فنادق ماليزيا

[نسكافيه00]

بنات انا كنت ابي احجز بفندق تايم سكوير بكوالالمبور بس اللاسف كل ماروح سفريات يقولون فل ماكو غرف فاضيه
ابي تدلوني على فندق 5 نجوم ويكون بشارع العرب نفس تايم سكوير او قريب منه وقريب من المجمعات بس يكون نظيف وممتاز
بلييز ضروري لاني باجر بحجز
غير الماريوت

 

[عمشه المنتفشه]

والله وايد ناس تذم تايم سكوير يمكن حظج حلو ماحصلتي حجز

انا سكنت بالنوفوتيل 4 نجوم رووووعه ماتصدقين انه 4 وهم يم البافليون

وهالسنه بحجز الملينيوم 5 نجوم بس للاسف مالقيت وهو بشارع العرب

عندج احسن الفنادق ماريوت

ملينيوم

وستن هذا توووب

وواحد ثاني اتوقع اسمه استانا او شي جذي بعد يمدحونه حيييل بس شوي بعيد جنه

واذا تبين 4 نجوم بس فخمين وماتتحسفين


نوفوتيل

تريدرز


هالسنه حجزت بكراون بلازا وايد حلو وفخم بس يبيله 5 دقايق مشي حق شارع العرب


دشي موقع دليل ماليزيا تلاقين كل فندق نبذه عنه وموقعه وصور الغرف والفنادق

 

[عمشه المنتفشه]

اي صج ترا في فنادقق 4 نجوم افخم واغلى من فنادق بو 5

عندج مثلا تريدرز 4 نجوم بس غالي وفخم حيل ويقولون ماصنفوه 5 نجوم لانه ماعندهم لوبي بس

 

[خشف بدو]

حبيبتي انا ساكنه بالماريوت عجيب..
واختي سكنت بلي يمه وستن حده حده عجيب ..
لا ماانصحج باستانا مو حلو وبعيد اختي الثانيه اسكنت فيه تذمه حيل وبعيد عن شارع العرب

 

[نسكافيه00]

مشكووووووره حبيبتي
ماقصرتي

بشوف تريدرز او استانا وانشالله احصل حجز

 

[نسكافيه00]

استانا مو حلو؟؟
دام في احد يذمه بشيله
وبشوف تريدرز ووستن بعد

 

[عمشه المنتفشه]

ترا نريدرز مو يم شارع العرب اهو يطل عالبرجين يبيلج تقريبا 10 دقايق مشي لشارع العرب

انا بسكن بكراون بلازا جيكي عليه حيل حلو وفخم مايطل على شارع العرب بس قريب حيل منه يم ماريوت

 

[مزيونة الهيلا]

احنا سكنا بشنجريلا صج روعة ونظيف وراقي وفيه لوبي وكافيه وحديقة والريسبشن الي فيه حيييييييييل


حبوبين ومتعاونين لاقصى درجة وقريب من البرجين تروحين مشي وعشر دقايق لشارع العرب ويمه بقاله عند محطة


البنزين حجزيه وانتي مغمضه واي استفسار انا جاهزه وشوفي موقعه وانتي حكمي