فلانة عندها نفس بالطبخ ...

[عاشقة الدوحة]

صباح الخير صبايا

كل عام وانتو بخير

عندي استفسار،، انا بصراحة ماعرف اطبخ ولا ادش المطبخ وعمري 24 ،، لكن حابة جدا اني اتعلم الطبخ،، دوم اسمع " فلانة عندها نفس بالطبخ"ودي اعرف شلون يعني!!!

وشكرا لكم

 

[M!ss CoLoRz]

هاي شي من الله وطبعا الناس أذواق

يعني مثال الهريس .. مقاديرها وحدة وطريقتها وحدة عند كل الناس وما في مجال للتفنن والابداع فيها بس طعمها غير من شخص لشخص

ليش وشلون مادري!!!

ودامج حابة ليش لا .. جربي وتعلمي وطبخي وان شالله تطلعين طباخة واكلج لذيذ =)

 

[عاشقة الدوحة]

تسلمين ومشكورة فديتج على الرد،، شكلي يبي لي وايد لين اتعلم ويكون لي نفس بالطبخ !!

 

[M!ss CoLoRz]

لا مو شرط .. في ناس نفسهم حلو في العيش والباستا وما يعرفون يسوون كيكة وناس بالعكس حتى عيالهم ما يحبون طباخهم بس في الحلويات ما في اشطر منهم

وناس لا اله الا الله كل شي منهم حلو ... وعلى قولة العياييز النفس الحلو من الروح الحلوة يعني لما تسوين الشي وانتي حابته يطلع حلو

يوعني الكلام هههههه

 

[طيف علي]

اعرفلج وحده كله قاعده ع تيلفونها وماتدش المطبخ واذ طبخت اكلها شحلاته من نفسها مو من من قله الدبره

 

[عاشقة الدوحة]

مشكورين على الردود الحلوة,,
بحاول ابتدي اتعلم واشوف اذا عندي نفس بالطبخ ^_^

 

[مدّهره !]

صح ماشااء الله فيه نااس لو تسووي بريق شاااي روووعه من إيدهاا

ونااس لااا عندي يقين بسالفة النفس هههههه

 

[أحلى همبه كويتية]

تعلمي شوي شوي وبتصيرين فنانه
اذا تحبين المطبخ بتصيرين مبدعه

الله يوفقك

 

[M!SS.LOBY]

الله يووفقج

 

[M!SS.LOBY]

حاولي تتعلمين شوي شوي

 

[عاشقة الدوحة]

مشكوريين ما قصرتو