فيدوني بخصوص تطهير البيبي و رويال حياة الله يخليكم

[yono]

الله يخليكم يا بنات بخصوص تطهير الطفل...هل أطهرا و انا بالمستشفى والدة و أرتاح والا بعد فترة؟؟؟ و هل تطهير رويال حياة زين؟؟؟
و سؤال أخير للبنات اللي مرو رويال حياة قريب انا ولادتي انشالله شهر 10 و دكتورتي من برا كم تكلف الولادة اذا ليلي ولا كاميليا؟؟؟
و مشكورييييييييييين و الله يجعلا في ميزان حسناتكم اللي فدتوني:yaaaaaarb:

 

[miss mama]

رويال حياة مالي خبره فيه. بس التطهير انا نفسج كنت ابي اطهر ولدي وانا بالمستشفى عقب ماوالدته وسالت دكتور الاطفال قالي لا الاحسن تنطرون لانه توه بيبي صغير. فا مخليته عقب الربعين باذن الله.

 

[miss mama]

بعدين نصيحه ترا راح تتعبين لانه ماطاح سره فا بتقعديت تعابلين بسره ولا بطهوووره. حرام. تو متش على البيبيًي يتحمل عوارين

 

[yono]

مشكووووووووووووورة miss mama
ما قصرتي....و الله يسهل ياااااااااااااااااارب بس قاعدة و \اوسوس بتطهير البيبي و الله كريم

 

[yono]

up up

 

[مشغوله و محتاسه]

صح كلام البنات ..


عقب شهر مثلا مناسب يكون ارتاح من الولاده و طاح السر و هم يكون بعده صغير ما يعوره وايد ان شاء الله


هالمستشفيات بس تبي فلووووس .. يبون يضمنون وجودج بالمستشفى فيشجعون على الطهار مبجر .. بس مو زين على البيبي

 

[@ام يوسف@]

انا طهلرت ولدي عقب ما طلعت الاربعين وطهرته بدار الشفاء وما شاء الله اسبوع وطاحت الحلقه وما حطيت عليه ولا شئ بس يعطونج غسول طبي وغسلته فيه

 

[yono]

مشكورين أم يوسف و مشغولة و محتاسة الله يجعلا بميزان حسناتكم

 

[مألوفة]

انا طهرت ولدي بدار الشفا وعمره 15 يوم ماشاء الله اسبوع طاحت الحلقة وعطوني اول يوم ادول قطرات وغسول طبي لونه بني

اغسل فيه الجرح وما شاء الله مافيه الا العافية وافتكيت من طلعت من الاربعين طلعت خالصة انا والبيبي

 

[yono]

مألوفة مشكورة..بس منو الدكتور اللي بدار الشفا؟؟