فهموووووني شلون ادش العاشر؟؟؟

[كــوب كــرك]

تكفون ابي افهم يقولون دشيتي الشهر العاشر بلله فيه شهر عاشر؟؟؟!
الحمل ربي قال 9 شهوووور
شلون ادش العاشر؟؟
صار لي اسبوع بالعاشر اخ دوره كانت5/13. ياليت اللي تعرف تفهمني

( على فكره توقيعي مو مضبوط متاخر)

 

[المها الابيض]

اي عادي وايد نسمع عن اللي يدشون العاشر
وانا وحده منهم خذيت ٦ ايام على موعدي الاخير

بس على كلام يدتي الله يطول بعمرها
تقول مافي شي اسمه العاشر سبحان الله
الحمل يتم موعده ٩ شهور
معناته انج حملتي متأخر وحاسبيلج وقت الحمل غلط

 

[c a t w o m a n]

عادي حبيبتي تعوشرين خصوصا إذا كنتي بجر تاكلين شهرج


الله يتمم عليج وتولدين بالسلامة

 

[أم عزيـز]

لوووووووووووول
يا قلبي حاسه فيج انا مثلج كله ادش العشر

لا حبيبتي لا تحاتين يكون الحمل صار متأخر فالحسبه تختلف يعني على حسبه الدكاتره
انتي خلصتي شهرج ودشيتي العاشر بس محد فيهم يدري متى صار الحمل بالضبط يمكن صار متأخر قبل الدوره بجم يوم
فراح تطوفين حسبة الدكاتره وتدخليين العاشر على قولتهم لكن فعلا انتي لي الحين ما خلصتي شهرج

وفي حريم يخلصون التاسع وفوقه 10 ايام مثلي وبالاخير طلق صناعي
ما ادري ليش يعطوني فوق التاسع اسبوعين وما اولد
بس الحمدالله اخر مره ما طولت بعد التاسع ب4 او 5 ايام ياني الطلق وولدت من نفسي ماشاء الله تبارك الله

انتي لا تحطين في بالج هالكلام اهم شي امشي على رمل البحر وشربي حلبه وحليب زعفران وكثري من اكل التمر والجماع وربج يسهل عليج ان شاء الله

 

[felfelah]

عادي مثلي بس انتي احسبيها بالاسابيع لازم توصلين 41 اسبوع و تربين
الله يسهل عليج

 

[$special$]

اي عادي حبيبتي بالكثير 10 ايام ويولدونج بطلق صناعي لو مايالج طلق ومانزل الماي

 

[زين ودلال]

الله يسهل عليج يارب

ومثل ماقالوا اكيد الحمل صار متاخر

 

[كــوب كــرك]

شكرا حبايبي ع الردود
الله يسهل علي

 

[شيخه كويتية]

الله يسهل عليج ياربي

 

[ناتشوو]

انا جذي
بس ديري بالج
ضروري يوم وترك تسوين تخطيط
( ممكن اي مستشفي حكومي يستقبلك ويسويه ومو شرط ولادتج عندهم)
لان احتمال تنفصل المشيمة لا سمح الله
فتكونين متابعه
طبعا
انا اتكلم عن تجربتي
بس الحمدلله ربي ستر وحفظ البيبي

 

[Ro00os]

حبيبتي عادي هشي لاتحاتين ربي يسهل عليج انشالله

 

[You FOR Me Only]

الله يسهل عليج وعلينا

 

[AVE.NJ]

اي يصير عادي
بس مايطلع الا بيومه
بس روحي سوي تخطيط
علشان تطمنين
والله يسهل عليج انشالله

 

[ريح قهوه]

اي انا ادش العاشر سبحان الله

 

[BubbLe87]

امي قالتلي ماكو شي اسمه ادشين العاشر ماكو شهر عاشر
مثل ما قالوا البنات حملج يكون متاخر
الله يسهل عليج و علي و على كل حامل يا رب

 

[LiL MaMa]

صح كلامج مافي شي اسمه الشهر العاشر الحمل 9 شهور
هذا يصير غلط بالحسبه

الله يسهل عليج و يرزقج الذريه الصالحه

 

[مفرفشة ومنعنشة]

حبيبتي يكون اختلاف بالحساب
الدكتورة تحسب لج متى صار الحمل بشكل تقديري
وانت تكونين بالصج حامل بعد الموعد الي قالته لج
عشان جذي تعدين موعد الولاده الي قالت لج عنه الدكتوره

الله يهون عليج وعلي وكل حامل ويرزقنا مانتمنى يااااارب العالمين
يالله هون الطلق وحسن الخلق

 

[كــوب كــرك]

اب اب

 

[ضحاوي الديره]

حبيبتي مافي شهر عاشر بس الحمل صار متأخر فحسبتج غلط
وبسس