فكرتي بهدية حق عيد الأم ؟؟

[TooToo]

جني بعطيها مبلغ محترم واهي تشتري اللي تبي -- والله اشرايكم

 

[$$ صعبة الوصوف $$]

انا اليوم سألتها شنو بخاطرج ؟؟

قالت مافي شي معين ؟؟

عاد قعدت اجرجرها بالحجي ..

قالت معرض الساعات راح يفتح قريب .. خاطري بسااعه

:>

قلت لها ولا يهمج اخذي الكنت مالي واشتري اي ساعه بخاااطرج ...

واااي فديتها استحت وقالت لا مالا دااعي :$

بس انا اصريت عليهــــا تاخذه

 

[kuwaitya_zoGaa]

انا العام شريت لها ساعة جيفنشى والوالد شريت له صندوق بخور وعطور من القرشى
بس الحين هونت من هالسوالف .

 

[NoWay2know]

مشكورة الأخت الغالية على هذا الموضوع الرائع


واتمنى من الأخوات ينتبهون ان نو وي تو نو حطت موضوع كامل عن حرمة عيد الأم من جوازه فياريت تكون ردودكم في الصفحة الخاصة حتى لا تختلط الأفكار وهذي مناسبة عزيزة نحتفل فيها من كنا صغار بعيد الأسرة

كلنا نتجمع عند اهلنا بصفة يومية لكن هذا اليوم يختلف عن باقي الأيام لأن هديته تكون مميزه شعور جميل نجتمع كل افراد الأسرة بالكامل كبار وصغار واحفاد وهذا التجمع ما يكون الا بالأعياد الفطر والضحى

بالنسبة لي انا فقدت امي والله يخلي لي والدي هو ا لأب والأم

وبما انه رجل فنحتار في هداياه وهو كبير بالعمر الي سويناه هالسنة جددنا غرفته بالكامل

حتى يشعر بأنه في هذا اليوم الغرفة الوانها وفرشها وورق الحوائط متجددة مع عمل له قعدة صغيره للقراءة والتلفزيون بنفس الغرفة .


طبعا نتعشى معاه ونجيب الكيكة الخاصة بهذا اليوم ونصور ذكرى لهذا اليوم

اعتقد ان هذه اللحظات جميلة ان نحرم والدي نكون حوله في يوم كل البناء يتجمعون فيه حول والديهم وخصوصا انه يشعر بالوحدة بعد وفاة والدتي


وبالنسبة للحرام والحلال الحش والكذب ووايد اشياء الناس يوميا يسوونها وحرمتها اكبر من فرحتنا مع والدينا بهذا اليوم

كلمة خاصة عبر هذا المنتدى اوجهها :33_1185028183:



وودي اقدم وردة حمراء :tek: وقبلة حانية على راس الأم الحبيبة :wqedqw:الغالية أم بو منصووووور الي عوضني حبها عن حب كبير وفعلا انت الحين بمكانة امي واطلب ربي يخليها لي ويطول في عمرها

ودي اقولها احبك والله يطول في عمرك ويخليج لي ويه الغالي بو منصووووووووووووور

ولو اهديك الكون ما عبرت عن قدرك وحبك في قلبي :jbdwjbd:


ودي اقدم شكر وتقدير ل نو وي تو نو انج عطيتيني هالفرصة اعبر عما في قلبي وهذه لك يالغالية :33_1185028183: وكل شكر وتقدير واحترام :balo:



أم منصووووووووور

هلا أم منصور،، العفوووو حبيبتي،، ومشكورة على مشاركتج بهذا الموضوع والمواضيع الثانية،، عسى الله يرحم الوالدة برحمته ويرحم امة محمد أجمعين

وبصراحه وايد حلوه فكرتكم أنكم غيرتوووو ديكور الغرفة كله الخاصة حق الوالد،، عسى الله يخليه لكم انشالله ويخليكم له

وانا مع العيد لانه حلووووو ومميز ولا ينقص منا شي


ومشكورة مره ثانية على مشاركتج الفعالة :68_asmilies-com:

 

[NoWay2know]

جني بعطيها مبلغ محترم واهي تشتري اللي تبي -- والله اشرايكم

اذا ماعرفتي شنو بخاطرها،، عطيها المبلغ اللي في بالج،، بس حسافة لو رايحه انتي بنك الوطني يعطون بطاقة سحب خاصة للهدايا يسحبون فيها وين ما كانووو والمبلغ اللي انتي تبين تحطينه،، جان طلع أحلى

فا انتي ما عليج الا انج تحطين كرت حلو بظرف مع اللي بخاطرج.


تحياتي

 

[NoWay2know]

انا اليوم سألتها شنو بخاطرج ؟؟

قالت مافي شي معين ؟؟

عاد قعدت اجرجرها بالحجي ..

قالت معرض الساعات راح يفتح قريب .. خاطري بسااعه

:>

قلت لها ولا يهمج اخذي الكنت مالي واشتري اي ساعه بخاااطرج ...

واااي فديتها استحت وقالت لا مالا دااعي :$

بس انا اصريت عليهــــا تاخذه

حلوه الفكرةــ، بس الاحلى انج تودينها وتشخطين انتي بالكرت راح يكون أحلى ولها طعم ثاني


:68_asmilies-com:

 

[NoWay2know]

انا العام شريت لها ساعة جيفنشى والوالد شريت له صندوق بخور وعطور من القرشى
بس الحين هونت من هالسوالف .

:68_asmilies-com:

شكرا على المشاركة
وعسى الله يخليهم لكم انشالله

 

[رفرف]

انا مو كل سنة والله اهدي امي لا والله عالمناسبة ..
بس لسنة صادف هالوقت لأن توها مسوية عملية فبهديها علشان سلامتها ..

ومحتارة مادري شاخذلها ..
لأن توني ماخذتلها كمبيوتر كان خاطرها فيه .. وجنطة
ومادري شاخذ الحين فكرت ساعة او خاتم ذهب لأنها تحب الخواتم ...

 

[NoWay2know]

انا مو كل سنة والله اهدي امي لا والله عالمناسبة ..
بس لسنة صادف هالوقت لأن توها مسوية عملية فبهديها علشان سلامتها ..

ومحتارة مادري شاخذلها ..
لأن توني ماخذتلها كمبيوتر كان خاطرها فيه .. وجنطة
ومادري شاخذ الحين فكرت ساعة او خاتم ذهب لأنها تحب الخواتم ...

دام اهي تحب الخواتم اخذيلها الشي اللي تحبه

وشاكره لج مشاركتج

:68_asmilies-com:

 

[pure feminine]

انا توني شاريه لماماتي ساعه من اسبوع تقريبا

بس مو بنية عيد الام بس هيك اعجبتني وخذيتها لها

 

[السمرة~القمرة]

شريت حق اميمتي حبيبتي مصحف الكتروني واااااااااااااايد عجبها
لان فيه القرآن كامل بصوت 3 شيوخ مفسر
وتفسير الجلالين
ورياض الصالحين
وفي اضاءة وسماعة وحجمه ضعييييف ينفع حق الجنطة

 

[NoWay2know]

انا توني شاريه لماماتي ساعه من اسبوع تقريبا

بس مو بنية عيد الام بس هيك اعجبتني وخذيتها لها

الله يخليها لكم ويعطيج العافية


:68_asmilies-com:

 

[NoWay2know]

شريت حق اميمتي حبيبتي مصحف الكتروني واااااااااااااايد عجبها
لان فيه القرآن كامل بصوت 3 شيوخ مفسر
وتفسير الجلالين
ورياض الصالحين
وفي اضاءة وسماعة وحجمه ضعييييف ينفع حق الجنطة

وايد حلوه هديتج ، تنقع طول العمر،، بس ما عليج امر
قولي تفاصيل أكثر من الشيوخ اللي يقرون ؟ ومن وين ماخذته ؟

ويعطيج العافية
وشاكره لج مشاركتج

:68_asmilies-com:

 

[far007a]

انا العام خذيتلها جنطة من قصر الجلود كان عليهم خصم مع شيله شوارفسكي الكبار والحمدلله وايد استانست عليها ...انا من رايي تكون الهدية مجموعة هدايا صغيرة احس تونس اكثر واهي تفتح الاغراض

 

[Saroona86]

امس عطيناها انا وخواتي هديتها وعباره عن مبلغ جمعناها لها
افيد لها من المشتري
وكيكة مكتوب عليها امي الحبيبة

 

[Saroona86]

نسيت اقول لكم حتي الوالد بعد
عطيناه ضرف فيه مبلغ جمعناه حقه

للان يزعل اذا عطينا امي ونسيناه

 

[NoWay2know]

انا العام خذيتلها جنطة من قصر الجلود كان عليهم خصم مع شيله شوارفسكي الكبار والحمدلله وايد استانست عليها ...انا من رايي تكون الهدية مجموعة هدايا صغيرة احس تونس اكثر واهي تفتح الاغراض

الله يخليها لكم انشالله

:68_asmilies-com:

 

[NoWay2know]

نسيت اقول لكم حتي الوالد بعد
عطيناه ضرف فيه مبلغ جمعناه حقه

للان يزعل اذا عطينا امي ونسيناه

الله يخليهم لكم انشالله

وشاكره لح مشاركتج :68_asmilies-com:

 

[كويتيه لذيذه]

واييييييييييييييد حلوييييييييييييييين

 

[Baby dream]

السلام عليكم حبيت افيدكم بالهديه اللي خذيتها حق امي وخالتي ام زوجي في بنات كويتيات امسوين فنتق عجيب بالفوندو ويحطون لج معاه عطر شرقي يعني شي ذرب وغريب وفخم وايد استانسوا امي وخالتي لانه بدال الهديه هديتين العطر وطبق الفوندو ويحطون لج معاه تغميسات فناتق وسعرهم وايد حلو ومناسب رقمهم 50860939 