فناتق استقبال ورشة عمل

[من ديار نجد]

السلام عليكم
شلونكم ابلات شخباركم
بليز عندي ورشة عمل اول مرة اسوي ورررررش وحايسة حدي
اللي عندها فكرة عن فناتق الاستقبال شسوي وشحط بليييييز تنقذني​

 

[فرحتي2.2]

كان ودي افيدج

بس البنات مايقصرون

رفع لعيونج

 

[SihamBoresli]

حبيبتي اذا المدرسه مساعدينج ولج ميزانيه عندج تيشر سللر بالمثنى فيها فناتق تفيد اكثر شي ابلات الانجليزي وعندج دياسو بياع الورد ومحلات بوميه تلقين توزيعات انواع واشكال اذا انتي محظوظه قسمج بالمدرسه يساعدج...اذا عندكم ابلات الفنيه شطار خليهم يرتبون لج الورد والضيافه صراحه لو اعرف احط صور جان حطيتلج بس كذا مره احاول وماعرفت

 

[من ديار نجد]

توزيعات شحط فيها ؟؟
انا رياضيات وورشتي عن لعبة رياضيات مبرمجينها للايبود والايباد
بليز وضحي اكثر اول مرةاسوي ورشه وعمري مارحت وورش توني ثاني سنه تدريس​

 

[ديمه الخالدي]

انا حضرت ورشة فمدرسة اختي كانت عن الحروف العربية مسوين الورشة فصالة الالعاب و كانوا جايبين فلبينيات يوزعون حلو وعصاير وغيره عالحضور وحطوا سبورات خشبية فيها احرف و حركات زخارف وفناتق و طاولات حق الحضور عليها ورد وكانت صالة الالعاب جنها صالة عرس

 

[أم سليمان دشتي]

الله يوفقج يااااارب

تقدرين على طاولة الاستقبال تحطين حلو القهوة والفطاير والشاي والقهووة

وتحطين مثلا ستاند من جرير حق البروشورات تكتبين فيهم عن المادة العلمية

وتقدرين تكبرين صورة حلو للايبود مقاس a3 وتحطين داخل الشاشة اهلا وسهلا بكم في ورشتنا وتكتبين تحت اسمها

امممم هذا طبعا اذا كان بمكان صغير ومحدود

اما اذا بصالة العاب او مسرح يكون كبير شوي حطي طاولات دائرية وكل طاولة عليها صحن صغيرون حلو وفطاير

وخلي فلبينيات بو 10 دنانير الخدمة ايمرون شاي وقهوة وماي جذي

الله يوفقج ياااارب ويباركلج

واولا واخيرا اخذي مساعدة وخبرات زميلاتج بالقسسسم اكيد يفيدونج اكثر

موفقة

 

[من ديار نجد]

مشكورين حبيباتي
الي عندها افكار تفيدني

 

[Angel_store]

up up up

 

[من ديار نجد]

اب. اب. اب

 

[من ديار نجد]

بليز انو فكرة من هون والا هون

 

[ablah_mariam]

سوي مجسمات فلين على شكل الآيباد وصورة البرنامج داخله وعلقيهم على الديكور بخيط
يطلع شكلهم حلو وهم نازلين لتحت

خلي كل شي على شكل آيباد من دعوآت أو ستاند عند الآدارة على شكل آيباد بالفلين مكتوب عليه عبارة ترحيبية باسم الورشه

 

[من ديار نجد]

خوش فكره الله يعطيج العافية بسويها ان شاءالله

 

[N F N F]

حبيبتي انا رايي دامها اول مرة لج لا تسوين شغلات وايد علشان لا تحتاسين

واذا رفيجاتج زينين طلبي من وحده تصير مسؤولة عن الضيافة ووحده عن

الطالبات وترتيب الفصل او القاعه لج. . جذي وزعي شعلج بينهم وان شاء الله

يساعدونج. . بالنسبه للدعوات خليها على شكل ايبود أو ايباد. . اذا بتسوينها بنفسج

هاتي صورة ايبود وكبريها على نص صفحه وطبعي بالنص الدعوة. بنص الايبود

عرفتي. . وخلي بكل ورقة أي فور صورتين وتالي وديهم تغليف حراري وقصيهم

يصير عندج دعوتين من كل ورقة. . وتقدرين تشترين ستاندات هديه صغار انتي وميزانيتج

من سنتر بوينت أو المكتبات أو الأسواق الشعبيه وتثبتين فيه الدعوه وطرشينهم مع بنات

للأدارة. . اما الدعوات الخارجيه خليها رسميه اكثر. . بالنسبه للصف. . احسن تخلين درسج

بقاعة وترتبينها قبل بيوم وتحطين عند الباب برا طاولة للضيافة عليها حلو وميني فطاير

وورق عنب ومطارات شاي وقهوه. . بس لازم تأكدين على اللي يوصلها لج تكون عندج

قبل الثمان. . وخلي عندج رقم محل قريب ويوصل سبحان الله لو صار شي والا هو يسد وماتوهقين

ولاتخلين حصتج الأولى أو الثانيه علشان يمديج ترتبين. . خليها الثالثة احسن لج

ومن قبل بيوم هاتي علب كلنكس الصغار واكواب شاي وقهوة ورق وصحون وقفاش بلاستيك

وكل شي خليه جاهز ونصيحه لاتخلين شي ليوم الدرس نفسه. . قبل بيوم جهزي علشان لا تتوترين

سويرمجسمات فلين على شكل ايبود وايباد. . وحطي على كل كرسي ملف أو جيس حلو فيه مطوية

عن الرياضيات وايبود. . ونسخه عن تحضيرج للدرس وقلم وجذي يعني انتي وابداعج .. اللي تبينه حطيه

واذا بتعطين البنات هدايا خليهم العاب ايبود. . او كفر ايبود. . شي ريليتد يعني

...انا سويت ورشة مرة بس بقاعة واشتريت مطارات ميني الصغار مع صياني صغار وفناجين وبيالات

وخليتهم بالمدرسه من قبل بأسبوع بعد. ويوم الدرس نفسه بس جبت معاي مطارات وعبيت الصغار

وحطيت على كل طاولة صينية فيها البيالات ويمها المطارات والكلينكس وصحون الحلو والفطاير

هم كنت جايبه صحون من البيت من قبل بيوم. . وبس عبيتهم من الطلب وساعدوني رفيجاتي الله

يجزاهم الجنه ويوفقهم اليوم ودوم. .. اذا تبين تسوين جذي واذا ماتبين سوي الطريقه العاديه

وانتي براحتج والله يوفقج .. وان بغيتي شي سألي انا حاضره