فضفضة عرايس ,. حلي مشكلتي و بـ احل مشكلتج ( حياكم )

[دلوعة ماماتي 88]

جسر المحبه وعذبة الاطباع

لا تحاتون سهالات ان شاءالله بس حاولي حالياً تجهزون ع الاقل ملابس الشقه وشهر ٢ استغلوو العروض وشهر ٣ خلصوو سوالف التفصيل وتوابعه
انا حالياً خلصت ملابس الحمدلله بس باقي لي قميص اول ليله
وبديت اخذ جناط وساعات وهالسوالف


ولا تطوفوون هارفي نيكلز مسوي سيل ~>> اخذت بدلتين نعومين يصلحون لاستقبال وجنطه بعد
بس لحقوو لان المقاسات الصغيره بتخلص





تصدقوون للحين ماحس اني عرووس كلللش

 

[دآهية مطييير]

هلا وغلا فيكم كلكم

ارحبووووووووووووو ي احححححلى عراااايس

نورتووووني

وشرفتوني

و شهر السعد يا شهر 5 اللي جمعنا هني وبـ هالموضوع

بس شكلي بزعل

في جم بنت حق تخريع

خرعتوني كلكم خايفين بقولكم تجهيزي حبه بـ حبه

 

[دآهية مطييير]

أول شي

والله العظيم جابو لي المهر وخليته نايم بـ البنك مدري عن هوا دااااااره

اللهم سحبت 300 .. ورحت البلوكات وخذيت الخام اللي عجبني وكل قطعه معاها كلفها

وسويت دراريع البيت العاديه اللي انزلهم فيها ظهر وعصر

حلوين ؟!

وبعدين انا مريحه راسي ع الاخر مو محاتيه شي

لاني حاطه ابالي ماااااااااااراااااااااااااح اشتري شي

معتبره نفسي وحده مسافر اسبوعين فققققط ..

ماراح اجهز شي اوفر !!!!!

مفكره ابدا تجهيز على شهر 2 فبراير يكون عروض وتنزيلات

وقبل يومين طقيت فره بالافنيو .. ولقيت تنزيلات اوووووووفر

يعني بديات شيفون وحركات تهبل علي دينارين و 3 دنانير عقب ماكانو 10 و 15

خذيت شكثثثثثثثثر يهبلون ورخاااص حيل .. هذول للشقه علي قولتهم

تخيلو بيوم واحد وماكنت رايحه بجهز هيك فريت .. وخلصت لبس الشقه اللي هو بس بديات

بالنسبه للعطور ( مو مفكككككككره اشتري كلش ) الا بـ معرض ارض المعارض 27 / 3

بس مريت الجزيره لانه اساساً ما ينزل ارض المعارض فـ خذيت اللي ابي منه

مريت نيو لوك شريت لي 4 جواتي تكرمون من كل لون موديل خذيت

يعني خففت شوي من تجهيزي

الليزر بـ ابداا فيه ع الاسبوع الجاي وطبعا مايمدي اخلص جلساتي قبل العرس

فـ عادي جداً اكملها بعد العرس ماراح اهاجر ولا راح اهمل نفسي ولا في شي بيطير

وبالنسبه لنفسي .. مبلشه خلطات من مده ..

طبعاً رحت مجمع الثريا والصالحيه .. شريت من الثريا جنطتين .. ومن الصالحيه جنطتين ..

بناااااااااااااااااااااات

ارد واعيد واقول

اشتري شي محدوووووووووووووود والله مافي احد يحب الكشخه كثري

بس اشتري القليل اللي فيه سعره وماركات

لاتكثرون خلاجين الدنيا مو طايره ..

طبعاً اكتفيت بـ 4 جناط

وعزلت بـ ظرف ( 200 دينار ) للمكياج ..

وعزلت ( 300 ) للقمصان والبجايم .. بـ استثناء سعر قميص اول ليله ..

وعزلت ( 1000 ) لـ الساعات ..

وعزلت ( 500 ) للعطور ..

وشريت مجموعتين من باث اند بدي .. وخذيت مجموعتين من بودي شوب .. واكتفيت

وخذيت من بودي شوب الزيت العطري مال الفواحه ( لافندر ) اثنين


طبعاً في بنات يقولون الاسعار اللي حطيتيها بالظرف شويه

ادري شويه وانا قاصده احط اظرف عشان انحد واشتري بالسعر اللي موجود وبسسسسس

اذا شريت ع البركه بيصير لعب وابشتري اللي اشوفه كله ماراح يصير تجهيزي بالمعقول والمفيد ..

صدقوووووووني بنات ..

المكياج اشتري الضروريات بسسسس . وبلا تفلسف

لان اغلب البنات اغلب المكياج اللي يشترونه بتجهيزهم عمرهم ماشروه بحياتهم العاديه

قبل التجهيز

بس نظام بشتري الجديد واللي هابين فيه الناس وبس ..

لاااااااااااااااا .. اشتري كريم الاساس والبودره والماسكرا هذا الاصلي والماركه والغالي

وبعدها روحي سرداب الشايع

اخذي علبة شدو كامله

واخذي المحددات اللي تعجبج

واخذي الحمر الالوانه الاساسيه والالوان الهاديه اللي تصلح حق الصبح

واخذي لمعاتج اللي انتي متعوده عليهم .. من سيفورا / فورايفر / ماك

اي مكان تفضلينه ..

لا تخمون وبس ترا والله جذي تدودهون .. وبعدين بتخلص الفلوس وتوهقين ويتعكر مزاجج

وتحسين كل شي ناقصج

بالعكس اشترو من كل شي شووووويه .. وخلي يبقى من فلوسج .. واخر شي اذا خلصتي كل

شي وشفتي في شي بنفسج عادي روحي اشتريه بس اخخخخخخخخخخخر شي




هذا التجهيز وتكلمنا عنه

 

[دآهية مطييير]

ألحين بتكلم عن اول ليله ..

هذا اوووول تجهيزكم

خلصو المهم اللي تبينه بـ اول ليله من

( بدلتج / مكياجج / مسكتج / طقمج / ساعتج / جوتيج / قميصج )

بالنسبه لـ شكلج

بنات انصحكم نصيحة اخت

لااااااااااااا تقولون هالشي شفته علي فلانه حلو

ولا فلانه جربته .. ولا عجبني علي فلانه لااااااااا ..

انسي الناس وانسي كل شي

وشوفي ستايلج وشنو تحبين ؟!

مكياجج مالج شغل بالناس حطي اللي انتي تحبينه

تسريحتج مالج شغل بـ فلان وعلان

صدقيني اذا انتي اقتنعتي باللي لابسته وحاطته بتكون راااااااااااااااااحه مو طبيعه

وبتحسين انج احلى وحده ..

وبهاليله تحديداً

لا تبخلين علي نفسج بشي

احلى ساعه اشتريها

اغلى موديل فصليه .. اجريه .. اشتريه

اي شي طاري علي بالج وتحسينه مناسبج وحلو سويه مالج شغل بـ احد

والصالون فري عليه مره وثنين وثلاثه لين تقتنعين واذا ما اقتنعتي سوي بروفه مو مشكله

بس عشان ترتاحين بـ هالليله وتحطين راسج علي كرسي الخبيره وانتي تضحكين



خلصنا من اول ليله

 

[دآهية مطييير]

الحين بنتكلم عن برنامج العروس

أي صالون ناويه .. ؟!
وشنو بالضبط برنامجج ..؟!
وجم سعره ..؟!

وهل هو برنامج مكثف قبل العرس بـ ايام .. او قبله بـ شهر ..!


حالياً المدح اغلبه .. لـ صالون الشرقيه .. هيربل سبا .. جاك ديسانج


بس للحين ما ادري شنو البرنامج بالضبط ؟!

وجم سعره ؟!

وجم مدته ؟!

ياليت اللي تعرف تقولنا .. واللي جربت تقولنا ..

وانا ماراح ابخل عليكم بـ اي معلومه

 

[ادمنتك]

اللي سالت عن قميص اول ليله عندج القااسم حيل حلووو وفي محل بالسرداب بالفنار حق قمصاان وبجايم يهبل صح غالي بس عادي عروس بتاخذين قميص غالي او 2 وبجامه حرير غاليه

 

[يـاكـرهـي $:]

ماشاء الله الله يهنيج ج ج ياداهيه ويوفقج ..


بما ان غرامي الجناط والساعات .. شنهي ماركات جناطج اللي خذيتيها .. وبحددود جم ,,

 

[ادمنتك]

داهيه يعطيج العااافيه ع المعلومااات بس المكياج 200 ماتكفي وانتي بكيفج
يعني تبين حمر غاليه سلوران وديور واستي لودر وشانيل لااازم احس ماركه طلعتي الحمره بتحمرين قدام احد شي ماشيات الا ماركه صحيح تفكير مادي بس احسن من اني اطلع حمره من بو هنووود وكذلك البلشر اخذت من جفنشي حححيل حلو وبربريز خياس مادري ليش يمدحونه والشدو تبين علبتين ماركه ديور لانكوم والباقي سنتر و من بوهنود
وبروح لسرداب الشايع اخذ منه حمر بعد ومحددات واقلام زوود وجم لمعه < غرامي ههههههه
المكياج صرفت 500 وانا ماخلصت كم شي بس

 

[ادمنتك]

اي صح ببالي هالسؤال لاني اخذت وحدا من الصالحيه ب 700 وابي ثانيه بنفس السعر وثالثه عمليه ب 200 جي يعني

 

[دآهية مطييير]

ماشاء الله الله يهنيج ج ج ياداهيه ويوفقج ..


بما ان غرامي الجناط والساعات .. شنهي ماركات جناطج اللي خذيتيها .. وبحددود جم ,,

خذيت مايكل كورس اخر كولكشن تايقر بـ ذهبي تجنن .. 218 دينار

وخذيت ثانيه مايكل كورس ذربه وعمليه بـ 133

وخذيت وحده ماركة ألفيرو مع الجوتي تكرمين اخر كوليشكن غريبه وذربه مع الجوتي مالها

بـ 300 دينار

وخذيت شانيل بـ 900 وشي .. بس ذررربه و رزه حيييل

وخذيت جنطه نسيت اسم الماركه اهي عمليه وكبيره ولونها يجنن عنابي بـ 48 دينار

واخر مره شريت من زارا جنطه عجبتني بـ 25

وخلاااااص وقفت جناط لان امي بتذبحني

طبعاً كلهم اسعارهم معقوله .. بس خذيت وحده رزه و غاليه وماركه معروفه

حق اول الايام وحق ليلة العرس .. والباجي حاولت اخذ اقل سعر ..

 

[دآهية مطييير]

داهيه يعطيج العااافيه ع المعلومااات بس المكياج 200 ماتكفي وانتي بكيفج
يعني تبين حمر غاليه سلوران وديور واستي لودر وشانيل لااازم احس ماركه طلعتي الحمره بتحمرين قدام احد شي ماشيات الا ماركه صحيح تفكير مادي بس احسن من اني اطلع حمره من بو هنووود وكذلك البلشر اخذت من جفنشي حححيل حلو وبربريز خياس مادري ليش يمدحونه والشدو تبين علبتين ماركه ديور لانكوم والباقي سنتر و من بوهنود
وبروح لسرداب الشايع اخذ منه حمر بعد ومحددات واقلام زوود وجم لمعه < غرامي ههههههه
المكياج صرفت 500 وانا ماخلصت كم شي بس

أنا من البدايه قلت مالج شغل بالناس ولا تفكرين بسوالف الهياط لان المهر خاصه محدود حيل

وبتجهيز شي من إلى ..

المكياج استثنيت لج الكريم و المسكرا ومايمنع تشترين حمره من كذا ماركه واللمعات..

ومو كل حمره ماركه حلوه

واغلب مكياج الحريم هنود اهم شي لون حلوه .. وعاجبني وغريب

بس انا اقول اشترو بحدوووود

وبعد العرس بتروحين السوق ماراح يطير واشتري احلى الماركات ودلعي نفسج

انا قبل التجهيز كنت علي اعانتي

اشتري حمر الماركات والعب وكل شهر شغله شي ومرات اجمع اعانتين واطر زياده عليهم

واشتري جنطه ماركه او ساعه

فـ ما بالج بعد العرس ورجال يصرف عليج

اكيد بتشترين احلى اللبس واحلى الماركات

بس بما اني اتكلم عن المهر

لا والله بتكلم بالمعقول

المهر بيومين يطير

وبدخله وحده للسوق يطير

فـ امسكي ايدج من البدايه وقسمي شغلج

واذا زاد فلوس وخلصتي كل شغلج

روحي اشتري اي شي ابالج

هذي نصيحه .. وصدقيني الشي اللي اكتبه هني هو اللي انا مطبقته علي نفسي

ترا انا افلس قبل العيد بـ اسبوع تجيني اززززمه

فـ مابالج وانتي عروس وتقعدين ع الحديده وتكتشفين ان في اشياء مهمه نسيتيها

بالعكس اشتري بالمعقول وبحدووود حيل .. وبعدها بتشوفين انج مخلصه كل شغلج

وزايده معاج فلوس

بعدها اشتري اشياء اضافيه

 

[يـاكـرهـي $:]

ماشاءء الله عليج تقطعينهم بالعافيه ,,

بنات اهم شي عنايه واهتمام بالجسم م م مو خساره والله // من ليزر و تنحيف ..الخ ,,

والله يوفقكم م م م جميعاا "

 

[3aly mstway]

قوووووووووووووه


بنات اللي تقدر تجهز من سعوديه .... اقدر افيدها حيييييييييييييييييييل


والمكياج اعرف محلات فيها مكياج و العطور ماركه و تنباع رخيصه


الله يوفقكم >>> انا عروس لي ست شهور

 

[ادمنتك]

جاابج الله هع
انا ابي اخذ ساعة العرس من الشرقيه ابي كارتير الجديده اذا تعرفينها وابي احسن محلات العبي
لان شارع سويكت شطوله ابي احسن شي واللي مو مكرر اللبس عنده

 

[الكلثوم]

تو اكتشف موضوعكم
داهيه انتي تحفففففه تهبلين الله يوفقج بكل خطوة بحياتج
ابي حل مضموووووون للركب والبقع الغامجه بالجسم غير الخلطات
ابي بعيادة جلدية شنو اضمن شي ؟!!
مو مهم بكم

عالي مستواي
جزاج الله خير
ابي بدلة العرس البيضا واطقم الالماس وين احسن محلاتهم بالشرقية

 

[مذهلة2013]

بديت الحمدلله اهتم بويهي بس مشكلتي شعري برررررررررررد ماتخيل احط زيت او شيء برد

شسوي :\

 

[الكلثوم]

عاد احلا شي بالبرد الزيت يدفي
بالليل احط زيت زيتون مع زيت ورد الكمية الي تكفيني في فنجال فوق الدفاية بس يدفي شوي ادهن في شعري وجسمي كلله
يدفيني وينومي اذا فيني ارق ولي قعدت ع الظهر اتسبح يكون دفى مو برد
سويها كل ويك اند ما يتعب الزيت

 

[مذهلة2013]

صج ان شاءالله عيل ناوية

مشكورة حبيبتي

 

[البنت الجميله]

قوووووووووووووه


بنات اللي تقدر تجهز من سعوديه .... اقدر افيدها حيييييييييييييييييييل


والمكياج اعرف محلات فيها مكياج و العطور ماركه و تنباع رخيصه


الله يوفقكم >>> انا عروس لي ست شهور

أنا من. السعوديه قولي. يمكن استفيد اذا ماعايك. امر

 

[همآليل]

البرد .. خلاني متبللللللده :"(