فوطي خشنه .. احط كومفورت ماكو فايده .. شسوي

[علايه]

جوه شخباركم

ما خليت منعم للملابس ما جربت

ما كو فايده .. الفوط خشنه

اشلون اخليها ناعمه ؟؟؟؟؟

 

[ريفيل]

تاكدي انج غسلتيهم عدل من الصابون يعني سبعتيهم عدل

 

[ام الغالي]

عندي نفس مشكلتك واغسلهم في غساله اوتو ماتيك

 

[^DanaH^]

خواتي ...

الملابس والفوط تصير خشنه لما نكثر الصابون اثناء الغسيل ومانشطفها عدل يعني لازم الغسيل له مقدار معين من الصابون ... وبعد ماتنظف نغسلها عدل لييييييين الصابون اللي بهالهدوم يطلع كله... يعني لو نقعتيهم بالماي ماتشوفين صابون يطلع بالماي ... بعدين انقعهم بماي مع كمفورت لمده ربع ساعه .... ولما نحطهم بالنشاف الكهربائي اننشفهم نص نشفه يعني انطلعهم مبلولين شوي ... ونشرهم.. لان النشافه تخلي الهدوم خشنه ...​

 

[قمه النعومه و الأنوثه]

والله اختي في بعض الفوط مع الاستخدام يخشنوون ومايردون انتي نقي نوعيه زينه اصلا يحتاج يتبدلون من فتره لي فتره​

 

[يارا 2]

حبيبتي أنا كنت اعاني من نفس المشكله بعدين قمت آخذهم بعد ماينظفون اكون مجهزه حوض فيه ماي مع كومفرت انقعهم فيه ربع ساعه وبعدين اعصرهم واشرهم وريحتهم تهبل مع نعومه

 

[غير كل الناس]

نفس ماقالو الخوات نظفيهم عدل من الصابون

 

[ام مضاوي]

يمكن نوعيتهم مو زينه

 

[زخارف]

انا اؤكد لج ان نوعيت الفوط مو زينة خليهم للمسح واشتري غيرهم لان لاكمفورت ولا غيره راح يلينهم وانا صار معاى جذى مع انهم من مركز سلطان وصناعة امريكية واحسن نوع اهو اللى من هوم سنتر وماركة امريكية اسمها canon اعتقد كتابتها جذى00000000ونصيحة الفوطة من اول ماتشترينها لازم تكون لينة

 

[*( وردة شـقـى )*]

نفس كلام خواتي بس ازيد عليه تعتمد على نوعيه خام الفوووطة