no0of
New member
السلام عليكم ورحمة الله و بركاته
مرحبــاا كويتيات
شلونــكم و شخبــآآركم ..؟؟
طبعاً الكل عارف ان هالفترة أغلب الناس يطلعون البر و بخيمون هنــآآك
و إن شاء الله هالمـوضوع راح يكون مرجـع لنا كلنــا
كل وحدة تدخـل تكتـب لنا شنو فعالياتهم في البـر و جدولهم و ألعابهم اللي دايماً يلعبونها عشان نستفيد
كلنا و ياليت اللي تدخل تشرح لعبتها عشان الكل يكون فاهم و عارف
و أنا ببـدأ ..
مثلاً الجنجفة ... مافي أحد ما يعرفها أحلى شي سواء
الاونو او العادية
و لعبة وقعت الحرب على .. هذي اللعبة مشهوورة
عندنا لازم نلعبها
و هي ان نسوي داائرة كبيرة على حسب عدد اللي بيلعبون و نقسم دائرة إلى
( 4 أقسام مثلاً )و بالنص دائرة صغيرة
و في كل قسم يوقف شخص و يختار الدولة اللي يبيها و يكتب اسمها ع التراب و يكون في أحد في
الدائرة اللي بالنص و هي تختار الدولة اللي تبيها من الدول الموجودة و تقول وقعت الحرب على
مثلاً الامارات و تنحاش اللي تكلمت و صاحبة دولة الامارات تركض و توقف في الدائرة الصغيرة
و تقول ستوووب و يكونون الباقين منحاشين من تقول وقعت الحرب على الدولة الفلاتية ينحاشون
و اللي بالنص تشوف اقرب وحدة لها وو تتوقع كم خطوة عشان توصلها و كبيرة و لا صغيرة و
تمشي حسب الخطوات اللي قالتها اذا قالت خطاأ ترد مرة ثانية و تعيد اللعبة و هي اللي تختار
وحدة من الدول و اذا طلعت الخطوات صحيحة ووصلت للبنت تحاول البنت تفتح رجلها و تسكرها
اذا داست عليها تفوز ع البنت و تروح البنت للدائرة اللي بالنص و تختار دولة و هكذا
و أتمنى أشوف مشاركاتكم الحـللوة
و إن شاء الله يعجبكم الموضوع
