فيدوني جزاكم الله خير !

[قلبي كويتي 22]

قوه بنات شخباركم

بقولكم عن شغله محيرتني وابي رايكم بصراحه لان احيانا اتضايق منها وبعرف انا ع حق لاااااا ؟!!!!!!!!



بنات انا زوجي بيتوتي بشكل يحب قعددة البيت وعادي لبغيت اطلع اي مكان مع خواتي ماعنده مشكله معطيني حريتي اطلع ادري هالشيء زين شين بنفس الوقت بس في ناس حولي وعارفين نظام زوجي ماخذين فكره ان زوجي يبي الفكه واطلع واخليه بالبيت ياخذ راحته !!!!!!!!!! احيانا اتضايق واتخيل ان صج هالكلام لان انا انسانه احب اطلع والجمعات وجلسة البيت ممله يعني اطلع من ورا المغرلاهلي او مع خواتي اي مكان ويكون عنده خبر طبعاا او هو يوديني !!!
واحيانا يقول خلينا نطلع واذا ماله خلق يقول اطلعي غيري جوو عشان ولدي مايحب يقعده بالبيت واجد يزهق جذي يحب اوديه لاهلي واروح وياه لاهلي واطلع اي مكان لبغيت


بعرف طبيعي قعدة الرجال بالبيت ولا فعلا في شي غلط وانا ع نيتي مع العلم زوجي طيب وياي وحنون ومو مقصر بشي الحمدلله وهو عنده هوايات شكثر منها القرايه والنت ويلعب بلاي سيتشن يعني اكثر شي بالبيت يسويه هالاشياء !
تنصحووني اغير نظامه واعوده ع طلعات الربع ولا اخليه ع وضعه جد محتارة وخاصة من اللي يعلقون ويقولون زوجج كله بالبيت وانتي طالعه مدري شرايكم !!!!!!



سوري مخربطه لان محتارة يارب تكون فكرتي وصلت حبيباتي

 

[ام فواازي]

حمدي ربج شله بربعه ابرك ترى اكثرهم يخربون واذا اللي يقولون يبي الفكه وياخذ راحته جان ماتشوفينه بالبيت تلقينه كله طالع وهاملج
اولا بالبيت معناته مرتاح معاج في بيته
ثانيا معطيج حريتج وواثق فيج روحي وتعالي وين ماتبين شتبين اكثر
ثالثا يقولج من نفسه امشي نطلع

احمدي ربج وبلاش ادورين المشاكل عندج رجال مقدرج واثق فيج مفروض تقدرينه و وتوثقين فيه

 

[ليل السفر]

اول مره اشوف وحده ترفس النعمه برجولها

 

[bride2011]

حمدي ربج مو هايت مع ربعه يقلبون راسه انتي بعد خففي طلعات وقعدي سوي جو معاه بالبيت

 

[شادن33]

ماعليج من كلام الحريم وسمعي من اذن وطلعي من الثانيه
حمدي ربج واشكريه وحطي ريلج بعيونج يحليله مومانعج من الطلعه مسكين

 

[love love]

اهو هواياته كله يمارسها بالبيت يعني مو فاضي وحاط ايده على خده

خليه براحته

 

[Lost]

اول مره اشوف وحده ترفس النعمه برجولها

لووووووووووووووووووووووووووووووول

ضحكني ردج

وصاحبه الموضوع بليز لو بتسمعين الى كلام الناس صدقيني ماراح يخلص

قطيهم ورى ظهرج وحطي بالج ع بيتج ابرك

ودام ان ريلج له هوايات شاريكه هواياته لا تخلينه لحاله وانتي كله طالعه

بالتوفيق

 

[*E.B.D.A.3*]

حبيبتي
الناس شنو يترس عينها؟؟
اذا حبسج بالبيت ... قالولج تطلقي منه
واذا كان طالع بره البيت 24 ساعه .. قالولج اييه اكيد يخونج طع شلون هايت
واذا عطاج حريتج، قالولج اكيد مايبيج !!!

طبع زوجج بيتوتي .. مافيها مشكله
وانتي بتستانسين اكثر اذا دشيتي معاه هالمود وقمتي تلعبين معاه بلايستيشن ---> غرامي :d
واذا تبينه يطلع ماعليه .. لطالما اهوه زين وحنون قوليله امش نطلع على يوم حق المطعم الفلاني

ابدا ماكو شي جايد بمشكلتج
واذا حياتج كانت خاليه من المشاكل لا تقعدين ادورين عليها!!!!
هونينها وتهون
و فجي عنج الوسواس

 

[قآنون كيفكـ!!]

كلام الناس لايودي ولاييب .

شافوا ريلج بالبيت وانتي تطاعين قالوا مهملج ويبي الفكة منج
طلع الريال قالوا مو ملاقي مرة سنعه بالبيت راح يوسع صدرة ويا ربعه ..

خلج على وضعج وحمدي ربجج ..

 

[د. فاطمة]

حبيبتي زوجج طبيعي واحمدي الله على هالنعمة
لأنه من جد رجال
الله يخليكم لبعض ويحفظكم يارب

 

[om 7sony]

شوفي حبيبتي
انا زوجي بالضببط نفس زوجج
بس الغير انه ما يخليني اطلع بدونه
اذا طلعت وهو بالبيت ينكد علي وينغص علي عيشتي
بالاول كنت والايد متضايقه من هالشي
بس والله بعدين قمت احمد ربي واشكره الف مليون مره
فهمت ان لو مو مرتاح معاي ببيتي جان دور شي ثاني يلهيه
وانا اذا فتحت عليه باب الطلعات اخاف ما يتسكر ويهدني ويجابل ربعه
فقلت اتم جذي وايد احسن
حبيبتي دام مو حارمج من الطلعه
خلاص خليه على راحته ،،،، والله احسن لج

وكلام الناس خليه ورا ضهرح
يعني اذا قام يطلع ما بيقولون مو مرتاح معاها وماذيته ؟؟؟
ترى في ناس فاضيه مالها الا الحجي ،،، خليهم عنج ولا تسمعين حجي الناس
انا ياما قالولي الله يعينج عليه ؟،، وحده تقول وع ما عمري شفته يضحك ،،، تخيلي جدامي تقول هالحجي ،،، ووايد يتكلمون ،،، خليهم يتكلمون لا يهمونج
ونصيحتي سواء ريلج يطلع ولا يقعد ولا بالنسبة حق اي شي ثاني خليه بينكم ،،، لا تقولين لاحد هو شنو طبعه ولا تسولفين عنه اصلاً
لان حجي الناس ما بيخلص
هذا غير الحجي الي يصير من وراج

 

[كـ غلا ــلي]

اشلج بحجي الاوادم اللي مارواه غير الشك وخراب البيوت كافي انه يعاملج بحنية واحترام ومعطيج حريتج

وانتي الحمدالله تدرين انه بيتج وعارفه شنو يسوي اشلج تعلمينه عالربع والخراب باجر تتندمين جان زين

ريلي مثلج والله لين عرف الربع والدوانيات شوفته عليج بتكون بالحسره تالي انتي تاخذين منه موعد بس عشان

تشوفينه حمدي ربج عالنعمه اللي انتي فيها ولا تسمعين حجي احد كافي انتي مرتاحه لا تيبين الهم حق روحج

 

[رنيم الروح]

حبيبتي لا تسمعين كلام الناس انا وحده حالت زوجي نفس زوجك يحب قعدت البيت حتى اذا طلبت منه يقول روحي مع اي احد اهله او اهلي وعلى طول اذا ماعنده دوام قاعد بالبيت صح احيانا اتضايق من وجوده بس الحمدلله احسن من طلعاته الي مادري عنها

 

[اميره1980]

دبور وزن علي خراب عشه

الناس اشعرفهم بطريقة حيات زوجج الا منج ؟
اشدراهم ان قاعد بالبيت و لا طالع ؟؟ لا تسولفين عن حياتكم
اذا ريلج يحب القعدة بالبيت خليه على راحته و انتي خففي طلعاتج مع اهلج و طلعي مع ريلج

 

[Patcholli]

عزيزتي لا تسوين مشكله من لا مشكله ..!!
تقولين زوجج حنون ويحبج ومو مقصر معاج .. وبعظمة لسانج ذكرتي انه بيتوتي ومايحب الطلعه ..
اذا ليش تسمعين لكلام العذال ..؟؟
صدقيني الانسان اللي يحبج مايحاول يزرع الشك بقلبج
ولا يحاول ينفرج من زوجج ولا يحاول يحط براسج افكار سيئه عنه ..!!
وصدقيني هالشي خيره لج ..!!
خليهم يقولون زوجج يبي الفكه وتعيشين مرتاحه وسعيده وزوجج يحبج ومو مقصر
ولا انهم يقولون زوجج لازق فيها وتيج العين من كل صوب ..
وبعدين اختي اللي يتكلمون عن زوجج هل اهم معاشرينهم ويعرفونه اكثر منج ؟؟
هل اهم داشين بعقله ونيته وقارين انه يبي الفكه منج ..؟؟
هذا جهل صدقيني .. اشلون يحكمون على انسان مايعرفونه ..؟؟
انتي اللي تعرفين زوجج وانتي اللي معاشره زوجج وعارفه ان طبعه بيتوتي وواثق فيج
صدقيني من الغيره والحسد يحاولون يطيحون هالحريه والثقه من عينج
نصيحه لوجه الله لا تسمعين لكلام الناس ولاتخلين الشيطان يدخل بينج وبين زوجج الطيب اللي يحبج ..!
لاتختلقين المشاكل والوساوس
الحمدلله حياتج مستقره ..
بيت عيال راحه هدوء زوج حنون ومحب وواثق وحريه ومو مقصر معاج مادياً
الواحد شيبي اكثر من جذي ..؟؟ ليش تدورين عوار الناس
حياتج حلوه استمتعي فيها .. لا تدورين اشياء سلبيه تكدرج وتظيق خلقج وتحرمج من لذة النعمه اللي عندج
وعلى فكره طبع زوجج مو غريب ابداً وعندي وايد اهل مثل نوعيه زوجج يبون البيت والراحه والهدوء ومايحبون الاجواء الصاخبه وبيني وبينج ماينلامون من الاشكال الي نشوفها برا وجلة الحيا الواحد صار مايحب يطلع بكثرة الا للظروريات

 

[رقـة الاحسـآس]

ما عليج من كلام الناس
طنشيهم اهم شي انتي و ريلج
في رياييل بيتوتيين عادي
لازم يعني يهيت برا عشان يكون طبيعي؟

و قولي الحمدلله انه مب حاكرنج بحكم طبعه
بالعكس مخلنج ع راحتج
بس بعد انتي لا تزودينها و تطلعين وايد
يعني يلسي معاه و شاركيه هواياته احيانا و احيانا طلعي و خليه ع راحته و احيانا حاولي تطلعين معاه لمكان هادي وحلو تستانسون فيه

 

[اخت خالتهم]

حبيبتـي مالج شغل بـكلام الناس
فـي بنات رياييلهم مطلعين لهم قـرون ما تبي أحد تشوفه مرتاح
شوفي حطيت موضوع ان دلعي زوجج و بوسي ريـوله قالو قطيعه وانا خدامته !!
وحسسوني اني ما افتهم وشككوني بنفسي بس لما شفت اغلب مواضيعهم كلهم مو مرتاحين بزواجهم
حياتي اخذيها قاعده اللي عبالها زوجج يبي الفكـه منج
هذي زوجها يبي الفكه منهـا ..
ما حطت العيب فيج الا لان العيب فيهـا
انا كاني اطلع واروح وارد والحمدلله محد تحجى واساسا ليش تقولين بالبيت
قولي ما اطلع الا اذا بغى يطلع
سكتيهم ..
و مالج شغل بالناس ولا تقولين حق زوجج باجر تشيشينه وما يخليج تطلعين وتستانسين

 

[شيخة العوب2]

الحمدالله رب العالمين طلعت موبس انا حتي زووجي بعد جذيه والحمدالله مرتاااااحه حتي ساعات يقولي روحي نامي عند اهلج
عااااادي الحيااااااة حلووووه

 

[شيخه_البيض]

محد يحس بالمشكلة الا اللي عايشها

انا ريلي 24 ساعه بالبيت وعنده ديوانيه تحت ربعه وعيال عمه وكل شوي يصعد يقعد ساعه ساعتين وينزل ساعه على هالحال ومايخليني اطلع بروحي نو وي يا اهوا معاي يا اطلع مع اهلي بس ماحب اطلع واهوا بالبيت انا ما ارتاح وبنفس الوقت أتضايق من قعدته لازم فيه فجه شوي

وماعنده هوايات يبطل اليوتيوب ويحط على المغاوير ولا على مشاه ولا على الضفادع البشريه لوووووول عسكري


تخيلي وانا معاه او نشوف افلام أكشن احس صرت بويه منه


بس الحمدلله احسن من غيري بواااااايد وانتي بعد احسن من غيرج
ومالج الا الصبر شتسوين بعد *

 

[بيادر أمل]

.
.
حياتي قلبو شلونج يا عمري شخباارج جد مشتاقتلج
عمري اذا نبي نسمع كلام الناس ما راح نخلص من مواويلهم !!
انتي مرتاحة معاه وهو مرتاح معااج خلاص معناته مافيه مشاكل ولا اختلافاات
ما تبين تسمعين كلام الناس قللي طلعاتج مع خواتج وطلعي معاه بحجة نلعب الولد
ونغير جوهـ
حياتي عيشي حياتج وما تكلم من النااس الا وهو محتر منج ومن حيااتج
وعسى ربي يدوم السعاادة عليج وعلى عايلتج ^^
.
.