فطور رمضان 2012 بالصور

[BraZiLeya]

مشاءالله تيين المسقعه بالبشمييل ابي طريقتهااااا بليييز

 

[Mjnont '3lay]

مساكم الله بالخير يا بنات شلونكم مع اواخر رمضان عساكم ماقصرتو بالتسبيح والتروايح وختم القران
يابنات متضااايقه كانت بنيتي انه ما يخلص الشهر الا وانا خاتمه القران لكني ماختمته كله

وصارلي فتره مامريت عليكم لكم وحشه كلكم


نارنجه
همبوش
جارونه
ريمه
ننا
تمره
ام حسون
ايمانو الحلوه
نهى الاحمد
حلوه و مملوحة الكويت
بنت الكويت


الله يتقبل منكم صيامكم وعباداتكم ويبارك لكم بحياتكم وعساكم من عايدينه بالخير والصحه وراحة البال

وكل عام وانتو بالف خير


وعساني مانسيت اي احد السموحه ترى بس هذول النكات اللي راكزه بمخي حاليا
والله يتقبل من الجميع
واكيد رح اشتاق لفناتكم بس ان ربي احيانا لنا لقاء مع بعض باذن الله رمضان الجاي
وعساكم من عواده فديتـــــكم :*



واخر شغله == < ريمه وننا ونارنجه وهمبوش فديييييييييييتكم ماقصرتو معاي ساعدتوني بطريقة اطباقكم الحلوه عساني اردها لكم بالافراح ان شاءالله والله يديم عليكم الخير والصحه ويوفقكم جميع يااارب

 

[Mjnont '3lay]

ريمه لاهنتي بغيت اسالج عصير العنب والازرق الكادي من وين تاخذينهم من اي جمعيه بالضبط لاني مالقيته بجمعيتنا



..


نارنجه بالصفحات اللي فاتت طلبت منج طريقة قبوطج شكله يشووق ويهبل بس يمكن ماقريتي مشاركتي عاد بغيت الطريقه لاهنتي فديتج وبغيت اعرف شلون يصير القبوط ترف مو يابس يعني العجينه لمن تاكلينها ترفه مو يابسه والمروق شلون اسويه ثقيل مو مثل الماي

 

[زعفرانة_73]

هدى
وانتي بعد شكرررررا على كلامج الحلوووو
تسلمييين فديتج ^^
تقبل الله طاعتج و يا عسى الريان بابچ :**



مودرن
شفتي اشلوووون الايام تركض
مسرررع مااخلص الشهر



زعفرانة

رشيقتنا وينج :/

السلام عليكم حبيبات قلبى وعسى ربي يجازيكم كل خير، عن الأطباق السنعه اللى قدمتوها ،وعساه عيد مبارك وأيامكم كلها أعياد.
فديتج حياتي نارنجه فيج الخير قلبي انتى:eh_s(7):​

 

[زعفرانة_73]

بنات عندى كم صور طباخى أنا وبنيتى العوده الله يحفظها
خلية الزعتر وجبن كيري


فريكه باللحم


دجاج بصلصة الكارى


ستيك لحم بصلصة المشروم


كريب ( بنيتي مسويته)


براونييز بعد بنيتى مسويته

والحمد لله على النعمه ​

 

[ريمه الكويت]

طمطومه الحمرا القطايف اخذي عجينه القطايف واحشيها جوز وفستق مجروش اخلطها مع دارسين وهيل ناعم وشي احشيه جبن كيري واقليه بزيت غزير واصب عليه شيره


حبيبتي هذا مطعم بالافنيوز



Mjnont '3lay يخليج ياقلبي اهم شي لاتنسينا بدعائج والله يتقبل اعمالكم ويكتبكم من الفايزين يارب

زعفرانة_73 بالعافيه اطباقج روعه وبنيتج سنعه عليج الله يخليها لج وهالسنه نسيت اسوي الخليه ذكرتيني فيها ويعطيج العافيه

هذا الشراب واكو منه ماركات ثانيه صوب المشروبات الغازيه ترا موجود بكل الجمعيات بالدسمه الدعيه بيان القادسيه السالميه

 

[ريمه الكويت]

اليوم اطباقي بسيطه

بسم الله ابدي




مرق كوسه وبطاط



وعيش



وربيان مشوي بصلصه الباربكيو




عوار قلب


الحلو زنود الست




لله الحمد

 

[نارنجه]

مجنونة غلاي

بعد عمري انتي اخت عزيززة وغالية والساعة المباركة الي اقدر افيدج / اساعدج فيها :***
القبوط
اعجن كوبين طحين ابيض مع ماي ورشة ملح / الطحين الاسمر يقسي العجينة و ينشفها
المهم ان العجينة ماتلصق بالايد
وعقب افردهاا بالنشابة واقطعها دوائر جني اسوي سمبوسة ^^ / و احشيهااا و اسكرها بنفس الاداة مالت السمبوسة

يصيرون كلهم نفس الحجم و السمك خفيف

وحطي في بالج ان العجينة حجمها يكبر لما تنطبخ بالمرق
فدايم صغيري الحجم و خففي السماكة

الحشوة احط حشوة لحم المفروم او حمسة البصل مع اللومي الاسود و بهار الحشو و كشمش

المرقة
انا اسوي مرقة خضار
جزر و بطاط وفلفل اخضر و اخر شي احط قرع و بيديان

اي مرقة لو حسيتي انها خفيفة ذوبي قفشة طحين او نشا بشوية ماااي و صبيهاا بالمرق و حركيها شوي خل تختلط
واذا احتجتي ذوبي قفشة ثانية
وبيثقل معاااج
او انج تحطين بطاطة صغيرة من البداية مع الماي
وخليها تطبخ بتذوب مع الوقت و تثقل المرق << لمرقة اللحم و الدياي

و اذا تحبين البيديان
اقليه بالزيت و حطيه من غير خلط يصير غير عن لما تحطينه ني ويطبخ بالمرق


وسامحيني مانتبهت لسؤالج

 

[نارنجه]

بنات عندى كم صور طباخى أنا وبنيتى العوده الله يحفظها
خلية الزعتر وجبن كيري


فريكه باللحم


دجاج بصلصة الكارى


ستيك لحم بصلصة المشروم


كريب ( بنيتي مسويته)


براونييز بعد بنيتى مسويته

والحمد لله على النعمه ​

الله كل هالزين و منخشة :***
تسلم ايدج وايدين بنتج الله يبارك لج فيها
نيابة عني وعن مجنونة غلاي و عن كيفانية المنبع
نبي طريقة الاطباااق كلها كلها كلها

وتقبل الله منج صالح الاعمال :***

 

[نارنجه]

ريومة

تسلم ايدينج
ومداخيل العااااافية حبيبتي :***
سفررة عامرة ^^ الله يديمها باصحابها




/

فطورنا اليوم

سمبوسة و كبة برغل
و وبر بيرقر كنق ههههههه

شسوي مجابلة الفرن كنت اسوي حلو العيد ^^

بحطه لكم بقسم الحلو ان شاااء الله يعجبكم

 

[أم حسون]

بالعافيه والله يعافيييكم
كيفانيه تشرفيني حبيبتي
نارنجه اي والله مامدااه يخلص رمضان الا خلص وانشالله يعوده علينا كل سنه وياكم لافاقدين ولامفقودين يارب
ريوووم ابي طريقة المعكرونيه والمطعم هذا شنو تطلبون منه رحتله مره ماعرفت اطلب؟

 

[أم حسون]

كيكة تمر

قهوه

اندومي

بلاليط

مموش

عرايس

عصير بطيخ مع حليب لذيذ

 

[Mjnont '3lay]

ريومه بعد عمري ماتقصرين ايه عرفت شكله الحين تصدقين اختي الصغيره تموت عليه كله تشرب منه وساعات لمن ازور بيت اهلي اجاريها واقعد اشرب معاها بس ما اركز عالاسم بس يوم شفت شكله عرفته مشكوره حبيبتي تعبتج معاي
وعليكم بالف عافيييه زين بديتو تخففون من المطبخ والطبخ وراكم تجهيزات العيد

,,


نارنجه بعد قلبي تسلميييين حبيبتي ماتقصرين
ومسموحه يالغاليه ولو
ان شاءالله بجربها مع حبة سوده ورشة بقدونس وان شاءالله تضبط معاي
وشنو صحن الحلو اللي انتي مسويته شكله حلو ؟؟..
متى بتحطين الطريقه عشان ادش بروفيالج واحفظ الطريقه لاني كلش ما امر على قسم الحلويات اخاف انسى
وعليج بالعافيه البرقر كنق لووول مالقيتي غيره تفطرين رجلج وعيالج فيه عالاقل لو طالبه مجبوس وقاصه عليهم قايلة انج انتي اللي طابخته ياما سويتها



,,

زعفرانه عليكم بالعافيه حبيبتي والله يخلي لج بنيتج ياارب وتفرحين فيها عروس وتقر عينج بعيالها
وكل عام وانتو بخير

 

[Mjnont '3lay]

بنات خلص رمضان ولي الحين ماعرفت منو العضوه اللي سوت شربت ورد اول ايام الرمضان لي الحينه خاطري فيه
برجع بالصفحات الاولى واتاكد من نك العضوه اللي سوته

 

[Mjnont '3lay]

السلام عليكم والله يقويكم بالشهر الفضيل

فطورنا اليوم على طاولة الطعام
​

شوربة عدس وتشريبه دجاج

سلطة الجرجير يالحلوم وشرايح اللوز

صينية التوست بحمسة الدجاج والجزر المبشور

سورى بنات فى صور مآكلين منها
شربت ورد وشربت فيمتو
​

صدور الدجاج بالمشروم والفلفل البارد

سورى ما كلين من الماعون

فطورى الخاص للرجيم:krkrkr:
​

جاى مع مراميه


واللهم لك الحمد والشكر ​

طلعت زعفرانه وانا نبح اصبعي وهو يقووول منو العضوه اللي سوت شربت ورد :dddds:

زعفوووره الله يبرد على قلبج قولي امين ابي طريقة هالشربت الورد الباااارد شكله يشووق من اول رمضان وانا خاطري فيه
وبغيت طريقة سلطة جرجير وحلوم

 

[حضن امى]

اختى زعفرانه الله يخلي لج بنتج ويحفظها
وماشاء الله عليها
حبيبتى ابي طريقه البراونييز
وعساج من عواده

 

[زعفرانة_73]

السلام عليكم بنات
=====

ريوم يسلمج ربي ويحفظ لج بنياتج ويبلغج فيهم كل خير.
نارنجه ما طلبتي حقج ، من عيونى جم نارنجه عندى

طريقة عمل الفريكه
=======

كيلو لحم غنم
1/2 كيلو أو 3 كوب فريكة
1/4 كوب صنوبر للتزين
2 ملعقة طعام زيت زيتون
1 ماعقة صغيرة بهارات لحمة
3 كوب مرقة خضروات ماجى( أحلى من الدياي)

تسلقين اللحم في ماى وتحطين مع ماى السلق ورقتين غار و3حبات من الهيل وبصلة كبيرة مقطعة شرائح وعود دارسين وبهارات مشكلة وملح، وتشيلين الزفره منه وتخلينه ليما يستوي.
تنظفين الفريكة من الشوائب وتغسلينها وتنقع 1/2 ساعة في ماء دافي.
تحطين زيت الزيتون في الجدر وتضفين الفريكة المصفاة من الماء ويضاف شوية ملح والبهارات ورشة دارسين (يضاف القليل منهما فقط لأن مرقة اللحم عليها ملح وبهارات). تقلب الفريكة على النار لمدة 5 دقائق لتحمص مع الزيت.
تضاف مرقة الماجى الخضروات للفريكة تغطيها بشوى ولا يكون مستوى المرقة مرتفع عن مستوى الفريكة. تغطى وتترك على نار هادئة حتى تستوى. تحتاج نص ساعة أو أكثر قليلا لتستوي.
تنجبين الفريكة في صحن التقديم وتزيننها بالمكسرات المقلية وتصفين عليها قطع اللحم .
ملاحظه: أنا أحمر اللحم عل المقلاة أحلى يصير.​

 

[زعفرانة_73]

طريقة الدجاج الكاري هالمره سويته بصدور الدياي وهاذى طريقتي فيه

http://www.q8yat.com/t1025212.html​

 

[زعفرانة_73]

طريقة عجينة خلية الكيري المعتمده
بهذ الرابط وتحشينها بجبن كيرى مخلوط بالزعتر

http://www.q8yat.com/t1016821.html​

 

[زعفرانة_73]

طريقة الستيك اللحم بصلصة الفطر
========​

تآخذين استيك من اللحام ( نآخذه من الهدى اللى بشويخ نظيف)
بالخلاط فصين ثوم وقفشتين ماسترد،وعصير ليمونه وقفشتين خل ابيض وبصله متوسطه قصيها ارباع، ملح وفلفل اسود ،ريحان مجفف وارجيانو وربع كوب زيت زيتون، واضربيهم بالخلاط ونقعى فيه الستيك من أقل شى أربع ساعات واذا كان يوم كامل بيكون أفضل.
اشويهم بالشوايه وحطيهم ابايركس، أنا سويته بالمقلاة العادية عشان استفيد من الخلاصة اللى تطلع بعد الشوى.
بعد ما تخلصين الشوى ،البقايا اللى بالمقلاة حطي فوقه بصله مفروم ناعم وشويه زيت وحمسه شوى بعدها ضيفى المشروم المفروم( الفرش أحلى) وحمسى بعدها تحطين قفشتين طحين( انا حطيت طحين اسمر منخول)وحركيهم مع بعض مع رشة فلفل اسود وملح ومكعب ماجى خضروات وربع كوب ماى حار
بعد ما تثقل معاج الصلصه ضيفيها فوق الستيك وغطيهم بقصدير ودخليهم بالفرن بس حراره من فوق لوقت التقديم وزينيهم بالبقدونس.​