فطريات الشعر !!

[Eva-SS]

السلام عليكم

انا اخذ كورس ميزوثيربي حق شعري .. لانه شعري شوي خفيف

اليوم كان عندي موعد والدكتوره تغزني الابرة جان تقولي طالعه فيج فطريات بشعرج خذي بالج .. من شنو هذي @@ تقولي من الصالونات انا ماستشور شعري ولا اروح صالون الا بالمناسبات وماكو مثل عنايتي بشعري ونظافتي ..

دورت بالنت عن الفطريات بالشعر وصراحة خفت من اللي قريته .. بنات منو كان فيها وتعالجت منه لانه قريت بالنت انه ممكن يسبب بقع تساقط مالها علاج :eh_s(2):

وهل فيه تحاليل ولا ممكن ياخذون عينة من الشعر ويفحصونها ؟

 

[.،:"$الـعـوبــــة$":،.]

شلون يعني فطريات بالشعر ؟؟

باي عياده مسويه الكورس !

اخاف الابر مو نظيفه !!؟ ماسالتي الدكتور عشان يعطيك حل احسن لك ،،

عاد اهم شي فروة الراس !!

ديري بالك ،،

اكيد له علاج ياليت تسالينه وتعطينا خبر ،،

 

[KOKO_284I]

ما عندي فكره جان زين البنات يفيدونا

 

[Eva-SS]

بنات كان عندي موعد اليوم عند الدكتوره .. اهي عطتني شامبو بس حسيت تحسست منه

وصراحة الدكتوره مابردت قلبي انا مخترعه وهي تقولي عادي الفطريات اغلب الناس فيها مو لازم تتعالج !! وانتي حيل خفيفة عندج

تقولي يمكن من صالون عاد انا ماروح صوالين الا بالمناسبات وكلش ماستخدم استشوار شعري حيل ناعم وماكو مثل عنايتي ونظافتي بس تقول ماله شغل النظافة

مادري صراحة هالدكتوره دايخه .. بروح جلدية الحكومة اشوف شنو يقولون

العوبه والله مادري عنها انا قبل ماخذ كورس الميزو ثيربي شعري صحي بس من زود اللقافة قلت بجربهم عندها بس الابر اللي تستخدمهم جديدة تفتحها جدامي وبعد ماتخلص تقطها مو مستخدمه من قبل والعيادة مو بوطقه

 

[بـربـوشـآ]

روحي جلديـه أحسسسن ..

 

[.،:"$الـعـوبــــة$":،.]

حبيبتي ماااااعليك منها ،،

سوي بحث بقوقل عن فطريات الشعر وانصدمي !!!

حتى لو كنتي تهتمين بنفسك ونظافتك ومتاكده من نظافة العياده ماتضمنين المواد اللي فيها !

ولو ضمنتي ،، يمكن تكونين تحسسين من بعض المواد اللي بالابر نفسها ،،

المهم لاتسكتين عن نفسك صدقيني ،،

وانصحك بمركز اسعد الحمد ،، اللي عند مستشفى الصباح ،،

اذا كلامها صح زين على زين ،

بس فرضا ماتدري وين الله قاطها وتنتشر الفطريات !

وموفقه حبيبتي ،، بس ترا انا نوعيتي خوافه وموسوسه حبتين ،،​

 

[asmaa88salah]

بسيطه حبيبتى اسنخدمى شامبو نيزورال 3 مرات بالاسبوع وخدى حبوب فلوكازول حبه يومين بالاسبوع وكرريه بعد اسبوع

 

[شندوخه]

حبيبتي الفطريات شي عادي ونصيحتي لج اذا رحتي صالون لاي سبب لاتخلينهم يمشطون شعرج بمشوطهم وبروشاتهم اخذي عدتج معاج
وبالنسبه للفطريات والله احسن شي لها الخل الابيض
اخذيلج لتر ماي البطل الكبير وحطي فيه اقل من الربع بطل خل ابيض
والله سحر سحر سحر راح تشوفين شلون الحكه تروح وشعرج يصير فيه لمعععععه والشعره حتى التقصف يروح منها والله ما ابالغ جربي وشوفي عالاقل شي طبيعي .. وهالوصفه علمتني عليها دكتوره جلديه لم كنت بامريكا

 

[Eva-SS]

يعطيج العافية شندوخه بجرب طريقتج