فقر دم حاد

[kefi cute]

:eh_s(2):السلام عليكم
بناات انا توني محلله وحامل وقالتي بعد 10 ايام تعالي عندج سونار وخالتي قالتلي لا تروحيييين يلعبون فيج لعب
وبنات انا فيني فقر دم حااد شسوييي

 

[كميثره]

بسم الله توج حامل بتسوي لج سونار @@ لا يبه لا تسوين سونار
وعلى الفقر الدم روحي الطبيب خل يعطونج فيتامينات واكلي شمندر و تمر وزبيب يزيد نسبة الدم بإذن الله

 

[kefi cute]

اي شفتي شلون المشكله دكتوره شاطره حتى خالتي عصبت وقالتلي ان سويتي سونار لا انا خالتج ولا اعرفج لانه خالتي سولها سونار بالشهر الاول وطاح الياهل

 

[NoOoBy]

مادري انا بجريه وعليميه بس اول ماحللت بعدها تقريبا بأسبوع سوتلي سونار وانا مادري شسالفه !!
والحمدلله البيبي اوكي ماشالله ماكو الا العافيه

انتي سمعي كلام خالتج او امج اهما افهم منا

ومبرووك ع الحمل الله يتمم عليج

 

[LAW_GiRL]

روحي الطبيب سوي تحليل دم اذا اقل م ن 10 بيعطزنج حبوب حديد اسمهم هيموجلوبين انا فيني فقر دم والحين الحمد الله انا بالثامن والدم صار ثابت ماقام ينزل وروحي حق دكتور مشهور وشاطر انا انصحج روحي حق حيان الاحمد بالمواساة وخل يعطيجحبوب انا اراجع عنده بالنسبه لحالتي وفقر الدم ووايد ممتااااااز وذبحه عليه

 

[دعـاء]

ليش السونار وش يسوي ؟؟

يعني اذا ما سويتي تصوير الدكتورة شلون تعرف اذا في جنين او لا ؟؟
كم عمره ؟
في نبض او لا ؟؟

وكل الناس تسوي سونار ما يصير فيها شي
على الأقل تعرفي من البداية اذا عندج مشاكل او لا علشان ما تندمين بعدين

<< يمكن فاهمة خالتج فكرة السونار غلط على بالها سونار داخلي يمكن ؟:eh_s(10):

والسونار مضر اذا صار مرتين بالاسبوع اما كل شهر مرة ما منه مضرة

واصلا دام تعرفين انج حامل المفروض تتابعين عند دكتورة واهي تسوي لج تحاليل شاملة وتعرف وش الادوية اللي تعطيج

 

[~Rou7~]

ما ادري احس عادي واذا ماسويتي هم عادي

 

[حرمه المصون]

حبيبتي ماعتقد يضر وامس اول الاشهر لازم تتطمنين في نبض في جنين وبعد طول الرقبه وهذا كله في الاسابيع ال ۱۲ الاولي من الحمل

 

[فرفشه منعنشه]

حبيبتي انا كان معاي انيميا حاده في لدي الاخير ولا تهملين لانه يأثر على المشيمة لا سمح الله داومي على حبوب الحديد
( فيفول - فيروز- ترايهيمك ) والاقوى من بينهم الترايهيمك وانشالله مافيج الا العافيه قلبي

 

[om batool]

طبيعي تسوين سونار تتاكدين من وجود البيبي بالرحم ومن النبض

الله يتمم عليج

 

[kefi cute]

صج يعني اسوي سونار

 

[دلووووعة نجد]

اشربي عصير الشمندر/البنجر يعني سويه عندتس بالبيت طازج
و اشربي منقوع الزبيب الاسود
العصيرين هذي على طول ترفع نسبة الدم
لكن تاكدي اذا تصلح لتس او لا لانتس حامل و اخاف يضرونتس اسالي اذا عادي هذي احسن شيء لفقر الدم احسن من الحبوب الحبوب تسوي الله يكرمتس مساك
الله يعافيتس:eh_s(7):

 

[غــلآ]

حيلج بالجرجير يزيد نسبه الدم بسرعه

 

[أنفاسي دخون]

اول سونار تسويه الدكتورة السنعه اللي يكون بالاسبوع السادس ويبين فيه كيس البيبي والنبض وديري بالش تسوي لش سونار داخلي انتبهي

وبالنسبة لفقر الدم مالش الا البرقنا بلان والفوليك اسيد بالفتره هذي وحطي حيلش بالكشمش الاسود اليمني يرفع الدم بسرعه والمشمش المجفف ولازم تشربين معاهم عصير برتقال لاحسن نتيجه

 

[نادره في وجودها]

عادي سوى السونار الداخلي ما يضر بشي عاد شدعوه يدخلونه داخل بطنج لووووول

ما راح تحسين بشي

انا سويته ولي شهرين والحمدالله ما شفت شي

 

[دمثة]

حبيبتي بعد 10 ايام يبيض نبض الجنين تشوفة الدكتورة

 

[really cat]

حبيبتى السونار الخارجى عادى أنا سويت بعد سبوعين من عرفت انى حامل

بس الداخلى ما أنصحج فيه

و حتى انا فينى ضعف الدم
عندج العسل الاسود أو عسل قصب السكر زين تاكلينه مع عصير البرتقال

ذكرتينى فيه من زمان ما كليت

 

[kefi cute]

يعني عادي اسوي خارجي مو شرط سونار داخلي لاني مابي داخلي اخاف

 

[ياسمينه قمر]

لا نصيحــــــــه السونار لااا تسوينه الا بعد الاربعين يوم من حملج ويكون خارجي


يعني سونار عالبطن مو سونار داخلي انتبهي عدل لا تغشج الدكتوره


السونار الداخلي هو اللي يضر حيل وممكن يسبب اجهاض


اما الخارجي يساعد الدكتور يسمع نبض الجنين اذا موجود أو لاء بس

وعن فقر الدم لاااااااااا تخليييينه أبـــــــــــــــــد ديريبالــــــــــــــج مو زين للحامل


اكلي شمندر وشربي مولوخيه وكثري تمر مع حليب وهم الزبيب

وضروري تاخذين فتامينات للحامل وكبسولات حديد


لاتهملين نفسج ولا الياهل وين ينمو وماااكو دم


عسى ربي يثبته ويسهل عليج ويرزقج بالولد الصالح


مووووفقـــــــــــــــــه

 

[kefi cute]

يا بعد عمري والله مشكوووره