فندق ميلينيوم بوكيت .. وماريوت بانكوك !!!

[دلع الكون]

شلوووووووووووووونكم بنات

انشالله بروح بوكيت وبانكوك 1/3 وحاجزه فندق ميلينيوم بوكيت الي في الباتونك بيتش وفندق jw ماريوت الي في بانكوك..
حبيت أسأل الي عندها معلومات عن الفنادق هذي من حيث النظافه والموقع والخدمه وكبر مساحة الغرفه لأن معاي بنتي عمرها 5 سنوات بعرف تكفي المساحه عشان أحط لها سرير أضافي أو لأ ..

 

[أحلى همبه كويتية]

الملينيوم في بوكيت يهبل
انا سكنت فيه السنة الماضية وموقعه اينن :eh_s(9):
فيه سوق وكارفور وقريب على البحر
واشكثر مطاعم وقعدات خارجية تهبببببببببببببببببببل

والبحر قريب عليه وايد مشي 5 دقايق بس
سالي الفندق يدلونكم اشلون توصلون البحر

والبنوتة صغيرة نوميها معاك على السرير
لأنه كبير اذا تبين
وفيع صوفا بالغرفة بعد
انا ولدي كان ينام عليها

والحمام فيه ستارة مكشوفة يهبل
والأحلى فيه شطاف للماء في الحمام (عزك الله )


والبلكونة ترد الررررررررررووح خصوصا اذا طق المطر

هذه غرفتنا كانت عادية السوبيريور
اذا بتحجزين الديلوكس مثلا اكيد المواصفات بتكون افضل واحلى
شوفي تقريري مع الصور


ماريوت في بانكوك
ما أعرف عنه شي
بس عموما كل الماريوتات حلوة

:bye22:
رحلة موفقة يارب وتروحون وتردون بالسلامة

 

[0ام الحلا0]

موفقه

 

[ديناا كوليكشن]

اشتهيت اروحلها

تروحين وتردين بالسلامة

 

[غالية زمانها]

انا ماصار لي اسبوعين من رديت من تايلند
وكنت ساكنه بوكيت بفندق مليينيوم بس ترى في فندقين
مليينيوم البيج والمليينوم الليك .. وطبعا كلهم تبع بعض
ماشاء الله احنا سكنا بالمليينوم الليك من ناحيه النظافه 10من 10
ومن ناحيه المكان زززين لان تحتج كل المطاعم حق التوهق ..
وعندهم ميزه حلوه هالفندق عند باب الفندق حاطين سياره اتقطج عند اول السوق الليلي
والعكس
وتحتج المجمع حق السوق .. وعن البحر يبي لج مشي اتروحين له
واحلى مافي الفندق انه هادي .. مافي ازعاج بالمررره ..
من ناحيه بنتج احنا كنا حاجزين الغرفه العاديه وكانت واسعه فاتوقع اتخلينها اتنام على القنفه تقلب فراش

بس نصيحه .. اخذي ملابس خفيفه .. لان موت حررررررررررررررررررر

واي شي تبينه انا حاضره .. ادري قرقرت عليج

 

[زقرتية]

بناات شنوو فنادق حلوةة بعد اب بانكوك وبوكيت
تكون قريبه يم المطعاهم والمجمعات واسعارها معقوله ونظيفه

 

[om MaRyooM]

هلا والله ..


بالنسبة لبانكوك والله مادري عن هالفندق انشالله البنات يفيدونج

اما الميلينيوم مأقدر اقعد بغيره . . اينن والمسبح مالتهم فظييييييييع كنت اروحله من الصبح ومااطلع الا العصر او من العصر ليييي بالليل على مايصكونه لوول ونلعب كرة انا وريلي فيه ونتحرش باليهال الي فيه لوول

واحلى مافيه ان هالفندق راقي ونظيف وعندهم نوعين من الغرف غرفة عادية والغرفة اللي فيها جاكوزي وتطل على المسبح تينن طبعا
وجربي الـspa مالتهم نصيييحة فظيع ..
انا جربت عندهم انا وزوجي تنظيف البشرة... وانا سوولي تدليك .. تدليكهم موطبيعي
وكافي ان هالفندق بلزقه المجمع وجمعية كارفور



وتكفين حطيني بالجنطة معاج لووووول.. تروحون وتردون بالسلامة ...
اي صج اذا حابة تشوفين صور الفندق دخلي توقيعي

 

[أحلى منشوله]

انا سكنت بالمليلينيوم الغرفه كبيره تكفي بنتج معاج و احلى مافي هالفندق المجمع اللي لازق فيه و يفتح على الفندق و الخدمه حلوة بس مادري حسيته بعيد عن البحر بس ترى ما تحتاجين البحر وايد الا اذا تبين انشطه بحريه .. لان بوكيت حلاته برحلاتها انا سكنت بهالفندق ليلتين بعدين رحت فنندق ثاني لازق بالبحر عشان الانشطه البحريه

 

[فتافيت.]

يهبببببببببل الفندق توني راده منه رووعه حدددددده

 

[DANA 22]

فضيع مالينيوم صج فندق اعطيه ١٠٠٪