فضفضه لا أكثـر

[Al Ain Queen]

السلامـ عليكم

شخباركم بنـأت ؟؟
عساكمـ مرتـأأحين

اسمحولي انا مضـأأيجه وابي أكتـب :eh_s(2):


انـاا تخرجتـ من الكليه سنة 2010 كنت اعرف وايد صديقات بس مب كلوز وايد
مجرد ضحك وونـأأسه وسوالف بس كنا قراب وايد لكـن انا ما كنت اخبرهم اسراري او
اي شي
صح اني كنت عفويه اقول اللي في خـاطري بس مب لدرجه انيي اكشف جروحي او اتكلم عن حياتي
كانت لي صديقه واكثر من اخت بعد هي الوحيده اللي كنت اقعد معاها بالساعات تساعدني واساعدها
هي الانسـأنه اللي خلتني اتغير وعاونتني وكـأنت توقف معاي في الشين قبـل الزين
ابدا ما كـانت تخليني
عقب الدراسه هي تزوجت وتدرون البنـت من تتزوج تلتهي مع زوجها
بعدنا صديقـأت بس مب مـثل اول :eh_s(11):

من بعد الدراسه صديقاتي ابتعدو عني شوي شوي كنت احاول اتواصل معاهم
بس كنت احصـلهم بعيد عني
اقول في خـأطري اكيد ظروف الحيـأه كل واحد لاهي
اللي تدور وظيفه واللي تبي تكمل واللي انشغلت

انا الحمدالله توظفت بس وظيفتي قـطاع خـأاص صح متعبه بس الواحد يقول الحمدالله
قبـل فتره قالولي وحده من ربيعـأتج بتتزوج واليوم يوم ملجتهـأأ وانتي ليش ما حضرتي

والله انصدمت انها ما عزمتني *_* باركت لها
وبعد فتره طرشت لي مسج قالت لي انا ما عزمتج لاني عمري ما اعتبرتج ربيعتي وانا اعرف كيف اختار صديقاتي وانتي مب وحده منهم

مادري ليش جي كتبت لي ابدا ما صار بيني وبينها شي
كنا اوكي مع بعض وكنت ازورها وكنا ندرس مع بعض بعديــن اكتشفت انها صادقتني عشان اساعدها في الدراسه والبروجكـتات بحكم اني شـأطره والحمدالله
ربي يـسامحها

بـنـأأت انا مضـأأيجه لان مرت الايـأم والايـأم ومـأصار عندي صديقـأت ولا وحده من صديقاتي تذكرني
ولا وحده تسـأل عني

حتى بنـأت خالي وبنـأت خالتي اللي كنـأ دوم مع بعض ما قامو يردون علي ولا يسـألون عني
ولا اي على بـألهم

اكلمهم ع البـلأاك بيري احيـانا يردون واحيـأنا يشوفون وطاف
احس انيي صرت وحيده
ارجع من الدوام الساعه 8:30 في الليل اقعد اكتب في يومياتي
احس انه مالي حد
احيـأنا ابي اكلم حد وابي اطلع مع ربيعاتي ابي حد ينصحني ابي حد يضحك معاي
يوم اكون مضايجه ابي اقول حق حد ابي حد يسـأعدني

ماعندي

عندي خواتي صح بس كل وحده لاهيه
بنـأت خالي دوم ايون عند اختي بس اصغر مني بوايد
انا عمري 24 سنه وهم 15 او 16

ايون عندي عشان اساعدهم وعشان اطلعهم
صح انيي استانس وياهم واغير جو
بس ابي حد من قدي ابي حد يسال عني


احيانا اروح لربيعتي بس هي تكمل دراستها في الجامعه وعندها حياتها
و كل اجازه او ويكند تروح بوظبي او دبي يعني ما تكون فاضيه لي

والله احيانا احس بالملل

احاول اونس عمري
اقعد اصور ولا اقعد اكتب خواطر ولا اطالع تي في

اروح عند امي ارمسها شوي ولا اللعب مع اخوي الصغير

بس بنفس الوقت احتـأأج صديقه

انا ادري كلامي ملخبط فوق تحت ومب مفهوم بس شويه فضفضه

اسمحولي *_* لان ماعندي حد اكلمه

 

[طموح لايتوقف]

حبيبتي هذا حال الدنيا
هذه هي صداقة الجامعة نكون قراب من بعض ولما نتخرج خلاص تقل الأتصالات وبعدين تنقطع هذا إلا من رحم ربي وعادة صداقة االجامعة مصالح، مرت علي نفس االشاكلة بس ولايهمك راح تحصلي على اللي يقدر صداقتك المهم أحترامك عن ذاتك لايقل

 

[granted]

نفسي ٢٠١٠ تخرجت ورفيجاتي منهم طنشوني وبعظهم طنشتهم انا لووول بس ارقامهم عندي وزينين اهما والله بس خبرج الدنيا تلاهي
انتي حبيبتي لابغيتي تفضفضين حياج هني احنا نسمعج ونحس اببعض وايد
الله يرزقج بالزوج الصالح الي يسعدج يارب وبنات المسلمين
عاد هالقسم بعض البنات لو طلعت حبه بجتفها اليمين يت اتقولها هني
لووول عادي حبيبتي تعالي فضفضي فديتج

 

[لمى الهاجري]

حتى انا ماعندي رفيجات خليها على الله واذا تبيني اكون رفيجتج اتشرف

 

[amal ksa]

سجلي بتحفيظ القران او بنادي او تتعلمين اي لغه او اي شي تحبينه سويه
اطلعي مع امك مناسبات دايم
وحلو عندك اختك صغيره وبنات خالتك خليكي معهم
وبنسبه لصديقاتك انسيهم اللي باعك بيعه ودنيا قدامك ان شاءالله بتتعرفين على غيرهم وتعودي لاتتعلقين بالناس كثير عشان ماتتاثرين اذا افترقتو اشوف حياتك عادي مثل اغلبنا بس اهم شيء لاتضيقين صدرك تحياتي لك وكلنا هنا ان شاءالله صديقاتك

 

[Lost]

كثرة بنات = كثرة وجع راس