فوضى الحواس

[**fairytale**]

السلام عليكم


اشلونكم بنات ؟؟

عندي استفسار بخصوص روايات أحلام مستغانمي، نصحوني برواياتها و قبل فترة شريت
" فوضى الحواس " ، بس قريت إن اهيا عندها ثلاثية ، فما أدري يعني هل هذا معناته إن كتبها أجزاء
و اللي ما يقرا الجزء الأول ما يفهم الثاني ولا شنو بالضبط ؟
و هل تنصحوني أبدأ في فوضى الحواس أول شي بعدين أقرا البقية.. وهل باقي الكتب موجودة في الكويت ولا لأ ..
و يعطيكم العافية ​

 

[&& دعاء &&]

سمعت عن الكاتبه بس ما حصل اني قريت لها شئ
اعذريني ما اقدر افيدج بشئ
تقبلي مروري

 

[دلع السلاطين]

اهى عندها كتاب اسمه فوضى الحواس وعابر سرير وذاكره الجسد

واخر اصداراتها نسيان كوم

انا قريت نسيان كوم وناويه اشترى الباااجى
بس ماادرى خصوص سؤااالج

 

[بنوتة طموحة]

شوفي حبيبتي

اهي عنده ثلاث روايات متصلين ببعض يعني بينهم خيط رفيع مو نفس الأحداث بالضبط

بس جد وايد راح تستمتعين إذا قريتيهم بترتيبهم أنا قريتهم بالترتيب وايد اعجبتني

الأولى ذاكرة الجسد تالي فوضى الحواس وآخر شي عابر سرير

أتمنى لج الاستمتاع بقراءتهم

بس حبيت أسألج من وين شريتيهم لأني أنا قريتهم ع النت

 

[al-musk]

فوضى الحواس مو طبيعية تسوي فوضى فعلا داخل نفسج..بس عيشي الجو عدل

انا قريت كل كتبها الرواية الثلاثية بس مو متصلين فعادي بلشي بفوضى الحواس اول شي..

قمة بالمشاعر والاحاسيس وراح تستمتعين بالاسلوب والكلام الحلو

 

[سبائك]

اليوم وصلني ايميل عن مسلسلات رمضان فلفت نظري مسوين مسلسل سوري اسمه ذاكرة الجسد ماخوذ من روايتها

انا اول مره اسمع عنها بس صار عندي فضول اقرا روايتها ان شاءالله

 

[موت وميلاد]

الصراحه ماعجبني فوضى الحواس

 

[LA TROO7]

انا الحين اقرأ عابر سرير

وكتبها مو اجزاء عادي تبلشين بأي واحد

القمه عندي نسيان كل فترة ارجع اقراة من جديد

 

[غيدآء]

مشكووورين حيل استفدت من هالموضوع

 

[Stylist]

بنات وين حصلتوا كتبها بالكويت
ابيها ضروري اللي تعرف تفيدنا بليززززززز

 

[LA TROO7]

^
^
انا حصلتها بمكتبه الاشراف اللي مقابل الكوت

 

[Stylist]

لاتروح
مشكورة حبيبتي ماقصرتي

 

[غرور المطيري]

أقريها عادي مافيه تواصل بسلسلتها ؛ أحلام مستغانمي أسم يفرض نفسه لو إيش ما كتبت ...!

 

[**fairytale**]

ثانكس حبيباتي مشكورين ما قصرتو
و انشالله راح بدي فيها الحين
وايد متحمسة لها
مشكورين