فهد الصقر اللي يعطي دورات تعرفونه؟؟؟

[اللبـــوة]

السلام عليكم بنات ...

حبيت أسأل عن شخص يعطي دورة تعليمية للتداول بالبورصة اسمه/ فهد الصقر. اللي سامعه عنه او عندها فكره عن هالموضوع جان زين تقولي شرايها فيه؟؟​

 

[kuwaitya_zoGaa]

والله كل اللى خذوها ذموها وعلى ذمة اللى قالى
حبيبتى البورصه مايبيلها شى

 

[اللبـــوة]

ما فهمت قصدج حبيبتي..
تقصدين ما يمدحون فهد الصقر؟ أو ما يمدحون الدورات بشكل عام؟
لأن بصراحه انا مضطرة آخذ دورة عشان يكون عندي خلفية شوي قبل لا ادخل فلوسي بالبورصة​

 

[kuwaitya_zoGaa]

حبيبتى الدوره مايمدحونها ...
انتى تقدرين تتعلمين بروحج روحى بس يومين وتفهمين كل شى

 

[اللبـــوة]

مشكوووووورة كويتية زوووغه بس انا خوافه - اخاف اخربط الدنيا واخسر فلوسي كلها-
وغير جذي انا موظفة، فالصبح ماقدر اروح البورصة عشان اتعلم
بفكر بكلامج عدل، مع اني دفعت فلوس الدورة بس أجلتها لأن الوضع بالبورصة مايسمح ادش الحين
اشكرج زوووغه ونخدمج بالافراح والليالي الملاح ​

 

[kuwaitya_zoGaa]

هلا حبيبتى اشدعوه ماسوينا شى
على فكره انا كنت موظفه سابقه فى البورصه واى شى تحتاجينه لا يردج الا لسانج حبيبتى ....

واهم شى تعرفين الوحدات + الاسعار ...
وتختارين لج شركه وساطه ثقه
واهم شى تركى عن الطمع لانه اذا شفتى الربح والفلوس راح تستانسن وايد وراح تطمعين
نصيحتى لج اخذى ربحج وطلعى حتى لو السهم يكمل اهم شى انج طلعتى ربحانه
وعليج بالاستغفار ثم الاستغفار ثم الاستغفار .

 

[wa7da_3asal]

انا مره شفته حاط اعلان عن دوره بالجريده دقيت ولا السعر غالي ماعجبني

 

[زهرة البنفسج22]

كويتيه زوغه نورينا ابي افهم شتو البورصه وشنو شنو شنو فهميني

 

[أساور]

كويتية زوغة شنو شركات الوساطة الثقة اللي تنصحينا فيها

 

[إنسانه بكل حالاتي]

كويتيه زوغه يعطيج العافيه لاتقصرين معانا

 

[*ام يوسف *]

مرحبا انا انضم للبنات ابي احد يعلمني عن البورصه عفيا علمينا كويتيه زوغه

 

[kuwaitya_zoGaa]

هلا وغلا يابنات
ان شاء الله لى عوده لكم وراح احط لكم الاشياء المهمه ...

 

[miss5]

والله اعرف ناس وايد امدحوه كان قبل يعطي عن طريق الجامعة

بس ترى اهوه راح يعطيج الاساسيات والشغلات الثانية ماراح تستوعبينها الا بالممارسة

 

[عــاشــقــه]

فـــي كـــتـــب تـــعـــلـــمـــج طـــريـــقـــة آلـــتـــدآؤل بـــآلـــبـــؤرصـــه تـــنـــبـــآع بـــمـــكـــتـــبـــة جـــريـــر ؤإنـــشـــآلــلــه
بــشــتـــري ؤآحـــد
أتـــمــنـــى أكـــؤن أفـــدتـــج
مـــؤفـــقــه يـــآرب

 

[أم منصـ 85 ـور]

انا دشيتها ماعنده سالفه .. آخر شي عطيت بيزاتي لأبوي يضارب فيهم بالبورصه مع حلاله