فيدوني ..

[Blondya]

السلام عليكم

اول شي حبيت اهنيكم على هالقسم المميز

ثاني شي انا عمري ما ربيت قطوه من زمان كانت براسي الفكره
بس متردده .. بس الحين اصريت عليها و جد ودي اربي قطوه
وحيل جاده بالموضوع لدرجة اني قريت مواضيع و كتاب عن القطط
وتشجعت وقريت جم موضوع حق عضواتنا و حيل شوقتوني و شجعتوني

فـ أبيكم تفيدوني
افضل مكان اشتري من قطوه تكون سليمه و زينه و أسعارهم زينه
و عن تجربه
و لو في وحده من عضواتنا تبيع أو عندها قطط لتبني تقولي :eh_s(22):
لان احس افضل من السوق
و ودي قطوه شيرازيه أو
من هالنوع المهجن
http://www.q8yat.com/t862079-2.html

ياليت تساعدوني
و شكراً

 

[VET-Nour]

شوفي المزااد , حتاا مرآت يحطون الوان نادره و حلوه , أذككر قبل شهر وآحد حط قطوه لونها دخاني مايل ع الازرق ,
حده حلوو , و مرات يحطون قطوه بيضه لونها مايل ع الحليبي , يصير لونها جنه وردي ,

و عندج q8pets

بسس سوق الحمام لا تشترين منه ><

و ماادري اذا في بنات يبيعون قطاوه او لآ ,

 

[عود ومسك]

الله يوفقج ان شاء الله وتلاقين القطوه اللي تبينها وانا عندي كتنز بس ماراح ابيعهم الحين تو الناس عليهم
وبالنسبه للقطوه المهجنه اللي عارضتها حبيبتي احلى قطوه هذي يا عمري ما تعتبر مهجنه بس المقصد انهم زاوجوها مع انواع ثانيه وكل الانواع الثانيه زينه.. لكن احنا نقول المهجن عن اللي يكون مثلا شيرازي مهجن مع قطو شوارع
والسيلكيرك ركس مو موجود بالكويت تطلبينه من بره

بس انتي ماحددتي عمر القطوه اللي تبينها واذا نثيه والا ذكر وشكثر فيه بنات بالمنتدى هني يبيعون قطاوتهم

 

[Blondya]

اهاااا
انزين تعرفين موقع اطلب منه هالقطوه ؟

أنا الي ابيها تكون نثية و عمرها 3 شهور جذي

 

[عود ومسك]

لا والله ماعندي خبر
بس تقدرين تدزين رساله حق احلى قطوه ان شاء الله اهي تقدر تفيدج
اذا فيج صبر نطري لين الكتنز اللي عندي يكبرون :d

 

[شربـــات لـــوز]

انا ابيع قطاوه اذا تبين دزي يور بن عالخاص

 

[Q8stylle]

upp