فناتك يديدة لعصر ابلة الروضة وتنشيفها وتجفيفها عالآخر !!!!

[{ملاك}]

السلام عليكم ورحمه الله وبركاته



من العنوان مبينة الطناقر

ابلات من صجهم هالموجهات مطلعين قرار
ان اذا غبتي وعليج الحلقة .. الثانية اللي معاج تقدمها بدالج
وتقدم لاصفيها
وانتي عقبها تداومين تقدمين حلقتها بدالها ولاصفييج
وحتى لو غبتي 3 ايام تندقين دق تاخذين حلقاتها ولاصفياتج مع بعض وعادي يحضرونلج ويقيمونج وهي مو حلقتج اساسا !!!!!!!



يعني بفهم الابله آلة ؟ مكينه ؟ والله حتى المكاين يطفونها عشان ماتخترب وتنفذ طاقتها شلون عيل احنا الاوادم البشر ؟
فهمونا لي ويين بتوصلون يا موجهات الرياض ؟
مو كافي مندقين دق طول النهار ؟ وتقولون عشان نحد من غياب المعلمات ؟
يعني مو كافيكم حكرتونا بـ 15 يوم وبعدها خصم ؟
وينج يا الفاضلة موضي الحمود تشوفين المعلم اللي مايستحق يندرج تحت بند الاعمال الشاقة ؟
شناطرين ؟ نصير مثل الهنود نعلق مشانق بالمروحه وننتحر مثلا ؟
ولا نييبلكم كفن وحدة وحدة فينا عشان تقتنعون ان الناس ظروف .. وحدة تمرض والثانية ابوها ينازع على فراش الموت وعقب عزاه تداوم مكدشينها ؟
شالقرارات اللي ما ادري من وين وليش واشحقة
كااافي كاااافي خليتوا اللي يفكر ينتقل ... يصرف نظر ويستقييل مرة وحدة وعلى الله نعيش




رفعوا اياديكم بهالساعة وقولوا يا ابلات الرياض
حسبـــنا الله ونعم الوكيل

دعوة المظلومين مستجابه



وين الاستقاله رايحة اكتبها ((

 

[sunshinq8]

رد : فناتك يديدة لعصر ابلة الروضة وتنشيفها وتجفيفها عالآخر !!!!

والله صج ماعندهم سالفة الكل تخربط على هالقرار يا جماعة ترا في ناس يتعبون و موسم مرض و صفري يعني اهي ماغابت الا لانها مريضه المفروض هالقرار يصير على الغياباتها زايده و معروفه بالغياب مو اللي تغيب وعليه مريضه وين فيها حيل وهم بيدشون عليها يعني و يقيمون جذي الجدول يتخربط و التقيم و ضغط نفسي على الابله بعد هم راده من تعب و مرض و ايدشون عليها انزين راظين بالنسبه للحلقة عشان انها مشتركه بلعنا العافية و سكتنا وهالشي نعرفه بس اللي تغير فيه انه يكون فيه دخول ولا من عمر ناخذ بدال الغايبه و نشرح عادي و الفرق الدخول ثاني يوم بس شكو اللاصفي خو هالفتره مو مشتركه شكو بعد اشرح بدالها لاصفي اذا غبت او اخذ لا صفيها يعني اذا عندي حلقة واركان و فرصه بنفس اليوم و الاخت غايبه اخذ لاصفي بعد والله مكينه انا يعني و لا شنو اللاصفي من عمره يتوزع احتياط شالسالفة ولا يعني يطلعون قرارات عشان بس فلانه طلعت قرار يبا طلعي قرارا بشي حلو ندعيلج مو ندعي عليج والله ما عندهم سالفة بالمره انا منطقة حولي ما ادري هالشي بس بمنطقة حولي و لا على الكل ؟؟؟؟!!!!​

 

[عهود الحب]

رد : فناتك يديدة لعصر ابلة الروضة وتنشيفها وتجفيفها عالآخر !!!!

قديم كلامج شلون توه حاشكم !
بس تطبيق ترى مافيه هههههههههههههههه
بس حجي فاضي
و التوجيه دياية أم احمد :dddds:

 

[alshaikha]

والله حرام عليهم اللي يسوونه فينا أنا بعرف هالموجهات اللي يصدرون القرارات مافيهم وحده سنعه وتخاف الله جنهم ماكانو مدرسات قبل مانقول الا حسبي الله ونعم الوكيل