فيديواتي

[3isha]

,
السلام عليكم .،

ماعرف من وين ابدى عندي وايد حجي في خاطري
ابي اتكلم عن فيديواتي اللي احطها لكم وخصيصا اسويها
عشان بنات هالمنتدى (كويتيات)
اول شي ابي اسآل بعض البنات انتوا اتقدرون التعب اللي احنا نتعبه عشان ننزل لكم
هالمواضيع وهالدروس .
انا الفيديو الواحد ياخذ مني ١٠ ساعات وحزات اكثر واقول معليه بنات المنتدى
يستاهلون لكن اتجيني وحده ماعندها اي اسلوب واتقط حجي اي ليش ؟
ابي افهم موب عاجبج الفيديو لاتردين لاتقولين شي مايحتاي اتعبين عمرج وتكتبين
رد راح يجرح شخص تعب انزين قدري مجهوده شوي انزين في شي اسمه رسايل عالخاص
ابد مافي اسلوب كلش وقسم بالله تضايقت صج وحسيت اني تعبت نفسي عالفاضي
ليش جذي انزين شستفدتي الحين .
انا اسفه بنات سامحوني بس والله غصبن عني
استغرب من هالبنات والله صج تضايقت .

سامحوني اذا غلطت عليكم في يوم او جرحت حد من غير ماقصد :eh_s(7):

:eh_s(17):



​

 

[^LILY^]

للآسف عندنا نآس بالمنتدى مآ تعرف تنصح
بس من ناحية التصوير و ما آحلل آعآآرضها بشكل كبير بس كلن عقله برآسه

 

[meme>the best]

اي عادي طنشي لا تعورين راسج اذا بدققين بكل رد بنت بتتعبين اخذي الزين وخلي الشين

 

[توته حتوته]

شوفي قلبي كل انسان بالدنيا يتعرض للحجي

بالنسبه للفيديوات والله روعه وماشالله عليج

حتى لو فيهم شغلات ناقصه بالكاميرا او شي

يكفي انج بلشتي بالفيديو وحاولتي والله

وانا فيديواتج حبيتهم مع انهم شويه

اكثر شي عجبني الميك اب البرونز ماشالله زوغهه كل شوي اشوفه


وياحبيبتي انا اقول واصلي ولا تلتفتين للناس المريضه

وموفقه كل خير ياارب ^_^

 

[noty]

رضى الناس غايه لا تدرك

حطي هالمقوله براسج و ترتاحيين

و الفيديو اذا سويتيه كوني على ثقه المستفيد اكثر من المو مستفيد

و النقد على كل شي ينقدون هذي طبيعة اغلب شعبنا يحب الانتقاد و ما يشوف عيوبه قبل لا ينقد

فريحي راسج و لا تتكدرين حبيبتي و يعطييج العافيه و عرفي انه هذى طبيعتهم عشان ترتاحين

 

[فـسقانه]

اببببببببببببببببببب

 

[فلورنسيا]

بعد عمري والله مالج شغل متابعينج عمري ودايمن ندور اذا منزلة شي يديد الله يعطيج العافية

 

[عسل سل]

توني اشوف الفيديويات شغلج حدده حلوووو بالتوفيق

 

[ام احمدي2011]

بالعكس حبيبتي احنا متابعينج وفي انتضار فيدواتهاتج

 

[bnt_mafia]

اول شي يعطيج العافيه وماقصرتي
والبنات هذيل الله يهديهم مادري شنو قصتهم مره وحده من العضوان سوت فيديو طلعت فيه كلوها ماخلو شي ماقالوا خلاص عندكم تعليق عيب جذي او يكون باسلوب راقي مو جذي أوكي حتى لو ماتبين تجاملين في اسلوب أرقى وأحسن من جذي
حبوبه ماعليج منهم دام اللي عاجلته اكثر من اللي مو عاجبهم قطيهم بحر ليش تحرمين بعض البنات علشان يتعلمون ويستفيدون
أنا عن نفسي عاجبني ماشاء الله وأشجعج اكثر واكثر وماعليج منهم ولاتضايقين نفسح
*

 

[kokiokokolovely]

بالعكس ا نتي عسولة وفيديوهاتك حلوة طنشي ياجميل دول زي مابنسميهم عندنا في مصر كده اعداء النجااااااااااااااح كبرررررررررررررررررررررررررري الجي وروقي الدي 5 جميللللللللللللللللللللللللل
خلاص بقي فكي بوزك الكل يحبك ويعوزك ههههههههههههههههههههههههه
والله فيديوهاتك عسولة اوي

 

[خلطات المذهله]

والله ماشفت فيدواتج بس مشكورة بشوفهم واكيد مع كامل شكري وتقديري كافي تعبتي نفسج عشان تنفعينا

 

[المرتاحة]

هالفئة من الناس بكل مكان و بكل مجال انتي اللي عليج لا تعطينهم اكبر من حجمهم و طنشي واستمري والله يوفقج يا رب

 

[3isha]

مشكورين فديتكم
والله كلامكم على راسي ،
والله ماتدرون انا شكثر احب هالمنتدى واحب اشارك فيه
بحاول اطنش بس حزات يكتبون كلام محد يقد يتقبله
يعني في وحده اكتبت انتي كنتي بكامل عقلج يوم حطيتي الفيديو
بذمتكم هاي كلام وحده اتقوله
عالعموم انا بحاول اطنش
ومشكورين وايد فديتكم ماقصرتو

 

[^LILY^]

^^

آي قريته آهو كومنت بالـ/ يوتيوب , آظن مقطع ميك آب آلخدآمه
شحقه تزعلين آنا و بنت خالتي لمآ قرينآ الكومنت نقدنآ على اللي كاتبته
يعني العيب لاحقها مو لاحقج

 

[MakeupAholic]

خليييهم يولوون ولا تضيقين خلقج

 

[3isha]

اي انا قلت جذي مافي حد يستاهل اني
احرق اعصابي عشانه .،
مشكوره حياتي

 

[سكر_قطر]

ياربييييه كتبت رد وانمسح صادني احباط

شوفي حبيبتي ماعليج من احد لان مافي حد تعب معاج او شارك معاج في شي كل شي بمجهودج

وانتي تشكرين على هذا الشي

لان محد يعرف الدرس شكثر ياخذ وقت ومجهود للتصوير والترتيب

انا اشوف دروسج ١٠٠%

واضحه ومرتبه والنتيجه حلوة

واذا فيه خطأ شي جدا عادي محد معصوم من الخطأ لازم مع الايام بيتغير مستواج للافضل وافضل

لاحظت بعض الردود حدها سخيفه واقول في قلبي الله يعينها مسكينه خير تفعل شر تلقى

لكن مافي الا تطنشين لو انتي حابه تستمرين واعتقد فيه طريقه تمنعين التعليقات على الفيديو فاليوتيوب

بالتوفيق ان شاء الله واحنا متابعين ومشجعين لج عزيزتي

 

[arrooma-]

,
السلام عليكم .،

ماعرف من وين ابدى عندي وايد حجي في خاطري
ابي اتكلم عن فيديواتي اللي احطها لكم وخصيصا اسويها
عشان بنات هالمنتدى (كويتيات)
اول شي ابي اسآل بعض البنات انتوا اتقدرون التعب اللي احنا نتعبه عشان ننزل لكم
هالمواضيع وهالدروس .
انا الفيديو الواحد ياخذ مني ١٠ ساعات وحزات اكثر واقول معليه بنات المنتدى
يستاهلون لكن اتجيني وحده ماعندها اي اسلوب واتقط حجي اي ليش ؟
ابي افهم موب عاجبج الفيديو لاتردين لاتقولين شي مايحتاي اتعبين عمرج وتكتبين
رد راح يجرح شخص تعب انزين قدري مجهوده شوي انزين في شي اسمه رسايل عالخاص
ابد مافي اسلوب كلش وقسم بالله تضايقت صج وحسيت اني تعبت نفسي عالفاضي
ليش جذي انزين شستفدتي الحين .
انا اسفه بنات سامحوني بس والله غصبن عني
استغرب من هالبنات والله صج تضايقت .

سامحوني اذا غلطت عليكم في يوم او جرحت حد من غير ماقصد :eh_s(7):

:eh_s(17):



​

سكري خاصية ان التعليقات تنعرض .. شوفيهم بعدين وافقي عالكومنتات
عشان مو الكل كفو تنعرض تعليقاته :eh_s(17):

 

[@شيخه@]

مووووفقه