فنون قتاليه

[Fatima]

:eh_s(8):
ابي نادي يعلم الفنون القتاليه
المارشل لو والكونفو والكراتييه والتايبو والكك بوكس
منويعرف وسعرمعقول
واذا ماكو وين احصل اشرطه او ديفيدي او مواقع

 

[Fatima]

شدعوه محد رد علي ولا دش بموضوعي :eh_s(14):

 

[حنون المزيون]

ماعرف بس ماحبيت ادخل ولا ارد عليج
اقوووول مالج الا تتابعين mbcآكشن

 

[almost a whisper]

انا ودي بعد .. بس مادري من وين
بنات قالولي يعرفون جم نادي .. بس حق الرياييل مو حقنا

اذا عرفتي قوليلي

 

[BlackRose]

بالنادي العربي في نادي صغير يعلم الفنون القتالية

 

[almost a whisper]

بالنادي العربي في نادي صغير يعلم الفنون القتالية

حق بنات؟؟ لا تقولين مختلط

 

[ii DareeN ii]

النادي العربي يقولون في مدرسه كويتيه تدرب ايكيدو هذا الي انا سامعه فيه بس اتوقع مو مختلط قاعه مخصصه وانتي تقدرين تسالين

 

[ظلال القرآن]

انا اشوفهم بشامبينز يتدربون فنون قتاليه

ودي ادش معاهم بس خل اضعف >>>> راح فيها ابو الشباب

 

[BlackRose]

نادي الفتاة مو مختلط ويدربون تايكواندو

 

[Fatima]

زين في احد تكلم بموضوعي
لانه كل من ابطل له الموضوع يقولون شنو انتي صبي
وريلي يقول شنو انتي ريال وين انوثتج

 

[كويتية أصيلة]

شوفي الله يسلمج ولو ان الموضوع قديم

بس توني اشوف الموضوع

عندج نادي الفتاة تايكواندو وكاراتيه

وانا افضل التايكواندو المدرب اسمه دكتور وليد سراب ويعتبر الافضل بالنسبة للتكنيكات

نفس المدرب يدرب بنادي العربي في اكاديميه التايكواندو .. نادي الفتاة اتوقع عشرين دينار دفعتهم مره وما دفعت بعدها لان اتوقع اذا تواصلتي وقمتي تداومين بانضباط معاهم ما تدفعين

اكاديميه التايكواندو بالعربي 15 دينار بالشهر وكلهم بنات

وعندج بالنادي البحري عند كابتن محمد مطر هم مدرب وايد زين بس مختلط وما ادري جم اشتراكهم

عندج بنادي السالميه كابتن ماجد بس ما اذكر ماجد شنو هم مدرب جيد جدا بس ما ادري بعد جم اشتراكهم ولا اتوقع يتعدى العشرين دينار وما اتوقع مختلط

وبس هذا اللي اعرفه

 

[دانتيل]

انا ودي صراحه بس متخوفه ما ادري ليش بس حده ودي

 

[مرت ريلي]

بالعكس مالها علاقة بالرجولة أو الانوثه حالها حال أي رياضة

 

[jolie_q8]

اي والله حتى انا ودي اتعلم

بصراحه تعطي لياقه

ان شاءالله بمر نادي الفتاه واسألهم

 

[عالي مستواها]

حلوه الفنون القتالية تعطي ليونه ولياقة

قولوا بعد إذا تعرفون نوادي غير اللي انذكروا بالموضوع

 

[login]

حلو موضوعج ذاك اليوم ببرنامج عالوطن حطوا البنات اللي فايزين بجوائز من برا الكويت بالتاكوندو واي حدهم يشجعون بس ماله شغل بسالفة الانوثه والرجوله لانها رياضه انا اللي اعرفه ان نادي الفتاه في هالرياضه وبصراحه النادي بالصيف وااااااااااااااااااااااااااااااااااااايد زحمه انا لما اخلص من الجامعه امر صوبه واااي يالزحمه بس ايام الدوام العادي مو زحمه

 

[barbya_q8]

يالله شوفو وقولولي انا بدش وياكم ودي بعد وناسه اذا صرنه مجموعة مع بعض