فناتق بو100فلس.. بالشرح والصور ومتجدد بعد

[keeka]

قعدت احوس بالبيت واصور خخخخ ولقيت اشياء متفرقه من ارجاء المنزل :eh_s(6):

قصص

الوان خشبيه وشينيه

لوحة جدول الضرب وايد حلوه ينكتب عليها وينمسح

فش ماغنت ولا فيهم غلتر بعد

الوان مائيه ودباسه واقلام رصاص

ستيكر بغرفت بنتوتي

لعبت عيالي المفضله

 

[استغفرك يارب]

الموضوع يهبل

 

[Pink GirL]

بنك انا خذيت وردي من الكلنكس شكلج مالحقتي عليه

صج اكوو وردي @@
حسافة انا ماشفت الا ازرق

كيكة > عليج بالعافية الاغراض ,, حلوو جدول الضرب

 

[الاسطورية]

رووووووعه
ان شاءالله اصور يوم

 

[رفرف]

كيكة ..
ذكرتيني بالماغنت اللي على ثلاجتي على فراشات شحلوهم اصورهم لكم انشالله ...

رحت اليوم طبببببببعا ولقيت العاب اتهبل انا كيفت عليهم خذيتهم حق نون بنتي انشالله او حق القرقيعان احاول انزلهم اليوم او باجر انشالله ...

 

[رفرف]

نكمل ...
ستيكرز كبار حق الطوف على ستروبري وباربي ولولوكاتي ..
(على فكرة التيبل مات اللي تحتهم بعد من بو100) ...

سوبر غلو ...
والوان ويوووه

أساور

سلال تتعلق عالطوفة حق تكرمون الحمامات حق فرش الاسنان والمعجون وهسوالف

يتبع ........

 

[رقي]

ايننون

 

[رفرف]

وهالالعاب حق نون بنتي انشالله الله يحيينا ...
صورة جماعية أهم شي الدبة ام البكيني الفوشي اتينن ..
حدي حدي تحطمت فيهم شكلهم كيوووووت خمخمت منهم شكثر طارت فلوسي عليهم بس تستاهل بنتي الكتكوتة ...
ترى الدببة على 100 فلس (لأنهم كاشخين حدهم) ..
والعرايس كل ثنتين كانو بجيس نفس اللي خذتهم زلابيا يعني ال2 ب 100 فلس ..

والتيلي تبيز ..
وجيس زري حق النون كمان

اسفنج مثلث حق الميكب ..
ولوحة طباشير ..
واللي بالنص باندات

شرايكم ؟؟؟

 

[زلابيا]

واااااااااااااااي رفروف الالعاب حدهم حدهم يونسون خصوصا الدببه

شيشتيني الصراحه لااااااااااااازم اروح

عليج بالعافيه ..

بو 100 السالميه رحتي ؟؟

 

[pink]

ما شالله شغلاتكم حلوووة :eh_s(15): ..

.. ما جنها من بو 100 فلس ..

 

[رفرف]

اي زلابيا بو100 السالمية ...
بذمتج مو يشوقوووون ؟؟

حياج الله بنك ..

 

[هجاين]

مشكوره والله في شغلات 00 عند ابو اميه حلوه

 

[*سكون*]

شوفوا انا بسبة هالموضوع تعبثت بالكمبيوتر عشان اتعلم انزل صور

ان شا الله ما اتفشل وتطلع الطريقة صح

اليوم رحت سوق السالمية وشريت هالاغراض من بو 100 اليديد اذا تعرفونه صراحة عنده اشياء اتينن

شوفوا الجلاد خمس حبات ب 100 بس لونهم حلو وراقي
والورد حق تزيين الهدية وستكيرز نجوم حق المدرسة وسكارف حق المطبخ
وأقلام حلوين جربتهم

 

[رفرف]

سكون اشوه طلعت الصورة مشكورة على المشاركة بس ماشفتج هناك

 

[*سكون*]

هيييييييييييييييييييييييه صراحة وااااايد مستانسة ان الصورة نزلت

صج العلم نور

 

[*سكون*]

حبيبتي رفرف انا رايحة مخصوص حق بو 100 صار فينا هوس منه هههههههه وان شا الله المرة الياية اشوفج

 

[ساره ستايل]

وااااااااااو
الموضوع ايونس رفرف

حسافه كنت شاريه الوان شينية معاها اوراق فيها نقشات محفورة
ومعا الالوان شي تنفخين فيه اللون ويطشر .. ماعرف اوصفه عدل (ماصورتهم)

المهم .. هذا شريته من بو100 بمعلم السالميه
لقيته ابمكتبة جمعية الفيحا يا اب450 فلس أو 650 فلس !!!

طبعا شريت منه كميات كبيرة ووزعته على بعض طالباتي
وكيفوا عليه

 

[Pink GirL]

حياج الله بنك ..

الله يحييج حبيبتي

الدببة اللي شريتيهم شفتهم حدهم روعة ايونسون انا خذيت جم واحد حق بنت اختي

سكون > عليج بالعافية

 

[ضحكة الدنيا]

سارة ستايل
هالالوان فعلا حلوين انا شريتهم لعيالى استانسوا واايد عليهم
وفعلا ابو اميه عنده شغلات واايد تونس
مشكوووره حبوبه على الموضوع الحلو

 

[رفرف]

حياكم الله ياحلوااااااااااااااااات