فناتق بو100فلس.. بالشرح والصور ومتجدد بعد

[رفرف]

حياكم الله ...

وترى بو 100 اييبون شغلات وبعدين تنقطع يعني تلحقين او ماتلحقين ..
مرة يابو جنطة نايلون كبيرة تصلح حق بحر وتتسفط كبر البوك كيفت عليها بس حصلتها مرة وحدة وخلاص ..
ومرة يالبو جنطة ظهر حليوة حق اليهال شفافة على تويتي تهبل ب100 فلس (توني اذكرهم خل اصورهم لكم)

 

[*سكون*]

أول شي سامحوني بنات ما أعرف أصغر الصورة اكثر من جذي والحين ......

جديدي من عالم بو 100 وترا ورا الصورة شرح مسهب >>>>> صج مدرسة



شريط أحمر وفيه قلوب فلين بزري أحمر شكله روعه بزين فيه وأرحب بالقادمون من السفر ما عليه شغل هنود هههههههه بس صراحة ما ادري شايفينه ولا لأ أنا اول مرة اكتشفه وايد حلو ترا طويل يمكن طوله متر ونص انا اخذت 2 وباجر بروح اشوف فيه ألوان ثانيه وبشتري زينه وسوالف

وعندكم المفارش الصغيره النايلون حق الطاولات تحت القلاصات والصحون صراحة طاولاتي راحوا فيها من التزلق والبقع من أثر القلاصاات ما عليه شوي فيني عقدة من اي زلق .. اخذت نوعين مدور ومربع واطرافهم منقشه بذهبي وتصدقون الجيس فيه 6 حبات وب 100 عمااااااااااااار يا ديرتي بلا سفر ولا خرابيط ههههههههه

والاسوار لولو تصدقون ثقيل وومشكوك بسير شفاف شكله كلش مو ب 100 وكان اخر حبه قالي طاااااااروا ما ظل الا هذا خذيته حق بنتي ترا اول مرة اشوف هالاكسسوار

واخيييييييييرا ولدي خذا وايد خرابيط ما مداني أصور إلا هالحلو شوفوه شزينه هههههههه

 

[أغلى حبيبه]

عليكم بالعاااافيه

يبيله بو 100

 

[رفرف]

سكون عرفنا القمندة عيل طلعتي مدرسة من هييييييييك مدمنة على بو100 ..

القلوب الحمر شفتهم وعجبوني بس ماعرفت حق وين استخدمهم !!
والأساور شحلاتهم انا ماخذة نفسهم قلوب يهبلون وماخذة اساور بآخر مجموعة صور حطيتها صج صج حلوين ماخذتهم حق بنتي بس سويت سطو عليهم ولبستهم شحلااااااااتهم كلش ما يعطون انهم ب100 ..

 

[GAP]

انا اخر مره شريت منهم قران صغير مع جيس وورد صغير سويت منهم توزيعات بملجه اختي

 

[سياسية]

روعه موضوعكم .. و ما نستغني عن بو 100 فلس

 

[رفرف]

حياكم الله

 

[جونا]

ماشالله الموضوع إينن

يعطيج العافية رفرف

 

[زلابيا]

اليوم رحت بو 100 السالميه السوق الاحمر وخمطت من هالأرانب شكثر ..

قلت بحطهم يمكن رفرف تستفيدين منهم حق نون بنيتج

شكلهم وايد حلو ايونس

طبعا انا مقعدتهم جذيه لزوم الصوره

 

[زينة الخشة]

الموضوع يهبــــــــــــــــــــــــل
وينهم هذول
ميته على الدببة
والحين الارانب سوووووووووووووووو كيوت
بالمناسبة اشلون انزل الصور
وشكرا مقدما

 

[رفرف]

زلابيا انا اليوم بسوق السالمية الاحمر وماشفتج ...
(لاحظتي اني كله منقعة هناك والا بعد ؟؟)

ماشفتيني مع بنتي الملسونة اللي فشلتني باعلى حسها اتقول : احنا متى بناكل ؟؟ ترى ابوي ماشرالي اكل !!!! انا يوعانة ليش ماتعطوني اكل ؟؟
نرجع حق محور حديثنا ..

هالارانب شفتهم من زمان حلوين يهبلون بس اختي خذتهم حق نون ولدها فماخذيتهم والا يهبلوون

 

[فراولة^فوشيا]

تسلم اييدج رفروووفه على هالموضوووع الحلوو

صج موضوع مفييد

متاااااااااااابعه لماا اشارك معاااكم

 

[رفرف]

قعدت احوس بالبيت لقيت لكم جم صورة ...
سلة حلوة (انا ماخذتها حق معطرات الجو الصغار اللي ينحطون بالفواحة بس هم حليوة حق القرقيعان )
وواير تلفون
وتيب شفاف
وتلوين مادري شسمه اللي يلصقون فوقه الرمل الملون

وهاذي منفضة ناعمة انا انظف فيها الكيبورد

 

[زلابيا]

لوووووووووووووووووووووووووووووووووووووووووووول

رفرف بنتج ضحكتني اسم الله عليها .. اي ليش ميوعينها مسكينه

الساعه جم كنتي هناك؟؟

انا من زماااااااان مو رايحه طارت عيوني منزلين اشياء توني اشوفها يبيله مره ثانيه وان شاءالله اشوفج

 

[رفرف]

زلابيا
لااااااااااااااا مو ميوعينها الا اهيه ملسونة اسمالله عليها قصت عالابو شرالها مكدونالدز وبعدين فراولة وبعدين برد وبفك وحلاو وجان زين تاكل قرمة وتقطه وسوت حق الأبو نفس الشو قالتله ماما ما عطتني غدا انا ما كليت انتو ما تشترون لي وتدرين الأبهات كلش ما يقاومون بناتهم وتالي يات حضرتها تبي تقص علي !!

كنت اهناك تقريبا من 5ونص الى 7 !!

 

[زلابيا]

لووووووووووول اسم الله عليها عسى الله يحفظها ويخليها لكم

بالوقت اللي كنتي فيه احنا بلشنا تشطيب على بو 100 وبنطلع ..

بس انتي ما لاحظتي ان هذي ثاني مره ان انا وانتي نحوس بنفس المكان:eh_s(10):

هذيك المره سيتي سنتر شريتي توستر ميكي ورفيجتي بعد شرته وهالمره يم بو 100

ممممم اكيد مرينا يمكم..

 

[رفرف]

زلابيا أكييييييييييد ...

عاد اقولج شي يضحك ؟؟
وانا قاعدة احوس في حبيبي بو100 والا في بنتين وحدة منهم قاعدة تتكلم بالتلفون تقول : انا قاعدة احوس في بو100 خو من عقب المنتدى أدمنا !!!!

تخيلي شنو شعوري حزتها ؟؟؟ خخخخخخخخخخخخخخخخخ
يالله اعترفو منو فيكم كانت في بو100 السالمية هالحزة ؟؟

 

[*سكون*]

أنا كل ما أدخل بو 100 اتييني الضحكة وأحس ريلي يشوفني ويقول بقلبه اشفيها هذي استخفت ههههههههههههه وأبقق عيوني أشوف الأوادم اقول أكيد في منهم بنات من المنتدى

 

[منوووووله]

انا اليووم رحت بو اميه السالميه المعلم بس انزل الصور وحطهم

 

[b6o6a]

والله تصدقون يبيله شباصات

مو كليرز مره خميتلي منه شباصات مع جم اكسسوار طلعلي ب40