فنانات الكبب والكروكيت والرولات بليز ابي مساعدتكم ..رمضان قرب ..خل نسويلنا ركن للكبب

سلايل*عبس · 5 أغسطس 2009

السلام عليكم اشلونكم كويتيات اشلونج مشرفتنا

لاخلاااااااا ولااااااااااااااااعدم منك طبعا اي شي احتاجه مافكر ادوره مني مناك على طول اسال كويتياتي الغاليات ومتاكده بحصله بارك الله فيكم طلبي واضح من العنوان ..

بغيت افضل وصفه
لـ :
1-كبة البرغل
2-كبة البطاط باللحم
3- كروكيت البطاط بالشيدر
4-كبة التوست بانواعها
5- الافخاذ الكذابه
6- الرولات : دجاج -خضار-كرافت

وشاااااااااااااااااااااااااااااكره لكم تعاونكم اللي خلى منتدانا نمبر ون :eh_s(15): بالنت كله

فيدوني وخلوا باقي البنات يستفيدون رمضان على الابواب وتعرفون هالشي تعودنا عليه برمضان والصراحه هالسنه انا وخواتي متحمسين نسوي شغلنا بايدينا

واي اضافات عن اي انواع ممكن تفرزن من كبب او هالشغلات يليت ماتبخلون فيها :tek:

بانتظار مشاركاتكم ...............................................

_03BA:

ريم الصبايا · 5 أغسطس 2009

اهلين حبيبتي انا سويت كبة برغل باللحم

وهذي مقاديرها

اول شي تجهيز عجينة الكبه:

تخلط المقادير وتفرم وتعجن مره اخرى باليد وتتبل بالبهارات والملح

طريقة الحشو :

طريقة الحشو في جميع الكبب تقريبا متشابهه ... بس لكي فيها بعض الخيارات ... اما انك تحطي بالحشو الزبيب او تحطي صنوبر او بدونهم انتي وذوقك يعني

ونشوف الطريقه :

نص كيلو لحم مفروم ... 2بصل مفروم ... 2 فص ثوم مفروم ...بعض الخضراوات مثل الكزبره او الاشبنت .. وملح وبهارات مشكله وكركم ... اضافة الكشمش او اضافة الصنوبر ... وطبعا الفلفل الاسود

نحط اللحم على النار ونحرك فيه لما يطلع مائه ... بعدها نضيف البصل والثوم وقليل من الزيت ونحرك فيه لما يذبل البصل اشوي ...وبعدها نضيف الخضره والبهارات والكركم والفلفل الاسود والملح ولما يختلط باللحم جيدا ... واخر شي نضيف الصنوبر او الزبيب ونحرك فيه اشوي ونطفي
عنه النار ..

وعند التكبيب او التشكيل :

نضع بجانبنا ماء مثلج ... ونبلل اليد ونشكل فيها شكل الكبب

عند القلي :

الزيت يكون غزير وساخن ... وعند وضع الكبه نوطي على النار وخاصتا لو كانت مثلجه ... حتى تستوي على مهلها من الداخل وماتكون الحشوة بارده ... ونضع اربع حبات فقط حتى ما يبرد الزيت ... واتففت الكبب بعدها ... وتقلى حتى تتحمر من كل الجوانب ... وتوضع على ورق نشاف وبعدها تقدم

ماخذه الطريقه من العضوه ام عزيزان
بمنتدى ثاني وطريقتها روعه بس انا ماحطيت كشكش ولا صنوبر مااحبهم

كبة البطاط بالدجاج

بطاطتين كبيره سلقتهم بالماء لا تخلينها تصير لينه وايده

وحطيت كوب واحد رز (الكوب= كاس الجبن) وسلقته لمدة خمس دقايق بس

وبعدها حطيت البطاط والرز في صحن لما يبردون وطبعا صفيتهم من الماء قبلها

وفرمتهم بالفرامه مره وحده بدرجة الوسط

وحطيت الملح واشوي كركم عشان تاخذ لون بس وبديت اشكلها

وما شاء الله كانت العجينه مضبوطه

وكانت تحتاج القليل من الماء المثلج بس عشان اشكل فيها

وبعدها قليتها بزيت غزير واخليه اشوي وبعدين اقلبها عشان لا تتفتت وكانت مقرمشه ولذيذه

حشيتها حمسة دجاج مفروم وشكلتها كور

كبة التوست بالجبن والزعتر

ابتكار من افكاري

خذيت كيس توست اسمر ونزعت الاطراف

وفرمته بالفرامه

وخلطت وياه كاس حليب بارد

وعجنته وحطيت ملح وفلفل اسود

سويتها بشكل الدمعه وحشيتها جبن غمستها بالبيض بعدين بالزعتر وثلجتها

جارة القمر · 5 أغسطس 2009

جارة القمر · 5 أغسطس 2009

كبة التوست

كبة التوست

المقادير:
- واحد كيس توست أسمر.
- نصف كوب شبت مفروم .
- كوب ماء .
- نصف كوب حمص جاف.
- كوب بصل مفروم.
- نصف ملعقة بهار مشكل.
- نصف ملعقة صغيره لومي أسود(ليمون اسود).
- ملح بقسماط زيت للقلى

طريقة التحضير:

1- ضعي التوست والشبت بالخلاط وافرميهم .
2- أضيفي الماء واخلطي إلى أن تتكون عجينه متماسكة ومتجانسة.
3- أسلقي الحمص.
4- أقلي البصل على النار حتى يذبل.
5- ضعي عليه الحمص المسلوق والملح والبهار واللومى ويقلب على النار مده 5 دقائق.
6- قسمي العجينه إلى كور صغيره بحجم الجوز واحشيها شويه من البصل والحمص وكوريها بالشكل اللي تحبينه ثم غطيها بالبقسماط واقليها بالزيت الغزير حتى تتحمر.

منقوووول

البحث

فنانات الكبب والكروكيت والرولات بليز ابي مساعدتكم ..رمضان قرب ..خل نسويلنا ركن للكبب

سلايل*عبس

New member

ريم الصبايا

New member

جارة القمر

مشرفة قسم مائدتك

جارة القمر

مشرفة قسم مائدتك

فنانات الكبب والكروكيت والرولات بليز ابي مساعدتكم ..رمضان قرب ..خل نسويلنا ركن للكبب

سلايل*عبس

New member

ريم الصبايا

New member

جارة القمر

**مشرفة قسم مائدتك**

جارة القمر

**مشرفة قسم مائدتك**

مشرفة قسم مائدتك

مشرفة قسم مائدتك