brown eyes
New member
مرحبا كويتيات ...
شلونكم و شخباركم
و انا أتصفح بالنت .. لقيت موضوع من أخ سعودي عن زيارته لديرتنا الحبيبه الكويت
و بصراحة بالبدايه ضااق خلقي .. لمه شفت الفكرة اللي ماخذينهاا عن الكويت الحبيبة .. بسبب هالمسلسلات اللي شوهت صورتنا
لكن ... الحمدلله و الشكر له .. ان فكرته عنها تغيرت بعد زيارته لنا واحتكاكه بأهل الكويت الطيبين .. و الحلو انه كاتب كل شي حلو عن الديره و حاط صور حلوه بعد .. وتمنى زيارة الكويت مره ثانيه
وهذا اللي كاتبه
السلام عليكم ورحمة الله وبركاته
وكل عام وانت بخير واهل الكويت انشاء الله بخير
في البداية والله الاخوان ما قصروا معي في نصائحهم كان رحلتي ميسره والفضل لله
ثم لهذا المنتدى واعضاءه اللي ماقصروا في اي استفسار اسئلهم عنه وبصراحة انا
وزوجتي كنا ماخذين فكره عن دولة الكويت وعن الشعب الكويتي سيئه جداً لكن والله
تغيرة النظره 180 درجه من كثر ما شفنا وسمعنا كن نتوقع شعب سيء الاخلاق من
( تأثير المسلسلات ) لكن والله شفت شعب قمة في الاخلاق صغير كان أو كبير ولكم الامثله
كنت انا وزوجتي نبحث عن محل تفصيل جلابيات وقفنا عند محل بالقرب من سوق المباركية
( اعلمكم اني اعرف الاسواق ) وكان فيه حرمه كبيره شوي في السن فقلت لزوجتي اسئليها
عن المحلات الزينه فقالت الحرمه ( معنى الحرمه : أي المرءه ولكن قراوى السعوديه ينطقونه هكذا )
فقالت انا الحين اخلص اللي في يدي واجي ادلكم بنفسي !!!!!!!!!!!!!!!!!!!!!!!!!!!
الموقف الثاني : كنت الصباح ادور محل اجهزة الكترونيات ودخلت محل وسئلتهم قال واحد في المحل
لحظه انا ابخذ الاغراض واجي معك اوريك المحلات انت مو من السعودية قلت له لا بس دلني وانا اروح
لزم الا يجي معي وقعدت الف انا وياه الاسواق لمدة ساعتين وبعدها كان عنده محاظرة وكان امام مسجد
ولزم الا اجي عنده في البيت انا وزوجتي واعطاني ارقام تليفوناته وفي اخر شي قال انا صايم !!!!!!
الموقف الثالث : لما جيت اطلع للسعودية وقفت عند الاشارة وسألت صاحب السيارة وين الطريق قال
صف على جنب عشان ادلك والرجال ما قصر كل شوي يقول الا اوديك الطريق وارجع وانا اقوله لا انت
بس وصف لي الطريق وانا ادل ووالله ما قصر لزم اخذ تلفونه يمكن اضيع ولا شي !!!!!!!!!!!!!
بصراحة ما كنت اتوقع شعب بهذي الاخلاق العاليه ويفرحون انهم يقدمون لك خدمة
والله رجعت وانا اتذكر حديث الرسول صلى الله عليه وسلم ( لا تحقرٍ من المعروف شيء
ولو أن تلقى اخاك بوجهً طلق ) والله اعلم
------------------------------
وهذا الموضوع كان سنة 2005
و بالصدفه شفت بتوقيعه كاتب (رحلتي انا و العالِم) الى الكويت حبيبة العالم
وشفت موضوع حلو .. عن شوقه للكويت و رحلته مع صديقه اللي نكه (العالِم)
وحاط صور و مستانسين عالكويت
الزبده : ان الناس دايماً ماخذين عنا فكرة مو زينه
انا انقهر اذا سمعت أي أحد يذم الكويت واهلها
لي متى يشوهون صورتنا
المسلسلات ..
البلوتوث ...
المجلات ..
حتى عيالنا و بناتنا مرات يذمون بعض و يعيبون على بعض .. و لو كان من باب التوعيه !! بس مايصير جذي
والله الكويت أحلى بلد .. و اهلها خوش ناس و لله الحمد
لو بيدي أمسك اانسان انسان و اكلمه عن الكويت و اهلها وناسها
:yaaaaaarb: يارب تحفظ الكويت و شعبها :yaaaaaarb:
