي راح تدزينه لـ شقتج لون واحد وترتيب واحد

وفي بعد شغلات واجد ابالي مالقيتهم بالنت والمشكله جهازي مايدز بلوتوث عشان اصور من فوني

بنات في نفس البطول بس شكلهم كشخه كلها زجاج ويتسكر عدل هذا تصبين فيه كل خلطات الفرش

والشقه اللي تشترينهم وفي نفس ستايل البطل يجي للبخور تحطين العود فيه كلها فناتق وشغلات حلوه وذربه ويبيلها تكتيك علي روااقه مو بسرعه بسرعه

عشان جذي اقولج سوي شغلج مبجر ولقطي الاشياء اللي ماتروح موضتها وهم اللي مو غاليه

 

[دآهية مطييير]

نوره الحذان بنت خالي سوت عندها موديل ناااااعم بس في حركه مخليته شوي فخم
شنووووو كانت روعه جنها اميره وكانت لون البدله مثل لون بدلت الليسا بكليبها

عيبها انها واااااايد وااايد تاخر وغير هذا تقولج تعالي اليوم بروفه
ولمه تيينها تقول ردي مافي بروفه تخيلي عادي اطنش
والله ما ابي اخرعج بس بنت خالي استلمت البدله قبل عرسها بيوم
وحالتها حاله


نوره صج صج شغلها روووووعه بس عيبها هالشي



وعلى طاري الاسنان هم انا مافيهم شي وصفه
بس زيادة الخير خيرين



والطاف سجلي عندها ترى زححححححححححححححمه عليها
نصيحه حجزي غرفه بفندق بس ليلة وحده طبعا وخلي تييلج
وعلى راحتج بالغرفه مكياج وشعر وتصوير احسن من الصالون
اريح واااايد اهدى


واذا ما لقيتي عند اللطاف عندج هنادي بو رحمه هم روووعه

ألطاف الخلف يصير تجيني المكان اللي ابي ؟!

مو لازم انا اروحلها ؟!

انتي حجزتي عندها وين قلتي لها تسوين ؟!

اذا هيك يا راحه ما بعدها راحه

 

[حلآ الدنيآ]

هاي بنات شد انتباهي اسم الطاف الخلف < خخخخفي علينا ههههههههههه
اول مره اسمع عنها .. اسم صالونها جذي ع اسمها ولا ؟

 

[إيمــآن الكويت]

ألطاف الخلف يصير تجيني المكان اللي ابي ؟!

مو لازم انا اروحلها ؟!

انتي حجزتي عندها وين قلتي لها تسوين ؟!

اذا هيك يا راحه ما بعدها راحه

انا بعد فتره بسوي بروفة مكياج عندها
اهي يا تيينها فبيتها او تييلج بفندق
ما تروح بيوت

بس زحمه ما شاء الله انا بتحطلي تالي بتروح حق عروس ثانيه
على الساعه 1 ونص بس شسوي اهم شي المكياج وبعدين ساعه على التسريحه
وتالي ابدل واصور مع اخواني واختي وامي وابوي :eh_s(22):

 

[إيمــآن الكويت]

ايي صج الفندق للحين ما حجزت بس يقرب العرس
بحجز يمكن نوفمبك او ريجينسي
واذا لقيت مالت شعر حلوه للعروس ابلغج

متى عرسج ان شاء الله ؟

 

[دآهية مطييير]

ايي صج الفندق للحين ما حجزت بس يقرب العرس
بحجز يمكن نوفمبك او ريجينسي
واذا لقيت مالت شعر حلوه للعروس ابلغج

متى عرسج ان شاء الله ؟

اخر 5 بـ اذن الله

بجم مكياجها تسويه

 

[إيمــآن الكويت]

٣٠٠ اتسوي
مابي احطمج بس هم انا اخر خمسه ويالا لقيت
دققققي باجر ضروري عليها

 

[مذهلة2013]

بنات بجم تحط الطاف الخلف الميك اب ؟
منو مجرب عندها ؟ مفكره احط عندها

 

[المزيونه 1]

مشكوووره وماقصرتي داهيه
انا جهزت هالشغلات لاني طالبه ماعندي وقت ابي افتك وبتفرغ لنفسي اهتمام ودراسة

كتبي لنا بالضبط جم يبيلنا اطقم وبجايم العدد
وجدول خلطات اهم شي انا متعوده على خلطااتج

 

[Miss Eteket]

الله يتمم لكم على خييير ، استمتعو بليلتكم ولا تبخلون على نفسكم ب ششي صدقوني هالليله لهاا طعم غيرر ..~

موفقين ..~

 

[آليشآآ]

موضوع روعه محتاجته ♥

 

[جسرر المحبه]

السلام عليكم
انا عروسه ان شاءالله بشهر 8ضيفوني معكم ^_*


اللي ماتقدر تسوي ليزر بالعياده تسويه بالبيت انا جالسه اسويه الحين مره حلوو

 

[دلوعة ماماتي 88]

انا بعد معاكم عروس اخر شهر ٥ ان شاءالله



بناات طالعه لي كرووشه وودي اشييييييلها بس شلوووووون اهئ اهئ سااعدووني رياضه البطن مافادتني ومابي اشرب اعشاب معدتي ماتتحمل





وبالتوفيق ان شاءالله عراايس

 

[عذبـة الاطبآع]

حبي داهيه انااااااا بحجزززز بعد بشهر خمسه عند الطاف بس بنص خمسسسسسسسسه

يمه للحين ماحجزت لايكووووووووون فل عندها بعد والله ابجي : (

ويييع الصالونات كله تهوووووويل وعلى التسريحه ماعليه لو تصير لوويه اهم شيء الميك اب يضبط

 

[عذبـة الاطبآع]

بناات احس قرب عرسي واهو على شهر 5


يممه رعب ماادري للحين ما بلشت تجهييز والوالده الله يسلمها مو راضيه اجهز الحين

تقوول توناس يممه ببجي

ووالسااعات مفكره اخذ رولكس حق ليلة عرسي

ووالجناط مافي على مايكل كورس

بالافنيووو

وان شاءالله بس اخلص اختبارات راح اروح اجهز بروحي : (

لان الوالده الله يسلمكم لاهيه بالبررر ههههههه

وكل ما اقولها امشي نجهز !

تقول الحين موسم شتوي توناس كله منزلين شتوي : (


ببببببببببجي احس ماا يمدي اجهز شهرررر ونص لاااانه هي ناويه من شهر 3 جهزنيييييي

 

[ام غازي 2012]

شفيج خايفه
احلي شي جهزي علي شهر فبراير وتنزيلات وعروضات

 

[مس جلاميروس]

عذبة الطباع حاولي تستغلي الوقت وترتبي افكارك وتعملي سيرش بالنت تشوفي ايش الجديد وايش انتي تبين غير المعروض بالسوق
يعني اعملي خطة ترى التجهيز مو بس خرجه للسوق وتثضى ،، لا لازم تكوني مركزه على احتياجاتك واللي نفسك فيه
والله انا باول الخطوبه كنت اكتب في نوت اللي ابيه ،، ولاحظت بعد كم شهر كيف القوائم جالسه تتغير ،، اشياء تنظاف واشياء تنحذف خصووووووصا المكياج
والملابس الكاجول
لان فعلا الموضه تتغير
فصحيح كلام امك ،، بس بعد مو صحيح برودها الزايد ،، انا بعد اهلي نفس الشي وزياده فاحسن شي انك تصيرين زيي وتعتمدين على نفسك بس لا تهملين نصايح الغير
استغلي الوقت وابدئي اشتغلي على جسمك وشعرك ترى لااااازم وقت كفايه علشان يبين انك عروس ومهتمه بحالك
واعملي سيرش حتى اقعدي مع نفسك وفكري ااتي وش نفسك فيه
مثلا وش تبين ستايلك يكون في البيت
كيف تبين ستايلك عند اهل زوجك
وش الطله اللي تبينها ليلة العرس ،،
تخيلي فستانك واعرفي اي ستايل انتي فعلا تحلمين فيه
صراحه الفساتين الجميله كثييييييييير ،،، لكن المهم انك تحققي حلمك وشلون بتحققيه اذا ما عرفتيه زين
هذا ينطبق على كلللللل شي بجهاز العروس
والله هالشهر بس جلست اكتب قوائم الطلبات وحده للمكياج ووحده للعنايه الشخصيه ، مستلزمات الشعر و اللبس الكاجول والبيت والرسمي والسهرات واللانجري والذهب والاكسسوار ،،،،،، الخ الخ الخ
والله انفجر راسي من كثر التفاصيل جلست ثلاث ايم اكتب وعلى بالي 7 ولا 8 صفحات
تخيلو قلت لاختي تطبعها ،، طلعت 20 صفحه lol
بس اني كتبت تفاصيل كل شي من الالف الى الياء
مهما كان الشي صغير اكتبي والله هالشي لحاله اخذمني وقت مو علشان الكتابه بس لا ،، علشان اعرف ايش احتياجي بالاساس
تخيلي كنت محتااااره باللبس مو عارفه كم الناس ياخذون
كل احد يعطي رقم ،، ناس تقول كثري وناس لا تكثريين
الحقيقه جلست مع نفسي وفكرت شكبر عيلته وشكبر عائلتي منو بيعزمنا وشقد بطلع عندهم ،، وفكرت متى بالعاده بيشوفوني باي وقت ، صبح ولا مسا لان اللبس يفرق ،، وطبعا كل وحده تقيس حسب وضعها
وبالخير توصلت لاني احتاج ملابس صباح للبيت وملابس كاجول للطلعات العائليه لان بالعاده بروح بيت اهله على الغدى فلازملي لبس سبور كشخه وهادي وعملي بالوان حلوه وملفته
وبعدها احتاج بدلات سهرة 4 تقريبا لان اكيد عماته بيعزموني على العشا ببيوتهم وما يحتاج فساتين سهرات لان ما بروح اعراس كثير بالبدايه ،، راح اشتري واحد بس احتياط وناعم مابصرف فيه كثير

شفتي اشلون والله والله بس علشان اعرف ايش ابي استغرق مني ساااااااعااااااات وليالي وانا افر بالنت اشوف ايش اللي يناسبني
لكن الحمد لله الان عندي تصور وعارفه حتي شكل بدلتي شلون ابيها ،، واحس من داخلي اني مرتاحه ومطمنه لان عندي قائمه مرتبه باي وقت اروح السوق اخلصها بيوم واحد
اهم شي رتبي افكارك بيهدى ويرتاح بالك
انتي الان استغلي الوقت اعطي نفسك شهر واحد ترتيب وابدئي عنايتك بجسمك ترى الباقي كله سهل لا تحاتين
ونصيحه بالتخفيضات خذي معاك جدول الطلبات ما يفارق شنطتك علشان ما تغريك العروض وتقطين فلوسك على اشياء ما تبينها

والله يوفقك ويسهل امرك ياااارب

 

[عذبـة الاطبآع]

^ اي حاولت اسوي نفسج بس حسيت اني متشتته وانا مو مخلصه الذهب ع الاقل

لاني هم عندج ميزانيه المفروض تمشين عليها

لاتلوموني بنات والله احس خاااااايفه ورعب هاليوووم مادري ليش

مابي يقرب هاليوم ودي كل شوي ياجلونه ههههههههه

 

[جسرر المحبه]

وانا بعد وربي موووووووت خايفه وباقي عن زواجي 4 اشهر
ولسى ماجهزة ولاشي مادري كيف ابدا

وسالفة الخلطات باديه فيها م زمان بس الركب والاكواع مشكله عندي وبقوه