فقرات التخرج

[شباصه ريش]

السلام عليكم ورحمة الله وبركاته
كل عام وانتم بخير بما اننا على مشارف نهاية العام الدراسي
حابه نسولف مع بعض عن التخرج ونسولف عنه وعن الفقرات
بصراحه للحين ماعندي فقره بس لما افكر واعتمدها راح اقولكم عنها وشلون سويتها
يالله شدو حيلكم وقولولي فقراتكم عشان يمكن اغش منكم

 

[عهود الحب]

انا فقرتي اغنية ترحيبية
المشرفة وفرتها لنا
بسسسسسسسسسس موب عارفة شنو البس الاطفال
ابي لبس جاهز مابي اخيط الاهالي حدهم مومتعاونين
ومحد يجي للصف يسأل الا جم ولية امر
الباقين كلهم سواق وخدامات
ودقيت طلعت لي التلفونات يا مفصول يا خارج التغطية يا مايشيلونه :/





ابي لبس جاااااااااااااهز مافيه تفكير ولاتعب احس اريح لي واريح لهم

 

[شباصه ريش]

هلا والله عهود الحب منوره
شرايج تلبسينهم تنوره سوده وقميص احمر او ابيض وسكارف للبنات والاولاد بنطلون اسود وكرفته وكله جاهز ومتوفر بالسوق دزي لهم ورقه فيها الطلبات وبالتوفيق بس ما قلتي لنا شنو اغنيتج

 

[عهود الحب]

اغنية ترحيبيه مألفتها مشرفتنا وملحنتها ابلة الموسيقى
هي خاصة ومحلفتنا مانطلعها لبرا
مادري شنو الحكمة
بس دام هي طقت الصدر ولبت الندا
لزوم نحفظ لها حقها جزاها الله خير
وعسى ربي يوسع عليها مثل ما ريحتنا

 

[شباصه ريش]

اي والله ماقصرت المهم ماقلتي لي شخترتي لبس للفقره

 

[عهود الحب]

تي شيرت ابيض وبنطلون جينز والبنات تنورة جينز
ووفرنا على عمرنا التعب
ويمكن اشتري لهم سكارفات من ابومية لونين

 

[شباصه ريش]

الله يوفقكم

 

[عشوشه]

الله يعطيها العافيه بصراحه خوووووووووووووووووووووووووووووووووش مشرفه
ماشالله عليكم بالعافيه

 

[راقية باخلاقي]

احنا فقرتنا عن التخرج

والاغنية من مدرسه اخذناها

طراره يعنى

واللبس


الله يسلم الموعد الله يطول بعمره

ب 3.600 فلس نفانيف والصبيان دشاديش وسلام ختام